| Nummer:ogd0515 | Datum:22 of 23 juli 1362 | Überlieferung:Editie | Fundstelle:Oorkondenboek Groningen en Drenthe, nr. 515 |
Hermannus van Almelo, notarius publicus, verklaart dat Everhardus Wicboldi, burgemeester van Groningen, heeft onderhandeld met Poptatus, abt van Klaarkamp, over het beroven van enige Groningers door zijn conventualen.
In nomine Domini amen. Anno nativitatis ejusdem millesimo tricentesimo sexagesimo secundo, indictione quartadecima, mensis Julii die vicesima
secunda, videlicet in crastina beate Marie Magdalene, hora nona vel quasi, pontificis sanctissimi in Christo patris ac domini nostri . . domini
Innocentii divina
providencia pape sexti anno decimo, constitutus propter hoc personaliter discretus vir Everhardus Wicboldi, burgimagister in Groninggen
Trajectensis diocesis, in mei notarii publici et testium subscriptorum presencia, in camera religiosi domini . . abbatis ad sanctum Bernardum
in Adwerth, ordinis Cisterciensium, diocesis Monasteriensis, requisivit et interrogavit religiosum virum fratrem Poptatum, abbatem conventus
Claricampi dicti ordinis Cisterciensium Trajectensis diocesis antedicte, utrum ipse cum suis conventualibus spoliaverit aliquos Gronienses.
Statim absque aliqua deliberatione respondit, quod sui conventuales spoliassent eosdem Gronienses, et adjecit, quod vellet et opta[ret], ut
spolium tale fuisset majus et valencius. Post hoc q[uidem] in modico intervallo et in eodem loco prefatus Everhardus requisivit eundem dominum
abbatem Claricampi, utrum vellet restituere pretia . . . dictis Groniensibus per suos conventuales, ut premittitur. . . Ad quod idem abbas
Claricampi iterum respondit, quod tale [spolium] debet statim restitui, si posset fieri compositio inter ipsum [et suo]s conventuales ex una, et
Gronienses parte altera, de causis . . . sis mutuo [inter e] os motis et exortis. Insuper prescriptus [Everhardus] Wicboldi quesivit a domino
abbate Claricampi suprascripto, . . . quo presens causas suas motas iterum Gronienses acceptavit manu violenta et potenti iterum eosdem ipsos,
ut fatebatur, spoliando, quid ergo de novo interest eosdem molestare et vexare in foro et jure ecclesiastico et spirituali. Qui iterato ad hoc
respondit, quod non spoliaverit eos manu violenta et potenti, sed sui conventuales arrestassent eos et eorum bona cum judicio et judicibus
temporalibus et cuilibet et in talem modum se de bonis dictorum Groniensium intromiserunt et eadem suis usibus appropriaverunt, tametsi ipsis
temporaliter adjudicata. Super quibus omnibus et singulis , sic actis et actitatis, idem Everhardus Wicboldi petiit me Hermannum, publicum
notarium, ut sub nomine omnium burgimagistrorum et consulum in Groninggen, quorum interesse dinoscitur, unum vel plura publicatum vel publicata
inde conficerem instrumentum vel instrumenta, presentibus viris religiosis, discretis et honestis fratribus Tiabbodo abbate, Lubrando priore
prefati conventus ad sanctum Bernardum in Adwerth, dicti ordinis Cisterciensium Monasteriensis diocesis antedicte, necnon domino Reynoldo
Wesseli, rectore medie partis ecclesie beati Martini in Groningen predicta, Lamberto Droghens, Hinrico uppe Holme et Hinrico dicto Vraninch,
civibus in Groninggen Trajectensis diocesis, testibus ad premissa vocatis specialiter et rogatis. Datum, actum, interrogatum, requisitum et
responsum anno, indictione, mense, die, hora, pontifice et loco, quibus supra. Et ego Hermannus de Almelo, clericus Trajectensis diocesis
conjugatus et publicus auctoritate imperiali notarius, quia premissis interrogationi, requisitioni et responsioni omnibusque aliis et singulis,
prout superius conscripta sunt, una cum prenominatis testibus personaliter interfui easque et ea sic fieri vidi et audivi, ideo hoc presens
publicum instrumentum inde confeci ad requisitionem Everhardi supradicti ac signo meo solito signavi in testimonium omnium premissorum, ad hoc
requisitus specialiter et rogatus.
secunda, videlicet in crastina beate Marie Magdalene, hora nona vel quasi, pontificis sanctissimi in Christo patris ac domini nostri . . domini
Innocentii divina
providencia pape sexti anno decimo, constitutus propter hoc personaliter discretus vir Everhardus Wicboldi, burgimagister in Groninggen
Trajectensis diocesis, in mei notarii publici et testium subscriptorum presencia, in camera religiosi domini . . abbatis ad sanctum Bernardum
in Adwerth, ordinis Cisterciensium, diocesis Monasteriensis, requisivit et interrogavit religiosum virum fratrem Poptatum, abbatem conventus
Claricampi dicti ordinis Cisterciensium Trajectensis diocesis antedicte, utrum ipse cum suis conventualibus spoliaverit aliquos Gronienses.
Statim absque aliqua deliberatione respondit, quod sui conventuales spoliassent eosdem Gronienses, et adjecit, quod vellet et opta[ret], ut
spolium tale fuisset majus et valencius. Post hoc q[uidem] in modico intervallo et in eodem loco prefatus Everhardus requisivit eundem dominum
abbatem Claricampi, utrum vellet restituere pretia . . . dictis Groniensibus per suos conventuales, ut premittitur. . . Ad quod idem abbas
Claricampi iterum respondit, quod tale [spolium] debet statim restitui, si posset fieri compositio inter ipsum [et suo]s conventuales ex una, et
Gronienses parte altera, de causis . . . sis mutuo [inter e] os motis et exortis. Insuper prescriptus [Everhardus] Wicboldi quesivit a domino
abbate Claricampi suprascripto, . . . quo presens causas suas motas iterum Gronienses acceptavit manu violenta et potenti iterum eosdem ipsos,
ut fatebatur, spoliando, quid ergo de novo interest eosdem molestare et vexare in foro et jure ecclesiastico et spirituali. Qui iterato ad hoc
respondit, quod non spoliaverit eos manu violenta et potenti, sed sui conventuales arrestassent eos et eorum bona cum judicio et judicibus
temporalibus et cuilibet et in talem modum se de bonis dictorum Groniensium intromiserunt et eadem suis usibus appropriaverunt, tametsi ipsis
temporaliter adjudicata. Super quibus omnibus et singulis , sic actis et actitatis, idem Everhardus Wicboldi petiit me Hermannum, publicum
notarium, ut sub nomine omnium burgimagistrorum et consulum in Groninggen, quorum interesse dinoscitur, unum vel plura publicatum vel publicata
inde conficerem instrumentum vel instrumenta, presentibus viris religiosis, discretis et honestis fratribus Tiabbodo abbate, Lubrando priore
prefati conventus ad sanctum Bernardum in Adwerth, dicti ordinis Cisterciensium Monasteriensis diocesis antedicte, necnon domino Reynoldo
Wesseli, rectore medie partis ecclesie beati Martini in Groningen predicta, Lamberto Droghens, Hinrico uppe Holme et Hinrico dicto Vraninch,
civibus in Groninggen Trajectensis diocesis, testibus ad premissa vocatis specialiter et rogatis. Datum, actum, interrogatum, requisitum et
responsum anno, indictione, mense, die, hora, pontifice et loco, quibus supra. Et ego Hermannus de Almelo, clericus Trajectensis diocesis
conjugatus et publicus auctoritate imperiali notarius, quia premissis interrogationi, requisitioni et responsioni omnibusque aliis et singulis,
prout superius conscripta sunt, una cum prenominatis testibus personaliter interfui easque et ea sic fieri vidi et audivi, ideo hoc presens
publicum instrumentum inde confeci ad requisitionem Everhardi supradicti ac signo meo solito signavi in testimonium omnium premissorum, ad hoc
requisitus specialiter et rogatus.
