Deken en kapittel der kerk van Oldenzaal dragen de pachten der zeven kerken in Drenthe over aan de St. Clemenskerk te Steenwijk.

Universis presentes litteras inspecturis Dei gratia decanus et capitulum ecclesie Aldenselensis salutem in Domino sempiternam. Ad evitandam, que
suboriri solet in gestis hominum calumpniam et ut veritas elucescat notumque facimus tam presentibus quam futuris, quod nos denarios oblacionum
ecclesiarum Drenthie, videlicet quatuor uncias de ecclesia de Frisia, item de Nurch unciam et quatuor denarios, item de Roiden unciam et quatuor
denarios, item de Elende unciam et quatuor denarios, item de Anloe octo uncias, item de Roderwolde unciam et quatuor denarios, item de Beilne
octo uncias, libere vendidimus ecclesie de Steenwyck pro tribus libris Trajectensis monete eodem jure, quo hactenus tenebamus eosdem perpetuo
possidendos et in usum rectoris ibidem, qui pro tempore fuerit, liberaliter convertendos. In rei testimonium presentem paginam venerabilis
domini nostri Henrici Trajectensis episcopi et G. prepositi nostri capituli sigillis necnon sigillo nostri capituli eidem ecclesie de Steenwyck
contulimus roboratum. Actum et datum Aldenselen anno Domini millesimo ducentesimo quinquagesimo sexto in vigilia beati Laurentii.

x

x

Bestand	Oorkondenboek Groningen en Drenthe
Nr	122
Olim	Naar het Registrum bon. Steenw. fol. 37vo.
Jahr	1256
Datumcode	vLauren

x

x

Material	papier

x

Editionen	P.J. Blok e.a., Oorkondenboek van Groningen en Drente, I (Groningen 1896), nr. 122.