| Nummer:ogd0185 | Datum:15 mei 1291 | Überlieferung:Editie | Fundstelle:Oorkondenboek Groningen en Drenthe, nr. 185 |
Paus Nicolaas bevestigt het klooster te Thesinge in het patronaatrecht over de kerk te Bedum.
Nicolaus episcopus, servus servorum Dei, dilectis filiis abbati et conventui monasterii de Germania ordinis sancti Benedicti Monasteriensis
diocesis salutem et apostolicam benedictionem. Cum a nobis petitur, quod justum est et honestum, tam vigor equitatis quam ordo exigit rationis,
ut id per sollicitudinem officii nostri ad debitum perducatur effectum. Exhibita siquidem nobis vestra petitio continebat, quod dilecti filii
parrochiani ecclesie de Bedum Monasteriensis diocesis, tunc ejusdem ecclesie patroni, jus patronatus ipsius cum omnibus juribus et pertinentiis
suis, de consensu venerabilis fratris nostri Monasteriensis episcopi, loci diocesanei, vobis et monasterio vestro in perpetuum, prout spectabat
ad vos, unanimiter et liberaliter contulerunt intuitu pietatis, prout in patentibus litteris inde confectis plenius dicitur contineri. Nos
itaque vestris supplicationibus inclinati, quod super hoc a dictis parrochianis pie ac provide factum est ratum et gratum habentes, id
auctoritate apostolica confirmamus et presentis scripti patrocinio communimus. Nulli ergo omnino hominum liceat hanc paginam nostre
confirmationis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum
Petri et Pauli apostolorum ejus se noverit incursurum. Datum apud Urbem Veterem Idibus Maji, pontificatus nostri anno quarto.
diocesis salutem et apostolicam benedictionem. Cum a nobis petitur, quod justum est et honestum, tam vigor equitatis quam ordo exigit rationis,
ut id per sollicitudinem officii nostri ad debitum perducatur effectum. Exhibita siquidem nobis vestra petitio continebat, quod dilecti filii
parrochiani ecclesie de Bedum Monasteriensis diocesis, tunc ejusdem ecclesie patroni, jus patronatus ipsius cum omnibus juribus et pertinentiis
suis, de consensu venerabilis fratris nostri Monasteriensis episcopi, loci diocesanei, vobis et monasterio vestro in perpetuum, prout spectabat
ad vos, unanimiter et liberaliter contulerunt intuitu pietatis, prout in patentibus litteris inde confectis plenius dicitur contineri. Nos
itaque vestris supplicationibus inclinati, quod super hoc a dictis parrochianis pie ac provide factum est ratum et gratum habentes, id
auctoritate apostolica confirmamus et presentis scripti patrocinio communimus. Nulli ergo omnino hominum liceat hanc paginam nostre
confirmationis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum
Petri et Pauli apostolorum ejus se noverit incursurum. Datum apud Urbem Veterem Idibus Maji, pontificatus nostri anno quarto.
