| Nummer:oar061 | Datum:19 april 1421 | Überlieferung:Origineel | Fundstelle:Omm. arch., inv.nr. 0058, reg. 061 |
Hertoge Johan van Beyeren Soon van
Henegouwen, van Hollant, van Zeelant etcetera.
Lieve ende .etruwe uwen brief an ons gesandt hebben wy wael verstanden ende oic den brief die u Ocko vanden Broke
gesandt heeft inhaldende dat hy syn vrunde voir Sloeten gesandt hadde ende die Schieringe mitden hoeren dair in doen
beliggen Ende hem beglagende is dat sijn vrunde vanden onsen onverwaert overvallen souden wesen mit meer woirden
inden selven sijnen breve begrepen. Daer up wij u weder scrijven ende laten .eten dat ons vele meere noot weer
ons van Ocko voirscreven te beclagen dan hij mit redenen of besceyde op ons mach doen. Want die Schieringe van Oestergoe
ende Westergoe mit den hoeren bekenden dat wij hoir rechte geboiren erffhere wairen ende dair om van Goidswegen ende van
rechts wegen tot onser onderdanicheit quamen ende namen ons tot hoiren rechten geboeren erfhere ende leverden ons over in
onser gewalt alle die steden ende sloete die sij mechtich waeren ende zwoeren ende geloeffden onsen vrunden tot onser
behoeff houde ende trouwe te wesen ende te doen dat goede lude ende ondersaten hoeren rechten here schuldich weren te doen twelke
in allen desen landen hier omtrent gelegen wael kenlic ende openbair was. Des wij dair op onse vrunde ende steden schieten
binnen Sloeten om die te verwaeren ende dair toe te sien. Daeren boven ende boven vele duechden ende gunsten die wij ende
onse ouderen Ocko ende sijnen anderen vrunden v....pers partije vele meer gedaen ende bewijst hebben dan den Scieringen voirscreven
... vele ..den als .. wael bewysen ..... souden so heeft Ock. ....screven sijn vrunde onverwairt tegen ons
g.schicket ..ir onse stede tot Sloet.. .................. .yande als die steden van Overysel
mit den hoeren dair mede toegebra.h. dat sij mit g..ten h.pe van ..den inden Kuenre wairen gecomen om mede voir onse
sloete te comen ende die mede helpen te becreftigen alsmen wail bewijsen sall. Des onse vrunde steden ende onderseten voirscreven
mitter hulpe van Gode ende van hoeren vrunden hem ontset ten ende Ocko luden ende vrienden voirscreven sloegen ende vingen so hem dat den
kenliken noot dede ende van nootswegen schuldich waeren te doen. Voert scrijft Ocko voirscreven in sijnen voirscreven brief dat ghij an ons
verwaeren woudt hoe hij ende die lande van Oestvriesslant eyntlic mit ons staen souden ter goeder verwaringe an beyden sijden
etcetera. Dair op wij u oec wederscrijven ende weten laten weert dat Ocko voirscreven also bedacht weere dat hij ons verrichten woude
dat hij ons vercort ende misdaen heeft bij onsen vrunden ende den sijnen dat billic ende redelic weere ende ons voirt dede dat
sijn ouderen den onsen gedaen hebben want sijn ouderen onsen ouderen hoir lande ende goede van gunsten opgedragen hebben ende
weder van dien te leen ontfangen ende dat ocko voirscreven geerde bij ons te comen of sijn vriende te schicken wij wouden hem
of sijnen vrunden wail goet geleyde geven om te besien ende te ondervijnden des dair af siin soude ende dat hij ende die
landen van Oestvriesslant mit ons ende onsen landen te gunsten comen ende blijven mochten. God sij mit u Gescre ven inden
Hage XI. dage in Aprillen.
DORSO : Onsen lieven ende getru...
Alc..de Capyteyn.
??
Henegouwen, van Hollant, van Zeelant etcetera.
Lieve ende .etruwe uwen brief an ons gesandt hebben wy wael verstanden ende oic den brief die u Ocko vanden Broke
gesandt heeft inhaldende dat hy syn vrunde voir Sloeten gesandt hadde ende die Schieringe mitden hoeren dair in doen
beliggen Ende hem beglagende is dat sijn vrunde vanden onsen onverwaert overvallen souden wesen mit meer woirden
inden selven sijnen breve begrepen. Daer up wij u weder scrijven ende laten .eten dat ons vele meere noot weer
ons van Ocko voirscreven te beclagen dan hij mit redenen of besceyde op ons mach doen. Want die Schieringe van Oestergoe
ende Westergoe mit den hoeren bekenden dat wij hoir rechte geboiren erffhere wairen ende dair om van Goidswegen ende van
rechts wegen tot onser onderdanicheit quamen ende namen ons tot hoiren rechten geboeren erfhere ende leverden ons over in
onser gewalt alle die steden ende sloete die sij mechtich waeren ende zwoeren ende geloeffden onsen vrunden tot onser
behoeff houde ende trouwe te wesen ende te doen dat goede lude ende ondersaten hoeren rechten here schuldich weren te doen twelke
in allen desen landen hier omtrent gelegen wael kenlic ende openbair was. Des wij dair op onse vrunde ende steden schieten
binnen Sloeten om die te verwaeren ende dair toe te sien. Daeren boven ende boven vele duechden ende gunsten die wij ende
onse ouderen Ocko ende sijnen anderen vrunden v....pers partije vele meer gedaen ende bewijst hebben dan den Scieringen voirscreven
... vele ..den als .. wael bewysen ..... souden so heeft Ock. ....screven sijn vrunde onverwairt tegen ons
g.schicket ..ir onse stede tot Sloet.. .................. .yande als die steden van Overysel
mit den hoeren dair mede toegebra.h. dat sij mit g..ten h.pe van ..den inden Kuenre wairen gecomen om mede voir onse
sloete te comen ende die mede helpen te becreftigen alsmen wail bewijsen sall. Des onse vrunde steden ende onderseten voirscreven
mitter hulpe van Gode ende van hoeren vrunden hem ontset ten ende Ocko luden ende vrienden voirscreven sloegen ende vingen so hem dat den
kenliken noot dede ende van nootswegen schuldich waeren te doen. Voert scrijft Ocko voirscreven in sijnen voirscreven brief dat ghij an ons
verwaeren woudt hoe hij ende die lande van Oestvriesslant eyntlic mit ons staen souden ter goeder verwaringe an beyden sijden
etcetera. Dair op wij u oec wederscrijven ende weten laten weert dat Ocko voirscreven also bedacht weere dat hij ons verrichten woude
dat hij ons vercort ende misdaen heeft bij onsen vrunden ende den sijnen dat billic ende redelic weere ende ons voirt dede dat
sijn ouderen den onsen gedaen hebben want sijn ouderen onsen ouderen hoir lande ende goede van gunsten opgedragen hebben ende
weder van dien te leen ontfangen ende dat ocko voirscreven geerde bij ons te comen of sijn vriende te schicken wij wouden hem
of sijnen vrunden wail goet geleyde geven om te besien ende te ondervijnden des dair af siin soude ende dat hij ende die
landen van Oestvriesslant mit ons ende onsen landen te gunsten comen ende blijven mochten. God sij mit u Gescre ven inden
Hage XI. dage in Aprillen.
DORSO : Onsen lieven ende getru...
Alc..de Capyteyn.
??
Keine Abbildung vorhanden
x
| Archiv | Groninger Archieven |
|---|---|
| Bestand | Omm. arch. |
| Zugangsnummer | 2 |
| Inventarnr. | 0058 |
| Regestnr. | 061 |
| Register Feith | zjed.152 |
| Jahr | 1421 |
| Datumcode | 1904 |