| Nummer:ogd0760 | Datum:8 sept. 1386 | Überlieferung:Editie | Fundstelle:Oorkondenboek Groningen en Drenthe, nr. 760 |
Burgemeesters en raad van Groningen verklaren, dat Henric Grove aan Aweke Stevens een deel van een stenen huis en erf heeft verkocht en overgedragen.
Wy, borghermestere ende raet van Groninghen, doen kundich allen lueden mit dessen openen breve ,
dat voer ons quam Henric Grove ende becande, dat hie hevet vercoft Aweke Stevens een
half steenhues mit der hofstede, daer dat vors. hues up staet, ende mit al sinen tobehoren achter ende voer, ende daerto een half virendeel van
der ander helfte van den vors. steenhues mit sinen tobehoren vor ene summe van ghelde, de Henrike vors. vol ende al betaelt is. Ende dit vors.
halve steenhues mitter halver hofstede ende mit sinen tobehoren ende dit vors. halve virendeel mit sinen tobehoren droech Henric vors. up Aweken
vors. ende sinen erfghenamen vry ende quiit mit allen rechte ende mit allen eghendome eweliken to bruken ende to besitten beholden Henriken
vors. ende sinen erfghenamen soven scilde rente, tyen scillinghe vor den scilt gherekent, paymentes als in Groninghe ganc ende gave is, to
betalen elkes jaers als een stadrecht is ute den vors. halven hues mit sinen tobehoren, ende beholden der kerke to sente Wolburghe to enes
preysters behoef viif scilde rente, paymentes als vors. is, na den breven, de daerup ghemaket sint, ende beholden Reneke Buninghe, der baghynen,
dre scilde rente in den vors. halven virendele, paymentes als vors. is, to betalen jaerlikes als een stadrecht is. Hiir is toghesproken, dat
Aweke vors. of sine erfghenamen moghen de soven scilde rente vors. quiit kopen, wan sie willen, teghen Henric Groven vors. of sine erfghenamen,
elken scilde rente mit twintich scilden, paymentes als vors. is, ende nicht mijn teffensche af to kopen van der vors. rente dan twe scilde
rente. Voertmer so sal Reneke vors. beholden viiftien penninghe rente to den dreen scilden rente vors. in den vors. halven virendele. Dit vors
alinghe steenhues mit sinen tobehoren is gheleghen an de westerzide van Ebdincstrate by Henric Clokes hues, dat an de noertzide leghet, ende der
beghynen wech van den Olden Convente, de an de zuetzide leghet ende strecket sich westwart achter an dat vors. convent up soven vote na. Dat
oerkunde wy mit onser stad zeghel. Ghegheven int jaer uns Heren dusent drehondert ses ende tachtich up onser Vrouwen dach Nativitas, do Ghert
Lewe, Wicbolt Maurissinghe, Wicbolt Everdes, Ghert Paeschedach, Ecbert Schulte ende Reynolt Hughinc borghermestere waren onser stad .
dat voer ons quam Henric Grove ende becande, dat hie hevet vercoft Aweke Stevens een
half steenhues mit der hofstede, daer dat vors. hues up staet, ende mit al sinen tobehoren achter ende voer, ende daerto een half virendeel van
der ander helfte van den vors. steenhues mit sinen tobehoren vor ene summe van ghelde, de Henrike vors. vol ende al betaelt is. Ende dit vors.
halve steenhues mitter halver hofstede ende mit sinen tobehoren ende dit vors. halve virendeel mit sinen tobehoren droech Henric vors. up Aweken
vors. ende sinen erfghenamen vry ende quiit mit allen rechte ende mit allen eghendome eweliken to bruken ende to besitten beholden Henriken
vors. ende sinen erfghenamen soven scilde rente, tyen scillinghe vor den scilt gherekent, paymentes als in Groninghe ganc ende gave is, to
betalen elkes jaers als een stadrecht is ute den vors. halven hues mit sinen tobehoren, ende beholden der kerke to sente Wolburghe to enes
preysters behoef viif scilde rente, paymentes als vors. is, na den breven, de daerup ghemaket sint, ende beholden Reneke Buninghe, der baghynen,
dre scilde rente in den vors. halven virendele, paymentes als vors. is, to betalen jaerlikes als een stadrecht is. Hiir is toghesproken, dat
Aweke vors. of sine erfghenamen moghen de soven scilde rente vors. quiit kopen, wan sie willen, teghen Henric Groven vors. of sine erfghenamen,
elken scilde rente mit twintich scilden, paymentes als vors. is, ende nicht mijn teffensche af to kopen van der vors. rente dan twe scilde
rente. Voertmer so sal Reneke vors. beholden viiftien penninghe rente to den dreen scilden rente vors. in den vors. halven virendele. Dit vors
alinghe steenhues mit sinen tobehoren is gheleghen an de westerzide van Ebdincstrate by Henric Clokes hues, dat an de noertzide leghet, ende der
beghynen wech van den Olden Convente, de an de zuetzide leghet ende strecket sich westwart achter an dat vors. convent up soven vote na. Dat
oerkunde wy mit onser stad zeghel. Ghegheven int jaer uns Heren dusent drehondert ses ende tachtich up onser Vrouwen dach Nativitas, do Ghert
Lewe, Wicbolt Maurissinghe, Wicbolt Everdes, Ghert Paeschedach, Ecbert Schulte ende Reynolt Hughinc borghermestere waren onser stad .
