| Nummer:ogd0626 | Datum:7 sept. 1374 | Überlieferung:Editie | Fundstelle:Oorkondenboek Groningen en Drenthe, nr. 626 |
Burgemeesters en raad van Groningen verklaren, dat Frederic Wolf van Evarde den Greve een erf in de Gaddingestraal te Groningen in erfpacht heeft genomen.
Wi, borghermeestere ende raed van Groninghen, doen cundich allen luden met desen openen brieve, dat
Frederic Wolf hevet ghehuert ene hofstede met der brukinghe van den weghe, de op de zuutzide van
deser voers. hofstede gheleghen is, welke voers. hofstede sich oestwart strecket ende is ses roden lanc ende een virendeel van eenre rode, tot
eweliker hure teghen Evarde den Greve om viiftich scillinghe paymentes, als in Groninghen ghanc ende ghave is. to betalen eweliken elkes jaers,
als een stadrecht is. Hier is toghesproken, dat Frederic voers. of deghene, de op dese voers. hofstede wonen, sellen hebben enen vryen ghanc to
den putte, de op dat oesterende van deser voers. hofstede in Evardes erve voers. gheleghen is. Ende Vrederic voers. of deghene, de op dese
voers. hofstede wonen, de sellen den voers. putte half holden ende becosten. Dese voers. hofstede is gheleghen in de oesterzide van
Gaddinghestrate, daer Henrikes erve Langoren op de noertzide leghet. Dat orcunden wi met onser stad zeghele. Ghegheven int jaer ons Heren dusent
drehondert vier ende zoventich op onser Vrouwen avont Nativitas, do Herman Catere, Lubbert Sickinc, Gheert Lewe, Otte Polleman, Wycbolt
Maurissinghe ende Wycbolt Evardes soen borghermeestere waren onser stad .
Frederic Wolf hevet ghehuert ene hofstede met der brukinghe van den weghe, de op de zuutzide van
deser voers. hofstede gheleghen is, welke voers. hofstede sich oestwart strecket ende is ses roden lanc ende een virendeel van eenre rode, tot
eweliker hure teghen Evarde den Greve om viiftich scillinghe paymentes, als in Groninghen ghanc ende ghave is. to betalen eweliken elkes jaers,
als een stadrecht is. Hier is toghesproken, dat Frederic voers. of deghene, de op dese voers. hofstede wonen, sellen hebben enen vryen ghanc to
den putte, de op dat oesterende van deser voers. hofstede in Evardes erve voers. gheleghen is. Ende Vrederic voers. of deghene, de op dese
voers. hofstede wonen, de sellen den voers. putte half holden ende becosten. Dese voers. hofstede is gheleghen in de oesterzide van
Gaddinghestrate, daer Henrikes erve Langoren op de noertzide leghet. Dat orcunden wi met onser stad zeghele. Ghegheven int jaer ons Heren dusent
drehondert vier ende zoventich op onser Vrouwen avont Nativitas, do Herman Catere, Lubbert Sickinc, Gheert Lewe, Otte Polleman, Wycbolt
Maurissinghe ende Wycbolt Evardes soen borghermeestere waren onser stad .
