| Nummer:oar043 | Datum:28 dec. 1398 | Überlieferung:Origineel | Fundstelle:Omm. arch., inv.nr. 0012, reg. 043 |
Aelbrecht bi goides genaden Palensgrave upten Rijn hertoge in Beyeren Grave van Henegouwen van Hollant van Zeelant ende heere van Vrieslant doen
cond allen luden want wy Pieter Reynerssoen mit onsen openen brieven ghegheven hebben van ons te houden tot enen onversterfliken
erflien een deel lands van twiedusent roeden lang ende dusent roeden breet. Elke roede gherekent voir twee ende dertich voete
dat gelegen is aen gheen side Groeningherdiep als onse brieve die hi van ons dair of heeft Inhouden Soe hebben wy Pieter voirscr.
om goeden diensts wille die hi ons gedaen heeft ende oft god wil ons noch doen sal, die ghifte van den voirscr. lande vermeerret
ende verbetert. Ende hebben him ghegeven ende gheven mit desen brieve Homerslant mit Zuuthoren ende Noirthoren ende mit anders allen
sinen toebehoren mit kerspel ende mitter heerlicheit hoghe ende laghe. Dair toe gheven wy him alsoe vele lands Dat is twie dusent
roeden lang ende dusent roeden breet Die roede gherekent voir twie ende dertich voete dat lant aen te nemen so waer dattet him
genoeghen sal Ende die heerlichede hoghe ende laghe sal Pieter voirscr. hebben Alsoe verre ende also lanc streckende als twie dusent
roeden lang ende dusent roeden breet tot er heerlichede van Homerslant van Zuuthoren ende Noirthoren voirscr. mit allen sinen
toebehoren Ende desse voirscr. heerlichede lant ende goede hoghe ende laghe als voirscreven staet, sal Pieter voirscr. ende syn nacomelingen
houden van ons ende van onsen nacomelingen tot enen onversterfliken erflien Ende alst versterft soe salment verheergewaden
mit enen roden sperwaer ende versoeken te hove binnen siaers ende binnen daghe, behoudeliken soe wanneer dat Pieter voirscr. of sijn
nacomelingen Homerslant Zuuthoren ende Noirthoren mit allen horen toebehoren mit hoghe ende laghe als voirscreven staet aentast
dat hi ons dan sonder marren sal overgheven den eersten brief die hi van ons heeft ende spreect vanden eersten lande dat wy
him ghegeven hadden gelegen aen gheen side Groeningherdiep als hier voir in desen brief geroert staet. Voirt soe gheven wy
Pieter voirscr. tot sinen lyve dat scoutambocht tot Groeninghen Binnendyc ende In den Opga mit allen sinen toebehoren ende die
scepenen te setten binnen Groeninghen In alre maten als costumelike is. In orconde desen brieve besegelt mit onsen seghele
Gegeven inden Haghe op alre kinder dach Int Jare ons Heren MCCC Achte ende tnegentich.
cond allen luden want wy Pieter Reynerssoen mit onsen openen brieven ghegheven hebben van ons te houden tot enen onversterfliken
erflien een deel lands van twiedusent roeden lang ende dusent roeden breet. Elke roede gherekent voir twee ende dertich voete
dat gelegen is aen gheen side Groeningherdiep als onse brieve die hi van ons dair of heeft Inhouden Soe hebben wy Pieter voirscr.
om goeden diensts wille die hi ons gedaen heeft ende oft god wil ons noch doen sal, die ghifte van den voirscr. lande vermeerret
ende verbetert. Ende hebben him ghegeven ende gheven mit desen brieve Homerslant mit Zuuthoren ende Noirthoren ende mit anders allen
sinen toebehoren mit kerspel ende mitter heerlicheit hoghe ende laghe. Dair toe gheven wy him alsoe vele lands Dat is twie dusent
roeden lang ende dusent roeden breet Die roede gherekent voir twie ende dertich voete dat lant aen te nemen so waer dattet him
genoeghen sal Ende die heerlichede hoghe ende laghe sal Pieter voirscr. hebben Alsoe verre ende also lanc streckende als twie dusent
roeden lang ende dusent roeden breet tot er heerlichede van Homerslant van Zuuthoren ende Noirthoren voirscr. mit allen sinen
toebehoren Ende desse voirscr. heerlichede lant ende goede hoghe ende laghe als voirscreven staet, sal Pieter voirscr. ende syn nacomelingen
houden van ons ende van onsen nacomelingen tot enen onversterfliken erflien Ende alst versterft soe salment verheergewaden
mit enen roden sperwaer ende versoeken te hove binnen siaers ende binnen daghe, behoudeliken soe wanneer dat Pieter voirscr. of sijn
nacomelingen Homerslant Zuuthoren ende Noirthoren mit allen horen toebehoren mit hoghe ende laghe als voirscreven staet aentast
dat hi ons dan sonder marren sal overgheven den eersten brief die hi van ons heeft ende spreect vanden eersten lande dat wy
him ghegeven hadden gelegen aen gheen side Groeningherdiep als hier voir in desen brief geroert staet. Voirt soe gheven wy
Pieter voirscr. tot sinen lyve dat scoutambocht tot Groeninghen Binnendyc ende In den Opga mit allen sinen toebehoren ende die
scepenen te setten binnen Groeninghen In alre maten als costumelike is. In orconde desen brieve besegelt mit onsen seghele
Gegeven inden Haghe op alre kinder dach Int Jare ons Heren MCCC Achte ende tnegentich.
x
| Archiv | Groninger Archieven |
|---|---|
| Bestand | Omm. arch. |
| Zugangsnummer | 2 |
| Inventarnr. | 0012 |
| Regestnr. | 043 |
| Register Feith | 1398.011 |
| Jahr | 1398 |
| Datumcode | OmnInn |