| Nummer:mun003 | Datum:1 febr. 1413 | Überlieferung:Origineel | Fundstelle:F.A. Van Munster, inv.nr. 0052, reg. c |
..... Alle den genen die desen brieff sullen sien offte hoiren lesen doe ick Herman van Haersolthe verstaen ende bekenne voir
mij ende mijnen erffgenaemen dat die Eerwaeerdige in Gode vaeder ende heer heer Frederick van Blanckenheim bijder genaeden Godts Bisschop tUtrecht mijn
lieve genedige heer mij sijn huis, borgh ende stadt tot Coeverden mit allen hoeren toebehoiren guetlijck op mijnen geloeven ende trouwe hefft oevergedaen
ende bevolen wel te verwaeren dat ick van hem ontfangen ende angenoemen hebbe in alsulcken schijn als die brieff begrijpt die ick hem daerop heb besegelt
gegeven Ende want die wijse eersame bescheiden luide schepen ende Raedt der drier hoefftsteden van Zallant als Deventer, Campen en Zwolle oer
guetduncken ende volwert gedaen hebben tot der bevelinge die mij geschiet is so dat ick bij oeren wille ende raede daeran gecoemmen bin so hebbe ick na den
vorwaerden die vanden huis, borgh ende stadt tot Coeverden gemaect sijn tusschen mijnen genedigen heeren van Utrecht ende den drien steden voirscreven ende
na inholt der brieven die hie hem daerop hefft gegeven omme te verseeckeren dat huis borgh en stadt vanden gesticht niet ontverret noch vervreemt
en weerde geloevet ende gesekert in goeder trouwen voir mij ende voir mijnen erffgenamen an handen der borgermeisteren tot behoeff der drien steden voirscreven
als dat ick die borgh, dat huis ende stadt tot Coeverden mit allen haeren toebehoiren trouwelijcken sal holden hueden en verwaeren tot behoeff mijns
genedigen heeren ende sijns gestichtes van Utrecht voirscreven als een guet castelein ende amptman schuldich is te doen sonder enich gelt daerop te lenen off opslach te
maekene ten waere bij wille ende consent der drier steden voirscreven. Ende weert dat mijn genedige heer voirscreven afflivich off in een ander gestichte
transferiert worde bij mijre tijt dat is to verstaen dewile dat ick castelein ende amptamn toe Coecerden bin dat Godt verbieden moet, so en sal ick
off mijne erffgenaemen dat huis, borgh ende stadt tot Coevorden voirscreven in niemandes handen brengen dan bij raede ende geheite der steden voirscreven
tot behoeff des gestichtes van Utrecht thent ter tijt dat die bisschop die dan queme na mijnen genedigen heeren voirscreven die mits den voirscreven steden
brieven gegeven ende besegelt hadde van alle den puncten ende in derselver formen als die brieven die mijn genedigen heer hem gegeven hefft daer aff
hebben begerepen. Oick sint vorwaerden offt saecke weer dat mijn genedige heer voirscreven mij ontsette ende enen anderen amptman ende castelein weder
in mijne stede setten wolde so en sal ick nochtans dat voirscreven huis, borgh ende stadt Coeverden niet overleveren die amptman ende castelein die na
mij queme ende hadde den steden voirscreven eerst brieven gegeven ende besegelt in alle der maeten als dese brieff hefft begrepen. Ende wanneer dat geschiet
is soe sal ick off mijne erffgenamen gebreeck mijns den bisschop off naecoemlinge mijns genedigen heeren voirgenoemd dat huis borgh ende stadt mit hoeren
toebehoiren commerloes overleveren tot behoeff des gestichtes daer mede voirt om te gaen als voirscreven is. Beholtlijck mij Herman ende mijnen erffgenamen
sulcker brieven als mij die drie steden besegelt hebben van seshondert vrancrijxsche schilden die ick an handen Johans van Buchorst verlecht ende
betaelt hebbe als dat ick die gebruicken mach na hoeren tenoer ende inholtenisse onverbroecken mijnes edes. Voirts sijnt vorwaerden dat ick
alle tijt dewile ick castelein ende amptman bin tot Coeverden helpen sal na alle mijne macht dat landt van Zallandt beschudden voer roeff, voer
brandt ende voir alle geweltlijcke saecken mit allen den genen die ick daertho gebieden ende bieden kan. Voert sijnt vorwaerden dat ick Herman
van Haersolthe voirscreven in affcortinge der seshonder olde schilden voirscreven alle jaer so lange als ick amptman bin affcorten sal vijfftich olde schilden
ende die inne beholden vanden renthen vervallen ende opcoemminge des amptes voirscreven ende dit salmen doen thent die ses hondert olde schilden voirscreven
vol ende al affgecortet ende betaelt sijn. Sonder enigerhande argelist. Alle dese voirscreven puncten hebbe ick Herman van Haersolthe voirscreven gelovet ende
geseeckert in goeden truuwen ende geswoeren ende den hilligen mit opgerecten vingeren ende mit gestaeveden eden voir mij ende voir mijnen erffgenamen
vaste, steede ende onverbrekelijck te holden. Ende wij Hendrick van Haersolthe, Johan Kanferbeke, Evert van Essen ende Henrick van Essen bekennen
in desen selven brieve dat wij met onsen vrijen ende goeden willen hebben gesekert ende gelovet in goeden trouwen den voirscreven drien steden ende hebben
voert mit opgerechten vingeren ende mit gestaveden eden over den hilligen gesworen mit den voirscreven Herman alle dese voircreven puncten vast steede
ende onverbreeckelijck te holdene Ende weert saecke dat die voirscreven Herman afflijvich worden ier hij van den voirscreven ampte ontsat worde so sullen
wij nochtans alle verbonden wesen mit onsen eden voirscreven an handen der drien steden voirscreven tot behoeff des gestichtes van utrecht alle puncten
vast, steede ende onverbreeckelijck te holden in alre ma- nieren als hem die Herman voirscreven gelovet hadde als voirscreven steet. Sonder argelist. Deser
brieven sijn drie alleens spreeckende van eenre saecke. In oirconde des brieffs so hebben wij Herman, Henrick, Johan, Geert ende Henrick voirscreven
onse segele voir ons ende onse erffgenamen an dessen brieff gehangen. Gegeven int jaer ons heeren duisent vierhondert ende dertijn op onser Vrouwen
avont Purificacio.
mij ende mijnen erffgenaemen dat die Eerwaeerdige in Gode vaeder ende heer heer Frederick van Blanckenheim bijder genaeden Godts Bisschop tUtrecht mijn
lieve genedige heer mij sijn huis, borgh ende stadt tot Coeverden mit allen hoeren toebehoiren guetlijck op mijnen geloeven ende trouwe hefft oevergedaen
ende bevolen wel te verwaeren dat ick van hem ontfangen ende angenoemen hebbe in alsulcken schijn als die brieff begrijpt die ick hem daerop heb besegelt
gegeven Ende want die wijse eersame bescheiden luide schepen ende Raedt der drier hoefftsteden van Zallant als Deventer, Campen en Zwolle oer
guetduncken ende volwert gedaen hebben tot der bevelinge die mij geschiet is so dat ick bij oeren wille ende raede daeran gecoemmen bin so hebbe ick na den
vorwaerden die vanden huis, borgh ende stadt tot Coeverden gemaect sijn tusschen mijnen genedigen heeren van Utrecht ende den drien steden voirscreven ende
na inholt der brieven die hie hem daerop hefft gegeven omme te verseeckeren dat huis borgh en stadt vanden gesticht niet ontverret noch vervreemt
en weerde geloevet ende gesekert in goeder trouwen voir mij ende voir mijnen erffgenamen an handen der borgermeisteren tot behoeff der drien steden voirscreven
als dat ick die borgh, dat huis ende stadt tot Coeverden mit allen haeren toebehoiren trouwelijcken sal holden hueden en verwaeren tot behoeff mijns
genedigen heeren ende sijns gestichtes van Utrecht voirscreven als een guet castelein ende amptman schuldich is te doen sonder enich gelt daerop te lenen off opslach te
maekene ten waere bij wille ende consent der drier steden voirscreven. Ende weert dat mijn genedige heer voirscreven afflivich off in een ander gestichte
transferiert worde bij mijre tijt dat is to verstaen dewile dat ick castelein ende amptamn toe Coecerden bin dat Godt verbieden moet, so en sal ick
off mijne erffgenaemen dat huis, borgh ende stadt tot Coevorden voirscreven in niemandes handen brengen dan bij raede ende geheite der steden voirscreven
tot behoeff des gestichtes van Utrecht thent ter tijt dat die bisschop die dan queme na mijnen genedigen heeren voirscreven die mits den voirscreven steden
brieven gegeven ende besegelt hadde van alle den puncten ende in derselver formen als die brieven die mijn genedigen heer hem gegeven hefft daer aff
hebben begerepen. Oick sint vorwaerden offt saecke weer dat mijn genedige heer voirscreven mij ontsette ende enen anderen amptman ende castelein weder
in mijne stede setten wolde so en sal ick nochtans dat voirscreven huis, borgh ende stadt Coeverden niet overleveren die amptman ende castelein die na
mij queme ende hadde den steden voirscreven eerst brieven gegeven ende besegelt in alle der maeten als dese brieff hefft begrepen. Ende wanneer dat geschiet
is soe sal ick off mijne erffgenamen gebreeck mijns den bisschop off naecoemlinge mijns genedigen heeren voirgenoemd dat huis borgh ende stadt mit hoeren
toebehoiren commerloes overleveren tot behoeff des gestichtes daer mede voirt om te gaen als voirscreven is. Beholtlijck mij Herman ende mijnen erffgenamen
sulcker brieven als mij die drie steden besegelt hebben van seshondert vrancrijxsche schilden die ick an handen Johans van Buchorst verlecht ende
betaelt hebbe als dat ick die gebruicken mach na hoeren tenoer ende inholtenisse onverbroecken mijnes edes. Voirts sijnt vorwaerden dat ick
alle tijt dewile ick castelein ende amptman bin tot Coeverden helpen sal na alle mijne macht dat landt van Zallandt beschudden voer roeff, voer
brandt ende voir alle geweltlijcke saecken mit allen den genen die ick daertho gebieden ende bieden kan. Voert sijnt vorwaerden dat ick Herman
van Haersolthe voirscreven in affcortinge der seshonder olde schilden voirscreven alle jaer so lange als ick amptman bin affcorten sal vijfftich olde schilden
ende die inne beholden vanden renthen vervallen ende opcoemminge des amptes voirscreven ende dit salmen doen thent die ses hondert olde schilden voirscreven
vol ende al affgecortet ende betaelt sijn. Sonder enigerhande argelist. Alle dese voirscreven puncten hebbe ick Herman van Haersolthe voirscreven gelovet ende
geseeckert in goeden truuwen ende geswoeren ende den hilligen mit opgerecten vingeren ende mit gestaeveden eden voir mij ende voir mijnen erffgenamen
vaste, steede ende onverbrekelijck te holden. Ende wij Hendrick van Haersolthe, Johan Kanferbeke, Evert van Essen ende Henrick van Essen bekennen
in desen selven brieve dat wij met onsen vrijen ende goeden willen hebben gesekert ende gelovet in goeden trouwen den voirscreven drien steden ende hebben
voert mit opgerechten vingeren ende mit gestaveden eden over den hilligen gesworen mit den voirscreven Herman alle dese voircreven puncten vast steede
ende onverbreeckelijck te holdene Ende weert saecke dat die voirscreven Herman afflijvich worden ier hij van den voirscreven ampte ontsat worde so sullen
wij nochtans alle verbonden wesen mit onsen eden voirscreven an handen der drien steden voirscreven tot behoeff des gestichtes van utrecht alle puncten
vast, steede ende onverbreeckelijck te holden in alre ma- nieren als hem die Herman voirscreven gelovet hadde als voirscreven steet. Sonder argelist. Deser
brieven sijn drie alleens spreeckende van eenre saecke. In oirconde des brieffs so hebben wij Herman, Henrick, Johan, Geert ende Henrick voirscreven
onse segele voir ons ende onse erffgenamen an dessen brieff gehangen. Gegeven int jaer ons heeren duisent vierhondert ende dertijn op onser Vrouwen
avont Purificacio.
x
| Archiv | Drents Archief |
|---|---|
| Bestand | F.A. Van Munster |
| Zugangsnummer | 334 |
| Inventarnr. | 0052 |
| Regestnr. | c |
| Jahr | 1413 |
| Datumcode | vPurMar |