| Nummer:msc078 | Datum: | Überlieferung:Origineel | Fundstelle:Arch. Menoldis- en Sywenconvent, inv.nr. 0047, reg. 078 |
Wy Borghermestere ende Raedt yn Groeninghen betueghen myt desen openen breve dat vor uns ys
ghekoemen Suster Lutgert Groethues woenende yn vrow Sywen convent up der miner broder
karckhoff bynnen unser Stadt ende bekende vor hoer ende hoeren arffgenamen dat se hevet upgedraghen ende avergege-
van Suster Blyke Wicherynge ministersche suster Beerte Berneers ende suster Roleff Fukers suster
Gese Koepersclagers senioerschen des selven conventes ende hoeren naekomelyngen tho behoeff des vorscr.
conventes ende hoeren naekomelyngen twe hundert ans gulden eens yn reden ghelde heer koe-
mende van szodanen twalff arns gulden renten als suster Lutgart vorscr. ynt vorgen. Convent ghe-
bracht mach hebben de men eerst uuth Grupers heert tho Houwersyll ende daer nae uuth Albert
Ulersum heert plach tho manen Noch hyr tho all hoer ander ghuedt vry ende quydt arffliken
ende ewliken tho bruyken ende tho besitten waer voer de vorscr. conventes lueden ende hoere nae-
komelynge sullen besorgen suster Lutgart vorscr. de wile sie levet wes hoer van noeden ys ende ten
dode des ghelix als dat daer gewoentlick ys ende na suster Lutgartes vorscr. doet ende affganck sall
dat vorscr. convent up hoer starffdach tho ewighen daeghen suster Lutgart vorgen. beghaen ende
Egbart Groethues hoer vader ende Vetken hoer moder myt dre was kersen elck van een half
punt wasser yn der broeder karcke ende ghaen daer dan tho grave als dat daer gewoentlick ys
ende daer tho sall dat vorscr. convent up den vorgen. dach alle Jaer hoer selffs Convent aver alle
spiseghen myt ghesoden ende braden ende Hamborger beer ene maeltydt na gelegenheyt der tydt
ende gheven elcke suster een placken wegge Noch hyr tho salmen alle Jaar ynder vasten gheven
dat ghemene convent vorscr. een mudde weyten um sych ene broet daer van tho backen ende
van truwelick vor suster Lutgartes ende hoer olders vorgen. tho bidden. Sunder argelist dat oer-
kunde wy myt unser Stadt Segel Gegeven Inden Jaer unses Heren dusent viffhundert twe
ende dartich up avonde ascensionis domini. Do Eltet tho Lellens Lubbert Koenynck Reynt
Albarda ende de olde Johan Hoernken Borgermestere weren unser Stadt. JB.
ghekoemen Suster Lutgert Groethues woenende yn vrow Sywen convent up der miner broder
karckhoff bynnen unser Stadt ende bekende vor hoer ende hoeren arffgenamen dat se hevet upgedraghen ende avergege-
van Suster Blyke Wicherynge ministersche suster Beerte Berneers ende suster Roleff Fukers suster
Gese Koepersclagers senioerschen des selven conventes ende hoeren naekomelyngen tho behoeff des vorscr.
conventes ende hoeren naekomelyngen twe hundert ans gulden eens yn reden ghelde heer koe-
mende van szodanen twalff arns gulden renten als suster Lutgart vorscr. ynt vorgen. Convent ghe-
bracht mach hebben de men eerst uuth Grupers heert tho Houwersyll ende daer nae uuth Albert
Ulersum heert plach tho manen Noch hyr tho all hoer ander ghuedt vry ende quydt arffliken
ende ewliken tho bruyken ende tho besitten waer voer de vorscr. conventes lueden ende hoere nae-
komelynge sullen besorgen suster Lutgart vorscr. de wile sie levet wes hoer van noeden ys ende ten
dode des ghelix als dat daer gewoentlick ys ende na suster Lutgartes vorscr. doet ende affganck sall
dat vorscr. convent up hoer starffdach tho ewighen daeghen suster Lutgart vorgen. beghaen ende
Egbart Groethues hoer vader ende Vetken hoer moder myt dre was kersen elck van een half
punt wasser yn der broeder karcke ende ghaen daer dan tho grave als dat daer gewoentlick ys
ende daer tho sall dat vorscr. convent up den vorgen. dach alle Jaer hoer selffs Convent aver alle
spiseghen myt ghesoden ende braden ende Hamborger beer ene maeltydt na gelegenheyt der tydt
ende gheven elcke suster een placken wegge Noch hyr tho salmen alle Jaar ynder vasten gheven
dat ghemene convent vorscr. een mudde weyten um sych ene broet daer van tho backen ende
van truwelick vor suster Lutgartes ende hoer olders vorgen. tho bidden. Sunder argelist dat oer-
kunde wy myt unser Stadt Segel Gegeven Inden Jaer unses Heren dusent viffhundert twe
ende dartich up avonde ascensionis domini. Do Eltet tho Lellens Lubbert Koenynck Reynt
Albarda ende de olde Johan Hoernken Borgermestere weren unser Stadt. JB.
x
| Archiv | Groninger Archieven |
|---|---|
| Bestand | Arch. Menoldis- en Sywenconvent |
| Zugangsnummer | 1256 |
| Inventarnr. | 0047 |
| Regestnr. | 078 |
| Register Feith | 1532.018 |
| Jahr | 1532 |
| Datumcode | vAscDom |