| Nummer:ogd0751 | Datum:19 nov. 1385 | Überlieferung:Editie | Fundstelle:Oorkondenboek Groningen en Drenthe, nr. 751 |
Burgemeesters en raad van Groningen verklaren, dat Rolef Knasse heeft verkocht en overgedragen aan Baye Gode Jacobs zeker onroerend goed nabij Groningen.
Wy, borghermestere ende raed van Groninghen, doen kundich allen lueden mit dessen openen
breve, dat vor ons quam Rolef Knasse ende becande, dat hie hevet vercoft dre grase landes
ende een half gras landes mit enen halven stale Bayen Gode Jacobs vor ene summe van ghelde, de Rolef vors. vul ende al betaelt is. Desse dre
grase landes ende een half gras landes mit den stale vors. droech Rolef vors. up Bayen vors. ende sinen erfghenamen mit allen rechte ende mit
allen eghedome vrij ende quiit eweliken to bruken ende to besitten. Deze vors. dre grase landes mitten halven grase vors. sint gheleghen in
Buninghehoerne in der Zuderhoen in enen kampe, de Buninghehoerne gheheten is, van welcken alinghen kampe vors. Reynolt Hughinc ende Heylen
Hughinc de ander deel tobehoert. Ende dit vors. halve stale is gheleghen in den depe up de oesterzide van dessen vors. lande. Dat oerkunde wy
mit unzer stad zeghele. Ghegheven int jaer uns Hern duzent drehondert viif ende tachtich up sente Elsebeen dach, do Herman Kater, Ghert Lewe,
Wicbolt Maurissinghe, Wicbolt Everdes zoen, Ghert Paesdach ende Ecbert Vorhouwens borghermestere waren onser stad .
breve, dat vor ons quam Rolef Knasse ende becande, dat hie hevet vercoft dre grase landes
ende een half gras landes mit enen halven stale Bayen Gode Jacobs vor ene summe van ghelde, de Rolef vors. vul ende al betaelt is. Desse dre
grase landes ende een half gras landes mit den stale vors. droech Rolef vors. up Bayen vors. ende sinen erfghenamen mit allen rechte ende mit
allen eghedome vrij ende quiit eweliken to bruken ende to besitten. Deze vors. dre grase landes mitten halven grase vors. sint gheleghen in
Buninghehoerne in der Zuderhoen in enen kampe, de Buninghehoerne gheheten is, van welcken alinghen kampe vors. Reynolt Hughinc ende Heylen
Hughinc de ander deel tobehoert. Ende dit vors. halve stale is gheleghen in den depe up de oesterzide van dessen vors. lande. Dat oerkunde wy
mit unzer stad zeghele. Ghegheven int jaer uns Hern duzent drehondert viif ende tachtich up sente Elsebeen dach, do Herman Kater, Ghert Lewe,
Wicbolt Maurissinghe, Wicbolt Everdes zoen, Ghert Paesdach ende Ecbert Vorhouwens borghermestere waren onser stad .
