| Nummer:ogd0233 | Datum:7 nov. 1310 | Überlieferung:Editie | Fundstelle:Oorkondenboek Groningen en Drenthe, nr. 233 |
Ghy, bisschop van Utrecht, geeft nadere verklaring van zijn uitspraak in de twisten te Groningen (vgl. ogd0229).
Wy Ghy, bider ghenade Goits bisscop toit Utrecht, maken kont allen lieden, dat dit onse verclaringe is van onsen seggen, dat wy gheseghet hebben
van haeren Ludolf ende die Westerpartie te Groninghen. In iirst van dien, dat haer Ludolf becroent van vredelosen lieden, die hi seghet, dat die
Westerpartie onthoudet, dat verclare wy aldus, datter die Westerpartie enghene scult an en hevet tot dien male, dat men se metten rechte antast
ende ment kiirt, ende diet kiirt dat gaet op him selven. Voert van Bennen ende van Butten doit, so is onse verclaringe, als wiit hiir tevoren
verclaert hebben met onsen openen brieven, also dat haer Ludolf derghere maghe stillen ende saten sel, die ziin helpers waren op die tiit, doe
si doit blieven, ende daer te voren. Ende die heten wy helpers haren Ludolfs, die de Westerpartie hout over zine helpers, en zij dat hiis hem
ofneme ten rechte met sinen ede. Ende haer Ludolf ende dyeghene, die hi annamet over zine helpers, die sellen ofstallinge doen horen maghen, die
in de sone niet bliven en willen ende sellen him niet helpen. Ende daerom sel die Westerpartie houden van denghenen, die in de zone niet bliven
en willen, dat andeel van dertich marken van hare maechzone. Ende haer Ludolf sel stillen zine helpers van heren Jungherinchs doit, als onse
seggen spreket ende onse brieve houden, als ghelike van Bennen ende Butten doit. Ende wy seggen, dat elc man zine vesten zelve ontfesten sel
ende die graften zelve doen vollen. End alle dieghene, die van haeren Ludolfs partie ziin, die scade ghedaen hebben der Westerpartie ofte der
miente na onsen seggen, dat die merre partie van den raet van Groninghen ter wareit vint, dat sel haer Ludolf ofleggen tusghen hiir ende sente
Niclaisdaghe naestcomende als van Bennen ende Butten doit ende heren Jungherinchs ende ziinre twier knapen. Ende en draghet die merre partie van
den rade des niet overeen hirenbinnen, so sel haer Ludolf dien scade gelden daernae bi zinen ede, nadien dat hine bekennet. Ende desghelikes sel
die Westerpartie weder doen haren Ludolf ende zinen helpers met tveen van achten haerre hovetman, die wi hiir nomen: Gerard Sicking, Ene
Wicboldssone, Alard Paping, Johan Folkardinc, Albrecht Campinc, Meynold Stickel, Brune Veren Wyendesone ende Henric Maurissing. Ende ist dat
haer Ludolf dit beset ende des seker doit dit te voldone ende te stillen zine helpers, die Bennen ende Butten maghe ziin ende heren Jungherinchs
ende ziinre tvier knapen, so seggen wy him ziin gelt te betalen opper stat althans ofte die burghen, die Westerpartie gheset hevet, haeren
Ludolf, sellen daerop leisten. Ende alse lange als haer Ludolf dese sekerhede niet ghedaen en hevet, so sel dat ghelt burghe bliven vor die
sekerhede. Ende dit segghe wy hiirombe, dat ons onreden docht, dat iemant gelt gheven zoude, him en worde die zone gheleist, als wy se
ghesproken hebben. Voertmer omdat wy die zone, die wy gheseghet hebben, gharne sagen vastgehouden, so hebben wi se gheboden ende noch ghebieden
op liif ende op goit te houden. Ende wy hebben gheboden ende ghebieden noch die drie leste ponten van onsen seggen in der stat boic te setten,
want ons donket, dat die zone niet ghehouden en sel waerden noch de stat in goeden ponten mach bliven, men doe starc gherecht op dieghene, doe
doitslach doen ofte brant stichten ofte kerken besetten, daer die drie ponten of spreken. Ende van allen ponten, die si onderlinged besculticht
hebben elc den anderen, dat setten wy te provene ende te vindene ter wareit an der meister partie van den raet van der stat van Groninghen
tusken hiir ende sente Niclaisdaghe naestcomende. Ende so wat hiirenbinnen niet berecht en wert overmits vontnesse des raets, des sel him elc
van den anderen ofnemen ten heyleghen met zinen ede als haer Ludolf met ere hant ende die Westerpartie met tveen mannen van den achten haere
hoeftliede vorghenoemt. Ghegheven int jaer ons Heren dusent driehondert ende tiene in sente Willibrordsdaghe te Deventer.
van haeren Ludolf ende die Westerpartie te Groninghen. In iirst van dien, dat haer Ludolf becroent van vredelosen lieden, die hi seghet, dat die
Westerpartie onthoudet, dat verclare wy aldus, datter die Westerpartie enghene scult an en hevet tot dien male, dat men se metten rechte antast
ende ment kiirt, ende diet kiirt dat gaet op him selven. Voert van Bennen ende van Butten doit, so is onse verclaringe, als wiit hiir tevoren
verclaert hebben met onsen openen brieven, also dat haer Ludolf derghere maghe stillen ende saten sel, die ziin helpers waren op die tiit, doe
si doit blieven, ende daer te voren. Ende die heten wy helpers haren Ludolfs, die de Westerpartie hout over zine helpers, en zij dat hiis hem
ofneme ten rechte met sinen ede. Ende haer Ludolf ende dyeghene, die hi annamet over zine helpers, die sellen ofstallinge doen horen maghen, die
in de sone niet bliven en willen ende sellen him niet helpen. Ende daerom sel die Westerpartie houden van denghenen, die in de zone niet bliven
en willen, dat andeel van dertich marken van hare maechzone. Ende haer Ludolf sel stillen zine helpers van heren Jungherinchs doit, als onse
seggen spreket ende onse brieve houden, als ghelike van Bennen ende Butten doit. Ende wy seggen, dat elc man zine vesten zelve ontfesten sel
ende die graften zelve doen vollen. End alle dieghene, die van haeren Ludolfs partie ziin, die scade ghedaen hebben der Westerpartie ofte der
miente na onsen seggen, dat die merre partie van den raet van Groninghen ter wareit vint, dat sel haer Ludolf ofleggen tusghen hiir ende sente
Niclaisdaghe naestcomende als van Bennen ende Butten doit ende heren Jungherinchs ende ziinre twier knapen. Ende en draghet die merre partie van
den rade des niet overeen hirenbinnen, so sel haer Ludolf dien scade gelden daernae bi zinen ede, nadien dat hine bekennet. Ende desghelikes sel
die Westerpartie weder doen haren Ludolf ende zinen helpers met tveen van achten haerre hovetman, die wi hiir nomen: Gerard Sicking, Ene
Wicboldssone, Alard Paping, Johan Folkardinc, Albrecht Campinc, Meynold Stickel, Brune Veren Wyendesone ende Henric Maurissing. Ende ist dat
haer Ludolf dit beset ende des seker doit dit te voldone ende te stillen zine helpers, die Bennen ende Butten maghe ziin ende heren Jungherinchs
ende ziinre tvier knapen, so seggen wy him ziin gelt te betalen opper stat althans ofte die burghen, die Westerpartie gheset hevet, haeren
Ludolf, sellen daerop leisten. Ende alse lange als haer Ludolf dese sekerhede niet ghedaen en hevet, so sel dat ghelt burghe bliven vor die
sekerhede. Ende dit segghe wy hiirombe, dat ons onreden docht, dat iemant gelt gheven zoude, him en worde die zone gheleist, als wy se
ghesproken hebben. Voertmer omdat wy die zone, die wy gheseghet hebben, gharne sagen vastgehouden, so hebben wi se gheboden ende noch ghebieden
op liif ende op goit te houden. Ende wy hebben gheboden ende ghebieden noch die drie leste ponten van onsen seggen in der stat boic te setten,
want ons donket, dat die zone niet ghehouden en sel waerden noch de stat in goeden ponten mach bliven, men doe starc gherecht op dieghene, doe
doitslach doen ofte brant stichten ofte kerken besetten, daer die drie ponten of spreken. Ende van allen ponten, die si onderlinged besculticht
hebben elc den anderen, dat setten wy te provene ende te vindene ter wareit an der meister partie van den raet van der stat van Groninghen
tusken hiir ende sente Niclaisdaghe naestcomende. Ende so wat hiirenbinnen niet berecht en wert overmits vontnesse des raets, des sel him elc
van den anderen ofnemen ten heyleghen met zinen ede als haer Ludolf met ere hant ende die Westerpartie met tveen mannen van den achten haere
hoeftliede vorghenoemt. Ghegheven int jaer ons Heren dusent driehondert ende tiene in sente Willibrordsdaghe te Deventer.
