| Nummer:oar051 | Datum:30 nov. 1407 | Überlieferung:Origineel | Fundstelle:Omm. arch., inv.nr. 0015, reg. 051 |
Wy ghemene rechters ende mene meente van Honsighe land ende van Fyvelge land doen kondich allen luden mit desen openen breve dat wij umme
kenlike grote noetsaken ende beswaringhe die wy lyden van den geestliken rechtere in onsen landen boven recht ende reden also syn overeen gheworden
met malcanderen dat negeen mensche hie sy man of vrouwe die in onsen landen wonachtich is claghen sal in den geestliken reche vor den provesten
of vor den persone of vor den officiael of met officiaels breven tuschen den zeenden anders dan die ghene die na den zeend rechte met
reche claghen mogen in den zeende als men met den olden zeentrechtes breven bewisen mach elken persone die hyr en tegen dede by twintich
older Franxscher scilde te broke to der rechter behoef daer die clagher ender geseten is ende mach die clagher niet voldoen so sullen
syne ses naeste hande voldoen Ende beswaert hie ene daer en boven so sal die clagher dat al af legghen ende betalen so wes daer van komet
Ende dat sullen sy elc in synen ampte helpen umme reen der ghenen die gemoyet wort den clagher to berichten Ende wilde die clagher den
ampte overhorich sitten so sal hem dat land to holpe komen Ende wilde hie den lande overhorich sitten so sal dat ene land den anderen
to holpe komen met hore macht den overhorighen to berichten Ende wat kost ende schade daer dan up gaet dat sal die clagher al gader betalen
mach hie selven daer niet vol vor doen so sullen dat ghelden syne ses naeste hande Ende weer dan jenich man die daer en teghen velle ende
niet lyden en wilde dat men den overhorigen berichten solde als vorscr. is die sal metter daet vedeloes wesen quame oech jenighen ampte
beswaringe van den vorscr. saken dat sal dat ene land metten anderen umme teen mit lyve ende met guede by ener pene van hondert olden
scilden Beholden elken man synes oldes rechtes ende syner older breve Voert so hebben wy rechters ende mene meente vorscr. gebeden de Borgher-
mestere ende raet in Groningen of ons tween landen vorscr. jenich man overhorich sitten wilde den wy berichten wilden vanden vorscr. ponten dat
sie ons dan willen to holpe komen den overhorigen to berichten Ende des so hebben wy borghermestere ende raet vorscr. den vorscr. landen gelovet
dat wy hem willen to holpe komen um. hore bede wille als wy des van hem vermaent werden up dat die lande die bet in raste ende in vreden
bliven Ende wat broke daer dan van komet daer sullen onse twe landen van hebben die twedeel ende die stad van Groningen dat derde deel
Al argelist uet gesproken In orkonde der waerheyt so hebben wy rechters ende mene meente van den Halven Ampte vanden Oesterampte
vander Merne ende Middagher ampt van Honseger land onse amptes segele an dessen breef ghehanghen Ende wy rechters ende mene meente
van Fyvelge land hebben ons landes segel an dessen breef gehanghen Ende um die meere vestenes so hebben wy gebeden die borghermestere
ende raet vorscr. desen breef met ons to besegelen Ende wy borghermestere ende raet vorscr. hebben onsen stad segel an dessen breef gehanghen
um bede willen der lande vorscr. Ghegeven in den iaer ons heren dusent vierhondert ende soven up Sente Andreas dach
kenlike grote noetsaken ende beswaringhe die wy lyden van den geestliken rechtere in onsen landen boven recht ende reden also syn overeen gheworden
met malcanderen dat negeen mensche hie sy man of vrouwe die in onsen landen wonachtich is claghen sal in den geestliken reche vor den provesten
of vor den persone of vor den officiael of met officiaels breven tuschen den zeenden anders dan die ghene die na den zeend rechte met
reche claghen mogen in den zeende als men met den olden zeentrechtes breven bewisen mach elken persone die hyr en tegen dede by twintich
older Franxscher scilde te broke to der rechter behoef daer die clagher ender geseten is ende mach die clagher niet voldoen so sullen
syne ses naeste hande voldoen Ende beswaert hie ene daer en boven so sal die clagher dat al af legghen ende betalen so wes daer van komet
Ende dat sullen sy elc in synen ampte helpen umme reen der ghenen die gemoyet wort den clagher to berichten Ende wilde die clagher den
ampte overhorich sitten so sal hem dat land to holpe komen Ende wilde hie den lande overhorich sitten so sal dat ene land den anderen
to holpe komen met hore macht den overhorighen to berichten Ende wat kost ende schade daer dan up gaet dat sal die clagher al gader betalen
mach hie selven daer niet vol vor doen so sullen dat ghelden syne ses naeste hande Ende weer dan jenich man die daer en teghen velle ende
niet lyden en wilde dat men den overhorigen berichten solde als vorscr. is die sal metter daet vedeloes wesen quame oech jenighen ampte
beswaringe van den vorscr. saken dat sal dat ene land metten anderen umme teen mit lyve ende met guede by ener pene van hondert olden
scilden Beholden elken man synes oldes rechtes ende syner older breve Voert so hebben wy rechters ende mene meente vorscr. gebeden de Borgher-
mestere ende raet in Groningen of ons tween landen vorscr. jenich man overhorich sitten wilde den wy berichten wilden vanden vorscr. ponten dat
sie ons dan willen to holpe komen den overhorigen to berichten Ende des so hebben wy borghermestere ende raet vorscr. den vorscr. landen gelovet
dat wy hem willen to holpe komen um. hore bede wille als wy des van hem vermaent werden up dat die lande die bet in raste ende in vreden
bliven Ende wat broke daer dan van komet daer sullen onse twe landen van hebben die twedeel ende die stad van Groningen dat derde deel
Al argelist uet gesproken In orkonde der waerheyt so hebben wy rechters ende mene meente van den Halven Ampte vanden Oesterampte
vander Merne ende Middagher ampt van Honseger land onse amptes segele an dessen breef ghehanghen Ende wy rechters ende mene meente
van Fyvelge land hebben ons landes segel an dessen breef gehanghen Ende um die meere vestenes so hebben wy gebeden die borghermestere
ende raet vorscr. desen breef met ons to besegelen Ende wy borghermestere ende raet vorscr. hebben onsen stad segel an dessen breef gehanghen
um bede willen der lande vorscr. Ghegeven in den iaer ons heren dusent vierhondert ende soven up Sente Andreas dach
x
| Archiv | Groninger Archieven |
|---|---|
| Bestand | Omm. arch. |
| Zugangsnummer | 2 |
| Inventarnr. | 0015 |
| Regestnr. | 051 |
| Register Feith | 1407.010 |
| Jahr | 1407 |
| Datumcode | Andree |