| Nummer:ogd0355 | Datum:4 sept. 1338 | Überlieferung:Editie | Fundstelle:Oorkondenboek Groningen en Drenthe, nr. 355 |
Reynold van Coevorden, zijn echtgenote en een aantal bloedverwanten verklaren Gheerd Elbertinck, zijn vrouw en kinderen bij ruiling tegen vier andere horigen te hebben ontslagen uit de hoorigheid en aan hen goederen te hebben verkocht tegen een zekere jaarlijkse opbrengst.
Allen luden, de dessen breef sollen seen of horen lesen, wy, Reynolt borgrave to Covorde, Elisabeth, sijn echte wijf, vrouwe Hinrick, Johan unde
Hermen sine brodere, Elsabe unde Nese, sine sustere, unde anders alle sine rechte erfghenamen, doet kundich unde betughet openbaer in dessen
breve, dat wy hebbet vryghelaten unde hijr vrylatet in dessen breve Gherde Elbertinck, Beerten, sijn wijf, Gherberge unde Aelheit, er dochtere,
van allen eghendoem, daer se uns unde unsen erfghenamen to verbunden weren, umme ene summen van ghelde, de uns unde unsen erfghenamen wal
betalet is, unde hebben se upghedraghen unde hijr updraghen in dessen breve voer Ecberte Tackinck, den richter van Oetmersen, de to der tijd
sulven in den hegheden heymale sad, in hant Ecbertes Tackinck, des richters voerghenoemt, to behoef des biscopes van Uutrecht alse voer vrie
lude. Voertmeer bekenne wy in desser scrift, dat wy hebben vercoft unde vercopet in desen breve Ecberte Tackinck voerghenoemt veer wesle, als
Hinrike, Roderike, Willeken unde Hessele kindere Gheerdinch to Gheesteren, umme veer marck penninghe, de uns unde unsen erfghenamen wal betalet
sijn, unde hebben se upghedraghen Ecberte Tackinck voerghenoemt, alse wy um van rechte updraghen solden, unde hebben weder desse veer wesle
vorghenomet untfanghen van Ecberte Tackinck voerghenoemet in denselven hegheden heymale vorghenomet in een rechte aenwesle vor Gherde
Elbertinck, Beerten, Gherberghe unde Aelheyde vorghenomet, unde daer solle wy uns an ghenoghen laten ewelike unde ummermeer. Vortmer so bekenne
wy Reynolt, Elisabet, Henrick, Johan, Herman, Elsabe, Nese voerghenoemt unde alle unse rechten erfgenamen, dat wij hebben vercoft und vercopet
hijr in dessen breve ewelike unde ummermeer Gherde Elbertinck, Beerten, sinen wive, Gherberghe unde Aelheit, er dochtere, unde oeck eren
erfghenamen dat hues te Elbertinck mit aller slachter nut unde mit al sinen rechte, alset gheleghen is in der marke to Gheesteren unde in den
kerspel van Oetmersem, umme ene summe van gelde, de uns unde unsen erfghenemen wal betalet is, unde hebben ock Gherde Elbertinck unde sinen
erfghenamen vorghenoemt dat hues to Elbertinck mit aller slachter nut unde mit al sinen rechte, alset vorghenoemt is, upghedraghen unde draghent
em hijr up in desen selven breve erflike unde ummermeer voer Ecberte Tackinck, den richter van Oetmersem, de in den hegheden heymale sad to der
tijd, also dat wy Reynolt noch unse erfghenamen vorghenoemt an den huse to Elbertinck vorghenomet nicht anwachtene und wesen mer jaerlix achteen
schepel rogghen unde een molt moltes unde een molt haveren by Aldenzaler mate also gudes sades, daer een bederve man den anderen mede betalen
mach, dat solen se unde ere erfghenamen uns unde unsen erfghenamen jaerlikes betalen to beschapenen teenden to Covorde tusschen sunte
Mertinsdach, de in den winter comet, unde Midwinter. Oeck sollen se unde er erfghenamen uns unde unsen erfghenamen jaerlix gheven up sunte
Mertinsavent vorghenoemt twe zwijn to beschapenen teenden, mer desse swijn sole wy beseen laten int hues to Elbertinck voerghenomet unsen
ammetman, unde behaghens em nicht, Gherd Elbertinck of sijn erfgename mach se losen umme achte schillinghe brabants ofte also guder munte. Mer
nemet unse ammetman de twe zwijn, so sal se uns Gherd ofte sijn erfghename voren to Covorde up sunte Mertinsavent vorghenoemt. Vortmeer so love
wy Reynolt vorghenoemt unde ock sine erfghenamen voerghenoemt unde anders alle sine rechten erfghenamen vastlike in dessen breve Gherde
Elbertinck, Beerten, Gherberge unde Aelheit voerghenoemt unde eren rechten erfghenamen eers vrydomes unde des huses to Elbertinck vorghenomet in
allen maniren voerghescreven een recht warent to wesen vor alle deghene, dees to rechte comen willen. Al arghelist uutghesproken, de hiirin
vallen mach. Updat alle desse stucke stede unde vast bliven, so hebbe ich, Reynolt borchgreve to Covorde vorghenoemt mijn seghel vor my unde
myne erfghenamen vorg. an dessen breef ghehangen, unde wy erfghenamen vorghenoemt bekennet, dat alle desse stucke waer sijn under Reynoldes
segel vorghenoemt. Alle desse stucke vorghenoemt sijn ghescheen vor Ecbert Tackinck, den richter van Oetmersem vorghenomet, de in den hegheden
heymale sad to der tijd, daer an unde over weren beschedene knapen Hinrick van Covorde, mijn vedder, Reynolt vorghenoemt, Gherlach van Manhar,
Roderick unde Johan, brodere van Breedenbroeck, Smaleheyne, unse ammetman to der tijd, Essiken Vrylinck, Hinrick Crul, Gheerd to den Vriethove,
Aelbert ten Walle unde anders guder lude ghenoch. Ghegeven in 't jaer uns Heren dusent drehundert achte und dertich des Vrydaghes na sunte
Egidiusdach eens abbats.
Hermen sine brodere, Elsabe unde Nese, sine sustere, unde anders alle sine rechte erfghenamen, doet kundich unde betughet openbaer in dessen
breve, dat wy hebbet vryghelaten unde hijr vrylatet in dessen breve Gherde Elbertinck, Beerten, sijn wijf, Gherberge unde Aelheit, er dochtere,
van allen eghendoem, daer se uns unde unsen erfghenamen to verbunden weren, umme ene summen van ghelde, de uns unde unsen erfghenamen wal
betalet is, unde hebben se upghedraghen unde hijr updraghen in dessen breve voer Ecberte Tackinck, den richter van Oetmersen, de to der tijd
sulven in den hegheden heymale sad, in hant Ecbertes Tackinck, des richters voerghenoemt, to behoef des biscopes van Uutrecht alse voer vrie
lude. Voertmeer bekenne wy in desser scrift, dat wy hebben vercoft unde vercopet in desen breve Ecberte Tackinck voerghenoemt veer wesle, als
Hinrike, Roderike, Willeken unde Hessele kindere Gheerdinch to Gheesteren, umme veer marck penninghe, de uns unde unsen erfghenamen wal betalet
sijn, unde hebben se upghedraghen Ecberte Tackinck voerghenoemt, alse wy um van rechte updraghen solden, unde hebben weder desse veer wesle
vorghenomet untfanghen van Ecberte Tackinck voerghenoemet in denselven hegheden heymale vorghenomet in een rechte aenwesle vor Gherde
Elbertinck, Beerten, Gherberghe unde Aelheyde vorghenomet, unde daer solle wy uns an ghenoghen laten ewelike unde ummermeer. Vortmer so bekenne
wy Reynolt, Elisabet, Henrick, Johan, Herman, Elsabe, Nese voerghenoemt unde alle unse rechten erfgenamen, dat wij hebben vercoft und vercopet
hijr in dessen breve ewelike unde ummermeer Gherde Elbertinck, Beerten, sinen wive, Gherberghe unde Aelheit, er dochtere, unde oeck eren
erfghenamen dat hues te Elbertinck mit aller slachter nut unde mit al sinen rechte, alset gheleghen is in der marke to Gheesteren unde in den
kerspel van Oetmersem, umme ene summe van gelde, de uns unde unsen erfghenemen wal betalet is, unde hebben ock Gherde Elbertinck unde sinen
erfghenamen vorghenoemt dat hues to Elbertinck mit aller slachter nut unde mit al sinen rechte, alset vorghenoemt is, upghedraghen unde draghent
em hijr up in desen selven breve erflike unde ummermeer voer Ecberte Tackinck, den richter van Oetmersem, de in den hegheden heymale sad to der
tijd, also dat wy Reynolt noch unse erfghenamen vorghenoemt an den huse to Elbertinck vorghenomet nicht anwachtene und wesen mer jaerlix achteen
schepel rogghen unde een molt moltes unde een molt haveren by Aldenzaler mate also gudes sades, daer een bederve man den anderen mede betalen
mach, dat solen se unde ere erfghenamen uns unde unsen erfghenamen jaerlikes betalen to beschapenen teenden to Covorde tusschen sunte
Mertinsdach, de in den winter comet, unde Midwinter. Oeck sollen se unde er erfghenamen uns unde unsen erfghenamen jaerlix gheven up sunte
Mertinsavent vorghenoemt twe zwijn to beschapenen teenden, mer desse swijn sole wy beseen laten int hues to Elbertinck voerghenomet unsen
ammetman, unde behaghens em nicht, Gherd Elbertinck of sijn erfgename mach se losen umme achte schillinghe brabants ofte also guder munte. Mer
nemet unse ammetman de twe zwijn, so sal se uns Gherd ofte sijn erfghename voren to Covorde up sunte Mertinsavent vorghenoemt. Vortmeer so love
wy Reynolt vorghenoemt unde ock sine erfghenamen voerghenoemt unde anders alle sine rechten erfghenamen vastlike in dessen breve Gherde
Elbertinck, Beerten, Gherberge unde Aelheit voerghenoemt unde eren rechten erfghenamen eers vrydomes unde des huses to Elbertinck vorghenomet in
allen maniren voerghescreven een recht warent to wesen vor alle deghene, dees to rechte comen willen. Al arghelist uutghesproken, de hiirin
vallen mach. Updat alle desse stucke stede unde vast bliven, so hebbe ich, Reynolt borchgreve to Covorde vorghenoemt mijn seghel vor my unde
myne erfghenamen vorg. an dessen breef ghehangen, unde wy erfghenamen vorghenoemt bekennet, dat alle desse stucke waer sijn under Reynoldes
segel vorghenoemt. Alle desse stucke vorghenoemt sijn ghescheen vor Ecbert Tackinck, den richter van Oetmersem vorghenomet, de in den hegheden
heymale sad to der tijd, daer an unde over weren beschedene knapen Hinrick van Covorde, mijn vedder, Reynolt vorghenoemt, Gherlach van Manhar,
Roderick unde Johan, brodere van Breedenbroeck, Smaleheyne, unse ammetman to der tijd, Essiken Vrylinck, Hinrick Crul, Gheerd to den Vriethove,
Aelbert ten Walle unde anders guder lude ghenoch. Ghegeven in 't jaer uns Heren dusent drehundert achte und dertich des Vrydaghes na sunte
Egidiusdach eens abbats.
