| Nummer:ogd0762 | Datum:26 sept. 1386 | Überlieferung:Editie | Fundstelle:Oorkondenboek Groningen en Drenthe, nr. 762 |
De gemeene rechters van Stellingwerf, Schoterwerf en Bornevrede sluiten een overeenkomst met de stad Groningen en de Ommelanden van de beteugeling van de partijtwisten in Hunsingo en Fivelgo.
Wy, ghemene rechters van Stellincwarf, Schoterwarf ende Bornevrede, doen kundich allen
lueden mit dessen openen breve, dat wij ziin overdraghen mit der stad Groninghen ende mitten
ghemenen Ummelanden aldusdane ponten to holden als hiirna [gesc]reven staen. Int ierste dat de partije in Hunseghe ende in Fijvelghelanden vrede
sullen holden teghen malcanderen tuschen hiir ende sente Mychele naestkomende bij ener pene van dusent olden scilden to broke. Ende dat negheen
Vrese en sal des anders hues anvechten mit blyden of mit steenbussen bij dusent olde scilden to broke ende bij des menes landes to vare. Ende
dat de partije van beyden syden ghijselen sullen setten in de stad bij ener pene van hondert [scild]en elken lande to broke. Unde desse vors.
ponte worden uetghekondeghet in der stad van Groninghen by hen[gn]esse Westerghe, Wit-Oesterghelande, Hunseghelande ende dat Westerampt van
Fyvelghelande, der stad van Groninghe ende onser lande vors. Ende dese vors. ponten en hevet Onno Ontsata ende siin partije nyet gheholden. Ende
daerumme so ziin wij overdraghen mitter stad van Groninghen vors., dat wij willen reijsen mit malcanderen umme den broke tuschen hiir ende onser
Vrouwendach Nativitas naestkomende na data des breves ellich up sines selves kost ende up sines selves aventure; ende willen mitter stad rede
wezen to reijsen, so waneer uns aldusdane breve wederkomen mitter stadzeghele bezeghelt, ende wij loven der stad van Groninghen ganse velicheijt
ende trouwe to wesen vor ons ende vor alle deghene, de umme unsen willen [reys]en ende lanten willen. In oerkunde der waerheijt so hebben wij
onser lande zeghele van Stellingw[e]rf, Schoterwerf ende Bornevrede vors. beneden an desse breef ghedrucket. Ghegheven int jaer [een] dusent
drehondert ses ende tachtich des Wonsdaghes na sente Mauriciusdach.
lueden mit dessen openen breve, dat wij ziin overdraghen mit der stad Groninghen ende mitten
ghemenen Ummelanden aldusdane ponten to holden als hiirna [gesc]reven staen. Int ierste dat de partije in Hunseghe ende in Fijvelghelanden vrede
sullen holden teghen malcanderen tuschen hiir ende sente Mychele naestkomende bij ener pene van dusent olden scilden to broke. Ende dat negheen
Vrese en sal des anders hues anvechten mit blyden of mit steenbussen bij dusent olde scilden to broke ende bij des menes landes to vare. Ende
dat de partije van beyden syden ghijselen sullen setten in de stad bij ener pene van hondert [scild]en elken lande to broke. Unde desse vors.
ponte worden uetghekondeghet in der stad van Groninghen by hen[gn]esse Westerghe, Wit-Oesterghelande, Hunseghelande ende dat Westerampt van
Fyvelghelande, der stad van Groninghe ende onser lande vors. Ende dese vors. ponten en hevet Onno Ontsata ende siin partije nyet gheholden. Ende
daerumme so ziin wij overdraghen mitter stad van Groninghen vors., dat wij willen reijsen mit malcanderen umme den broke tuschen hiir ende onser
Vrouwendach Nativitas naestkomende na data des breves ellich up sines selves kost ende up sines selves aventure; ende willen mitter stad rede
wezen to reijsen, so waneer uns aldusdane breve wederkomen mitter stadzeghele bezeghelt, ende wij loven der stad van Groninghen ganse velicheijt
ende trouwe to wesen vor ons ende vor alle deghene, de umme unsen willen [reys]en ende lanten willen. In oerkunde der waerheijt so hebben wij
onser lande zeghele van Stellingw[e]rf, Schoterwerf ende Bornevrede vors. beneden an desse breef ghedrucket. Ghegheven int jaer [een] dusent
drehondert ses ende tachtich des Wonsdaghes na sente Mauriciusdach.
