| Nummer:ogd0118 | Datum:1252 | Überlieferung:Editie | Fundstelle:Oorkondenboek Groningen en Drenthe, nr. 118 |
De keuren van Hunsingo.
Thit send tha keran thera ebbetena and thera wisesta fon Hunesgena londe.
1. Hwasa enne mon felle, thet hine gelde mith sextene merkum hwittes selveres; et allera Hunesgena warve uppa tha sziurchove, jeftha binna
thera sziurcha, jeftha binna huse, mith twa and thritega merkum hwites selveres te jeldane; hit ne set thet him scep and skenzie mene se, sa
geldema hine mith sextene merkum wites selveres.
2. Etta warve, ther alle Hunesgena redegevan hiara warf ledzie, fon there sunna uptochta thet etmel al umbe to tha warve to farane, ther te
wesane and wither to hus to cumane, thine frethe te haldene sente Waldfrethes frethe; thet urgeld hunderd merka grenegslachta; hwamsa thet age
jeftha thera sex lithena en werth of esleyn, en half geld.
3. Etta smela warvum, ther achta redgevan jefta fiuwer tegadere cume, hwasa al ther
enne mon sle, jeftha on there tofere ieftha on there fonfere, hunderd merka grenegslachtha
te urgelde. '
4. Scade wepen, thet urgeld thrimene furthera.
5. Redena unred, hunderd merka, geverse nowet jeva ne welle mith twelef ethum. undgungane thera sibbesta friunda.
6. Thes redgeva lif, thrimene further.
7. Hwasa thes Thunresdeys, ther redgevan swerath et Uldernadomme etta warve, jeftha ont there tofere, jeftha on there fonfere enne mon sle,
thet hine gelde mith fiuwertega merkum hwites selveres, thiu bote al ther bi, and tyan merk selveres te fretha.
8. Hoc redgeva, sa swere er tha riucta Thunresdey et Uldernadomme and buta tha stavere, ther tha ebbetan ther to sette, thet mane of tha ethe
werpe, andere tha redgevum geve ene haudlesene, and sin staure alsa fulle.
9. Umbe thene blata, gef hi enne mon sle, thet thrimene geld, and thi frethe lidzie uppa sine halse; thet twede geld geve sine friund, as er
syde was. And gef thi blata redgevum brocht werthe, thet makie hia as hit thiu wished wilkerad hebbe. Hwasa thene blata hovie jeftha husge, sa
geldere thet ther thi blata mitha halse gelda scolde, jeftha undriuchte mith twelef ethum mitha sibbesta friundum.
10. And tha frethen umbe allerek daddela fif merk hwites selveres, andta te besettane al even se tha gelde; and te gevane mitha gelde on
thera ebbeta wera an Rottum and ondere Merna buta Delve, buppa Delve tha ebbete fon Adawerth; and allera ombechta ek binna Hunesgena londe even
skeldech to tha fretha.
11. Alle unjerege bern sken wesa befrethad uppa hiara federgode al to tha twelef jerum, hit ne se thetse jeve feder and moder, jeftha
fulbrother; hwasase elles jeve, sa jevere allera ombechta eckum sextech merka, ande tha redgevum sextech merka , and hiara hus en bronde, and
thes breidgoma hus al ther mithe.
12. Hwasa ene frowa nede nime, sa gevere hire en twede geld, thet send tyan merk, and en twede merk hwites selveres, hit ne se thet hire
thingmon ma winna muge, ac gevere allera ombechta eckum sextech merka and tha redgevum sextech merka, and sin hus a bronde.
13. Umbe alle daddele and umbe alle tachnenga twisk thene etheleng and thene mon, alsa hit er was.
14. Umbe nenra honda seke nene mara meytele te delane, tha ene meytele; umbe nedbrond, hweder sare binna skie sa buta under stet werthe,
hachta meytele te delane and noute hachera, ther binitha due tha redgefan nei tha scatha, alset him bereth bi hira sele, and umbe monslachta ene
meytele te delane, hu monege men sa ma gelde under enre led.
15. Tha redgevan ne sken nena monne thene hagera warf ofnima, ast ur tha tyan merk sle.
16. Tha redgevan ne moten umbe nenes redgeva kere, ni umbe nenne dom, ni umbe nenra honda thing, ther him to clage kume jeftha to redskipe
here, nene meyde nime, ni nena monne fon hiara halvum nima ne lete, ur twene fiarderan biares; and thetse alle dernlendenge on thene monda
brenge ther se ur fiuwer fiarderan biares; and hu hia aldus, sat bescriven is, halde umbe tha meyda. Alle tha presteran on Hunesgena londe, alsa
ofta sase byecta and lara due, alle tha therse jeve, and alle tha ther thet bodeskip a twiska drive, mitha redgeva te bonne due. And hocne
redgeva sa ma beclagie, sa rekerse wither twiskette, jeftha undgunge mith tvelef ethum thera sibbesta liva, jeftha thi clagere leyne thene forma
sunder witherstride.
17. Umbe raf and umbe metedolch nenne jechta te delane bota uses londes riucht, hit ne se thet hit on redgevana onderde den se, jeftha thette
clagere thene forma eth welle leyna.
18. Hwasa enne dom and enne enda due. ende thes letera jeres welle wlemma, and thet berethet werthe, thettere emmer redgevum geve ene
haudlesne. .
19. Hwersa ma ene monne ofstela, and thet burcuth se presterum and werdmonnum, and hi enne skeldega beaskie, thettere alder up kempe sunder
witherstride fon him selvum and fon alle sina friundum, hit ne se thetta clagere liavera se thettere etta thiave here twelef ethan, under
achteteinim te nimane sinra sibbesta liva uppa sente IJpolitus caphsa.
20. Hwersa twa metrika te gadere cume mith tilbera havum sunder erve, waxe hiara hava, thetsese dele bi tham therse gader brocht hebbet, bi
there riuchta godes werde.
21. Alsa tha redgevan sweren hebbat, sa bifrethiese allera monnek inna alsa dena havum, sasene on finde, bi enre haudlesene.
22. Hwasa clagie, tha forma lathenga bi twam pundum, tha letera bi tyan merkum, and tha thredda bi there haudlesne; etta thredda warve thene
jechta te delane, hi ne telle jeftha thingie; and nenne thingath te herane, hi ne besette thene brecma. Jef thi mon nowet elathad ne se, sa
gelde thi redgeva thene brecma; jef thi mon mith there nede fore cume, sa walde des redgevan.
23. Hwersa ma umbe thet redskip szivie, thet mat tha selva klefte jeve, theret mith riuchta age. Jef thet klefte szivie under him, sa nime thi
riuchta elmetha ur alle thene clowa thene selva binna tha clefte theret on here, ther him allere best hagie.
24. Hwersa thi twednath se uppa enne kere kemen, thetti thrimenath folgie; jefse mith thisse wordum nowet endia ne muge, sa skense thene
ebbete ther to nima; and hwamsa thet thi ebbete jeve mit tham ther hi ther to nime, and hokne sa thi sziase ther him thinszie, theret aller best
duan muge, thet skel stede wesa. Thi ebbete fon Adawerth thi endie tha keran buppa Delve, thi ebbete fon there Merne endie tha keran binna sine
ombechte, and thi ebbete fon Rottum, hi endie tha keran inda Asterombechte, thet Halveombecht buta Delve thet hebbe thene kere under hokne
ebbete thet sine keran ledszie; tha Waldmon and thet Asterombechte tha hebbat al te riuchte stenden et Uldernadomme, and alsa duese forth.
25. Twiska thene Thunresdey, ther redgevan swerath, and helgena missa, nen ombecht a sunderga nenne warf ni halde, hia ne due thet bi alra
redgevena worde; ni na nen ombechte a sunderga ne ravie, hia ne due thet bi alra a redgevena orleve.
26. Thetter nemmer aevel ni gunge nena monne, buta tha riuchta erva; and mane havenie bi thes presteres worde and thera werdmonna, thet ma
ther nene sende on ne winne.
27. Hwersa thi skeltata sin thing lidszie, werther en mon felled, hunderd merka grenengslachta te urgelde.
28. Hwersa alle thes londes riuchteran thet lond lede, emmer thi herefrethe bi twa and thritega merkum hwites selveres.
29. Thetter nen redgeva sinne berielda urherech ni kethe, hi nebbe thene clagere a honda; nenne mon hagera urherech ne kethe, tha bi twam
pundum; hit ne se thet him and tha werdmonne thiu echtene urstenden se, sa skel thi brecma wesa by tyan merkum.
30. Hwersa tha kinde sin elder ursterve, sa swere ther fogethan to, ther sines godes hude, al und thet kind te jerum cume, twene fon there
federes syda and en fon thera moder syda.
31. Alle lava bi tha riuchta kne te delane, and ther na nena monne nene skenenge of te delane.
32. Thi federia and ti nevakind tha dele hiara elderes god, ase thet sexte londriucht wise.
33. Hwersa ma en hus under herefona berne, thet mat jelde mit sex hunderda merkum grenengslachta.
34. Hwersa ma en hus homelie, balkan and sela kerve, thet mat jelde mith thria hunderda merkum grenengslachta, als hit alle liude besweren
hebbat.
35. Sa hoc sa under thisse kerum thera ebbetena and thera wisesta fon Hunesgena londe nowet bigripen se, sa haldema thet ase thes londes syde
and thes londes riucht hebbe wesen.
Thit hebbat tha liude keren and redgevan uppe sweren. Acta sunt hec anno gratie MCCLII presentibus domnis abbatibus Eylwardo, Heykone et
Fretherico et discretioribus Hunesgonie.
1. Hwasa enne mon felle, thet hine gelde mith sextene merkum hwittes selveres; et allera Hunesgena warve uppa tha sziurchove, jeftha binna
thera sziurcha, jeftha binna huse, mith twa and thritega merkum hwites selveres te jeldane; hit ne set thet him scep and skenzie mene se, sa
geldema hine mith sextene merkum wites selveres.
2. Etta warve, ther alle Hunesgena redegevan hiara warf ledzie, fon there sunna uptochta thet etmel al umbe to tha warve to farane, ther te
wesane and wither to hus to cumane, thine frethe te haldene sente Waldfrethes frethe; thet urgeld hunderd merka grenegslachta; hwamsa thet age
jeftha thera sex lithena en werth of esleyn, en half geld.
3. Etta smela warvum, ther achta redgevan jefta fiuwer tegadere cume, hwasa al ther
enne mon sle, jeftha on there tofere ieftha on there fonfere, hunderd merka grenegslachtha
te urgelde. '
4. Scade wepen, thet urgeld thrimene furthera.
5. Redena unred, hunderd merka, geverse nowet jeva ne welle mith twelef ethum. undgungane thera sibbesta friunda.
6. Thes redgeva lif, thrimene further.
7. Hwasa thes Thunresdeys, ther redgevan swerath et Uldernadomme etta warve, jeftha ont there tofere, jeftha on there fonfere enne mon sle,
thet hine gelde mith fiuwertega merkum hwites selveres, thiu bote al ther bi, and tyan merk selveres te fretha.
8. Hoc redgeva, sa swere er tha riucta Thunresdey et Uldernadomme and buta tha stavere, ther tha ebbetan ther to sette, thet mane of tha ethe
werpe, andere tha redgevum geve ene haudlesene, and sin staure alsa fulle.
9. Umbe thene blata, gef hi enne mon sle, thet thrimene geld, and thi frethe lidzie uppa sine halse; thet twede geld geve sine friund, as er
syde was. And gef thi blata redgevum brocht werthe, thet makie hia as hit thiu wished wilkerad hebbe. Hwasa thene blata hovie jeftha husge, sa
geldere thet ther thi blata mitha halse gelda scolde, jeftha undriuchte mith twelef ethum mitha sibbesta friundum.
10. And tha frethen umbe allerek daddela fif merk hwites selveres, andta te besettane al even se tha gelde; and te gevane mitha gelde on
thera ebbeta wera an Rottum and ondere Merna buta Delve, buppa Delve tha ebbete fon Adawerth; and allera ombechta ek binna Hunesgena londe even
skeldech to tha fretha.
11. Alle unjerege bern sken wesa befrethad uppa hiara federgode al to tha twelef jerum, hit ne se thetse jeve feder and moder, jeftha
fulbrother; hwasase elles jeve, sa jevere allera ombechta eckum sextech merka, ande tha redgevum sextech merka , and hiara hus en bronde, and
thes breidgoma hus al ther mithe.
12. Hwasa ene frowa nede nime, sa gevere hire en twede geld, thet send tyan merk, and en twede merk hwites selveres, hit ne se thet hire
thingmon ma winna muge, ac gevere allera ombechta eckum sextech merka and tha redgevum sextech merka, and sin hus a bronde.
13. Umbe alle daddele and umbe alle tachnenga twisk thene etheleng and thene mon, alsa hit er was.
14. Umbe nenra honda seke nene mara meytele te delane, tha ene meytele; umbe nedbrond, hweder sare binna skie sa buta under stet werthe,
hachta meytele te delane and noute hachera, ther binitha due tha redgefan nei tha scatha, alset him bereth bi hira sele, and umbe monslachta ene
meytele te delane, hu monege men sa ma gelde under enre led.
15. Tha redgevan ne sken nena monne thene hagera warf ofnima, ast ur tha tyan merk sle.
16. Tha redgevan ne moten umbe nenes redgeva kere, ni umbe nenne dom, ni umbe nenra honda thing, ther him to clage kume jeftha to redskipe
here, nene meyde nime, ni nena monne fon hiara halvum nima ne lete, ur twene fiarderan biares; and thetse alle dernlendenge on thene monda
brenge ther se ur fiuwer fiarderan biares; and hu hia aldus, sat bescriven is, halde umbe tha meyda. Alle tha presteran on Hunesgena londe, alsa
ofta sase byecta and lara due, alle tha therse jeve, and alle tha ther thet bodeskip a twiska drive, mitha redgeva te bonne due. And hocne
redgeva sa ma beclagie, sa rekerse wither twiskette, jeftha undgunge mith tvelef ethum thera sibbesta liva, jeftha thi clagere leyne thene forma
sunder witherstride.
17. Umbe raf and umbe metedolch nenne jechta te delane bota uses londes riucht, hit ne se thet hit on redgevana onderde den se, jeftha thette
clagere thene forma eth welle leyna.
18. Hwasa enne dom and enne enda due. ende thes letera jeres welle wlemma, and thet berethet werthe, thettere emmer redgevum geve ene
haudlesne. .
19. Hwersa ma ene monne ofstela, and thet burcuth se presterum and werdmonnum, and hi enne skeldega beaskie, thettere alder up kempe sunder
witherstride fon him selvum and fon alle sina friundum, hit ne se thetta clagere liavera se thettere etta thiave here twelef ethan, under
achteteinim te nimane sinra sibbesta liva uppa sente IJpolitus caphsa.
20. Hwersa twa metrika te gadere cume mith tilbera havum sunder erve, waxe hiara hava, thetsese dele bi tham therse gader brocht hebbet, bi
there riuchta godes werde.
21. Alsa tha redgevan sweren hebbat, sa bifrethiese allera monnek inna alsa dena havum, sasene on finde, bi enre haudlesene.
22. Hwasa clagie, tha forma lathenga bi twam pundum, tha letera bi tyan merkum, and tha thredda bi there haudlesne; etta thredda warve thene
jechta te delane, hi ne telle jeftha thingie; and nenne thingath te herane, hi ne besette thene brecma. Jef thi mon nowet elathad ne se, sa
gelde thi redgeva thene brecma; jef thi mon mith there nede fore cume, sa walde des redgevan.
23. Hwersa ma umbe thet redskip szivie, thet mat tha selva klefte jeve, theret mith riuchta age. Jef thet klefte szivie under him, sa nime thi
riuchta elmetha ur alle thene clowa thene selva binna tha clefte theret on here, ther him allere best hagie.
24. Hwersa thi twednath se uppa enne kere kemen, thetti thrimenath folgie; jefse mith thisse wordum nowet endia ne muge, sa skense thene
ebbete ther to nima; and hwamsa thet thi ebbete jeve mit tham ther hi ther to nime, and hokne sa thi sziase ther him thinszie, theret aller best
duan muge, thet skel stede wesa. Thi ebbete fon Adawerth thi endie tha keran buppa Delve, thi ebbete fon there Merne endie tha keran binna sine
ombechte, and thi ebbete fon Rottum, hi endie tha keran inda Asterombechte, thet Halveombecht buta Delve thet hebbe thene kere under hokne
ebbete thet sine keran ledszie; tha Waldmon and thet Asterombechte tha hebbat al te riuchte stenden et Uldernadomme, and alsa duese forth.
25. Twiska thene Thunresdey, ther redgevan swerath, and helgena missa, nen ombecht a sunderga nenne warf ni halde, hia ne due thet bi alra
redgevena worde; ni na nen ombechte a sunderga ne ravie, hia ne due thet bi alra a redgevena orleve.
26. Thetter nemmer aevel ni gunge nena monne, buta tha riuchta erva; and mane havenie bi thes presteres worde and thera werdmonna, thet ma
ther nene sende on ne winne.
27. Hwersa thi skeltata sin thing lidszie, werther en mon felled, hunderd merka grenengslachta te urgelde.
28. Hwersa alle thes londes riuchteran thet lond lede, emmer thi herefrethe bi twa and thritega merkum hwites selveres.
29. Thetter nen redgeva sinne berielda urherech ni kethe, hi nebbe thene clagere a honda; nenne mon hagera urherech ne kethe, tha bi twam
pundum; hit ne se thet him and tha werdmonne thiu echtene urstenden se, sa skel thi brecma wesa by tyan merkum.
30. Hwersa tha kinde sin elder ursterve, sa swere ther fogethan to, ther sines godes hude, al und thet kind te jerum cume, twene fon there
federes syda and en fon thera moder syda.
31. Alle lava bi tha riuchta kne te delane, and ther na nena monne nene skenenge of te delane.
32. Thi federia and ti nevakind tha dele hiara elderes god, ase thet sexte londriucht wise.
33. Hwersa ma en hus under herefona berne, thet mat jelde mit sex hunderda merkum grenengslachta.
34. Hwersa ma en hus homelie, balkan and sela kerve, thet mat jelde mith thria hunderda merkum grenengslachta, als hit alle liude besweren
hebbat.
35. Sa hoc sa under thisse kerum thera ebbetena and thera wisesta fon Hunesgena londe nowet bigripen se, sa haldema thet ase thes londes syde
and thes londes riucht hebbe wesen.
Thit hebbat tha liude keren and redgevan uppe sweren. Acta sunt hec anno gratie MCCLII presentibus domnis abbatibus Eylwardo, Heykone et
Fretherico et discretioribus Hunesgonie.
