Voppa Reynaerman schenkt aan de kommanderij der Duitsche orde te Bunne al haar goederen.

Ic, Voppa Reynaerman, make kont ende kenliic allen dienghenen, die desen brief zullen zien
of horen lesen, dat ic ghegheven hebbe ende gheve met minen vrien willen ende met
ghesonden live onbidwonghen ende onghebeden in rechter aelmossen dien heren van dien Duusken huse te Bonnen al miin
goit ende miin erve, groet ende kleen, goit ende quaet in dier joghenwordichheyt des personers ende sire prochyane van Lewarderwolde; des
siin gheleghen viif grase in dien ham buten diic ende siin ghezaiet ende vier grase, die siin gheleghen op dien maden te west dien diep. Voert
so love ic, dat, waer dat sake, dat ic ymmermeer van dien heren van [den] Duusken huse sceyden wolde met levenden live jofte sceyde, so sal al
dat goit bliven [to] dier heren huse van Bonnen sonder emants anespreken van mire weghen jofte . . . zegghen. Over dese voerscreven voerwaerde
so heb ic, haer Heinriic, personer van [Lever]wolt, ghewesen met minen prochianem Rembert opter hemric ende Rembert, siin neve, ende Pape Houcom
ende Tamme ende Grote Herman Vuuske. Ende om bede der voerscrevenner vrouwen ende mire prochyane, die over dese voerzeyde saken ghewesen hebben,
want si ghene zeghel en hebben, so heb ic, haer Heinric, personer van Leverwolde, desen brief biseghelt met minen seghel. Ghegheven int jaer ons
Heren dusent driehondert vier ende viiftich op sinte Jacobsdach.

x

x

Bestand	Oorkondenboek Groningen en Drenthe
Nr	433
Olim	Naar het origineel in het rijksarchief te Groningen (Reg. 1354, no. 2), hoog 13,2, breed 18,2 cm.
Jahr	1354
Datumcode	Jacobi

x

x

x

Kommentar	Aan het stuk hangt een klein rond zegel in roode was, waarop een roos; randschrift : S RESBITERI.

x

Material	papier

x

Editionen	P.J. Blok e.a., Oorkondenboek van Groningen en Drente, I (Groningen 1896), nr. 433.