| Nummer:ogd0261 | Datum:2 juni 1318 | Überlieferung:Editie | Fundstelle:Oorkondenboek Groningen en Drenthe, nr. 261 |
Prior en kloosterlingen van het klooster Selwerd geven aan Lodewijk, bisschop van Münster, kennis van de verkiezing van Rembodus tot abt met verzoek om zijn goedkeuring.
Reverendo in Christo patri ac domino suo domino Lodewico, episcopo Monasteriensi, Gheyco prior . . , celerarii, alii officiati totusque
conventus in Silewerth ordinis sancti Benedicti ejusdem dyocesis debite subjectionis reverentiam cum orationibus indefessis paternitati vestre
notum esse volumus per presentes, quod vacante abbatia nostri monasterii predicti in Silewert per mortem domini Heyconis, quondam abbatis ibidem
felicis recordationis, ejusque corpore tradito ecclesiastice sepulture, prout decuit, reverenter nos convenientes in unum ad electionem futuri
abbatis nostri canonice celebrandam, vocatis omnibus qui debuerunt, voluerunt et potuerunt commode electioni celebrande interesse, in capitulo
recepimus de electione novi abbatis nostri tractatum et post diversos tractatus inter nos habitos et nominationes diversarum personarum factas
simpliciter de meritis, vita et conversatione earundem hinc et inde, postposita igitur alia quaque forma electionis, placuit omnibus et singulis
nobis per formam compromissi de abbate nostro monasterio provideri. Tandem assumptis ad hoc quatuordecim personis de nostro collegio fidedignis,
videlicet me Gheycone, priore predicto, Johanne, Geycone, Adam, Nithardo, Alberto, Elmaro, celerariis nostris et conversis, Hildware, priorissa
, Teta, subpriorissa, Ava, Frouweka, Renilde, Walgerde et Ghertrude, sororibus et monialibus nostris, quibus ab omnibus nobis de capitulo et
conventu fuit collata potestas, ut de novo abbate deberent nostro monasterio concorditer providere, compromisso ergo acceptato ab eisdem et
collationibus pluribus habitis et diversis, tandem de domino Rembodo, celerario in Thiescingeclostere, viro provide litterato et discreto ex
legitimo thoro progenito, cui nichil obstat de canonicis institutis vice omnium nostre ecclesie providerunt, nominaverunt et eum in abbatem
elegerunt, statim unus eorum vice sua et omnium, in quos exstitit compromissum, prout habebat in mandatis, eundem dominum Rembodum elegit in
abbatem ecclesie nostre memorate et in communi electionem hujusmodi publicavit. Quare vestre paternitati supplicamus humiliter et devote.
quatenus dictam electionem per tale compromissum canonice et concorditer de domino Rembodo factam canonicam pronuntiari per vos et confirmari
pure propter Deum et eidem domino Rembodo numus confirmationis et gratiam sacre benedictionis, prout ad vestrum officium spectare dinoscitur,
impendatis. Hec vero vestre dominationi sub sigillo nostri conventus Silewert intimandum et prestandum duximus per presentes vobis eum humiliter
presentantes. Actum et datum anno Domini MCCCXVIII in die beatorum Marcellini et Petri martirum .
conventus in Silewerth ordinis sancti Benedicti ejusdem dyocesis debite subjectionis reverentiam cum orationibus indefessis paternitati vestre
notum esse volumus per presentes, quod vacante abbatia nostri monasterii predicti in Silewert per mortem domini Heyconis, quondam abbatis ibidem
felicis recordationis, ejusque corpore tradito ecclesiastice sepulture, prout decuit, reverenter nos convenientes in unum ad electionem futuri
abbatis nostri canonice celebrandam, vocatis omnibus qui debuerunt, voluerunt et potuerunt commode electioni celebrande interesse, in capitulo
recepimus de electione novi abbatis nostri tractatum et post diversos tractatus inter nos habitos et nominationes diversarum personarum factas
simpliciter de meritis, vita et conversatione earundem hinc et inde, postposita igitur alia quaque forma electionis, placuit omnibus et singulis
nobis per formam compromissi de abbate nostro monasterio provideri. Tandem assumptis ad hoc quatuordecim personis de nostro collegio fidedignis,
videlicet me Gheycone, priore predicto, Johanne, Geycone, Adam, Nithardo, Alberto, Elmaro, celerariis nostris et conversis, Hildware, priorissa
, Teta, subpriorissa, Ava, Frouweka, Renilde, Walgerde et Ghertrude, sororibus et monialibus nostris, quibus ab omnibus nobis de capitulo et
conventu fuit collata potestas, ut de novo abbate deberent nostro monasterio concorditer providere, compromisso ergo acceptato ab eisdem et
collationibus pluribus habitis et diversis, tandem de domino Rembodo, celerario in Thiescingeclostere, viro provide litterato et discreto ex
legitimo thoro progenito, cui nichil obstat de canonicis institutis vice omnium nostre ecclesie providerunt, nominaverunt et eum in abbatem
elegerunt, statim unus eorum vice sua et omnium, in quos exstitit compromissum, prout habebat in mandatis, eundem dominum Rembodum elegit in
abbatem ecclesie nostre memorate et in communi electionem hujusmodi publicavit. Quare vestre paternitati supplicamus humiliter et devote.
quatenus dictam electionem per tale compromissum canonice et concorditer de domino Rembodo factam canonicam pronuntiari per vos et confirmari
pure propter Deum et eidem domino Rembodo numus confirmationis et gratiam sacre benedictionis, prout ad vestrum officium spectare dinoscitur,
impendatis. Hec vero vestre dominationi sub sigillo nostri conventus Silewert intimandum et prestandum duximus per presentes vobis eum humiliter
presentantes. Actum et datum anno Domini MCCCXVIII in die beatorum Marcellini et Petri martirum .
x
| Bestand | Oorkondenboek Groningen en Drenthe |
|---|---|
| Nr | 261 |
| Olim | Naar het origineel in het Staatsarchiv te Münster (Urk. Archiv Fürstenthum Münster, no. 353), hoog 11, breed 19,2 cm. |
| Jahr | 1318 |
| Datumcode | MarPet |