Rolf Junkeringhe verkoopt aan het Heilige Geestgasthuis te Groningen drie grazen land te Lieuwerderwolde.

Ic, Rolf Junkeringhe, doe cundich allen luden mit dessen openen breve, dat ic bi rade minre moder ,
mynre brodere ende sustere hebbe vercoft heren Johanne Everdes, provisoer to den Hilghen Gheeste to Groninghe ,
tot des Hilghen Gheestes behoef voers. dre grase landes ewlike to brukene ende to besittene voer ene summe van gelde, de uns
witlike ende wol betalet is. Wellike dre grase gheleghen syn in Lywerderwolde, daer des Hilghen Gheestes erve voers.
allernaest bi lecht an beyden siden, ende Foppen erve van Driselinse lecht aldernaest an den oesterende. In oerkunde hebbic desen
breef beseghelt mit minen seghele. Ende wi, Hemmeke ende oer kindere voers., lyen an Rolves seghel unses broders voers., want wi
selven ghene seghele enne bruken. Ghegheven int jaer unses Heren dusent drehundert ende veer ende tachtentich Kathedra Petri .

x

x

Bestand	Oorkondenboek Groningen en Drenthe
Nr	727
Olim	Naar het origineel in het rijksarchief te Groningen (Reg. 1384, no. 2), hoog 8,5, breed 24,5 cm.
Jahr	1384
Datumcode	CatPet

x

x

x

Kommentar	Aan het stuk hangt een zegel in groene was, vertonende in een gothieken driehoek een schildje met drie haakkruizen, 2,; randschrift: . . . IVNG' RING.

x

Material	papier

x

Editionen	P.J. Blok e.a., Oorkondenboek van Groningen en Drente, II (Groningen 1899), nr. 727.