| Nummer:ogd0423 | Datum:1 mei 1353 | Überlieferung:Editie | Fundstelle:Oorkondenboek Groningen en Drenthe, nr. 423 |
Henric van Coevorden en zijn vrouw verklaren goederen te Echten en een 'kerckstoel' te Ruinen aan Volkyer van Echten te hebben verkocht en overgedragen.
Wy, Henric van Koverden, ridder, ende Sophye, unse echte wyef, doen kunt ende kenlijch allen luden, dat wy met unsen moet
willen voer uns ende voer unsen rechten erfghenamen hebben vercoft ende upghelaten um eyn summe van ghelde, die
uns witteliken ende wal betaelt is, die hofstat, die gheleghen is tot Echten met horen upghanghe rechte beneven Bennijnghehuys, upgaende beneden van der A tot an den Brijnck, ende eyn maet, die gheleghen is over die A achter die hofstat voerscreven, ende eyn stuck landes, dat gheleghen is aen des hoves lande, die gheheyten is Volsedehofstat, ende eyn maet, die gheleghen is tuschen der older hofstat tot Echten aen die eyn syet ende Otten maet aen die ander zyet, ende den kerckstoel, die uns toebehoert ende gheleghen is binnen der kercken tot Runen, ende twe emmer botteren over die Halewede ende eyn emmer botteren over die Lijnthorst, Volkyer van Echten ende sinen rechten erfghenamen, te besitten ende bruyken erfeliken ende ummermeer als eynen vryen eyghen erve voer uns, voer Sophyen, unse echte wyef voerscreven, ende voer unsen rechten erffghenamen voerg. Al argelist uytghesproken. In orcunde ende rechten tughe desser dinch so heb wy Henric van Kovorden, ridder, voers. unsen seghel an dessen brive ghehanghen voer uns, voer Sophyen, unsen echten wijve, ende voer unsen rechten erfghenamen voerg. Ghegheven in den jaer unses Heren dusent dryehondert drye ende vyeftich , up sente Walburghendach .
willen voer uns ende voer unsen rechten erfghenamen hebben vercoft ende upghelaten um eyn summe van ghelde, die
uns witteliken ende wal betaelt is, die hofstat, die gheleghen is tot Echten met horen upghanghe rechte beneven Bennijnghehuys, upgaende beneden van der A tot an den Brijnck, ende eyn maet, die gheleghen is over die A achter die hofstat voerscreven, ende eyn stuck landes, dat gheleghen is aen des hoves lande, die gheheyten is Volsedehofstat, ende eyn maet, die gheleghen is tuschen der older hofstat tot Echten aen die eyn syet ende Otten maet aen die ander zyet, ende den kerckstoel, die uns toebehoert ende gheleghen is binnen der kercken tot Runen, ende twe emmer botteren over die Halewede ende eyn emmer botteren over die Lijnthorst, Volkyer van Echten ende sinen rechten erfghenamen, te besitten ende bruyken erfeliken ende ummermeer als eynen vryen eyghen erve voer uns, voer Sophyen, unse echte wyef voerscreven, ende voer unsen rechten erffghenamen voerg. Al argelist uytghesproken. In orcunde ende rechten tughe desser dinch so heb wy Henric van Kovorden, ridder, voers. unsen seghel an dessen brive ghehanghen voer uns, voer Sophyen, unsen echten wijve, ende voer unsen rechten erfghenamen voerg. Ghegheven in den jaer unses Heren dusent dryehondert drye ende vyeftich , up sente Walburghendach .
x
| Bestand | Oorkondenboek Groningen en Drenthe |
|---|---|
| Nr | 423 |
| Olim | Naar het origineel op den huize Echten, hoog 10,5, breed 23 cm. Ook gedrukt bij Magnin, II, 1, blz. 47. |
| Jahr | 1353 |
| Datumcode | Walbur |