Paus Honorius geeft aan de bisschop van Münster last om de excommunicatie tegen den proost en het klooster van Wittewierum in te trekken.

Honorius episcopus, servus servorum Dei, venerabili fratri Monasteriensi episcopo salutem et apostolicam benedictionem. Dilecti filii, prepositi
et conventus Floridi Orti, sua nobis conquestione monstrarunt, quod tu in eos sine causa rationabili, nulla competenti monitione premissa,
contra statuta concilii generalis auctoritate propria excommunicationis sententiam promulgasti. Ideoque fraternitati tue per apostolica scripta
mandamus, quod, si ita est, infra octo dies post susceptionem presentium sententiam ipsam sine qualibet difficultate relaxes. Alioquin dilectis
filiis de Orto sancte Marie et de Dokkum prioribus, et magistro I. scolastico de Nova Ecclesia Trajectensis diocesis, nostris dedimus litteris
in mandatis, ut ipsi extunc sufficienti ab eis juxta formam ecclesie cautione recepta super hiis, pro quibus est hujusmodi sententia promulgata,
relaxent eandem et injuncto eis, quod de jure fuerit injungendum, audiant si quid fuerit questionis et appelatione remota debito fine decidant
et faciant, quod decreverint, auctoritate nostra firmiter observari. Datum Laterani.

x

x

Bestand	Oorkondenboek Groningen en Drenthe
Nr	72
Olim	Naar het ms. in de universiteitsbibliotheek te Groningen (V q I). Ook gedrukt Mon. Germ. Script. XXIII, S. 503, bij Feith en Acker Stratingh, blz. 97 en in de Papsturk. Westfalens I, no. 315.
Jahr	1224

x

x

Material	papier

x

Editionen	P.J. Blok e.a., Oorkondenboek van Groningen en Drente, I (Groningen 1896), nr. 72.