| Nummer:ogd0850 | Datum:25 jan. 1393 | Überlieferung:Editie | Fundstelle:Oorkondenboek Groningen en Drenthe, nr. 850 |
Deken en domkapittel te Utrecht verklaren, dat zij hun goederen en rechten te Groningen en in Gho en Wold wegens door de heren van Coevorden verzuimde betaling verpachten aan de stad Groningen behalve het derdedeel, aan Godevaert en Jan van den Oldenhove en hun moeder toekomende.
Wy, deken ende capittel ten Doem tUtrecht, doen cond ende kenlic allen luden, die desen brief sellen sien of horen lesen, dat onse
weerliche gherichten ende heerlicheden tot Groninghen, hoghe ende leghe, bijnnen ende buten Groninghen gheleghen, mit Wolde ,
mit Ghoe, mit hofsteden, mit tijmmer, mit ackeren, bouwich ende onbouwich, campe, weyde, vischerye, weghe, waterganc, mit munte ende mit tolle, clein ende groot, ende mit allen sinen toebehoren, also groot ende also clein als wy se Johan, heer van Coevoerden, ende Reynoud sinen soen, Herman van Coevoerden ende Henric sinen soen, ende Godevaerd van den Oldenhove tot hoere viver live in enen versumenden pacht ghegheven hadden, ghelijc als die open brief inhout, die wy daerof hebben beseghelt mit seghelen Jans, heren van Coevoerden, Hermans van Coevoerden ende Godevaerts van den Hove, claerlike versumet siin ende aen ons vrylijc wedercomen siin na inhout der brieve voerscreven, overmids dat ons die van Coevoerden voerscreven onsen pacht niet betaelt en hebben, tot sulker tijt als si sculdich waren te doen. Ende want wi op die versumenisse voerscreven, die wy aenghe-nomen hebben, onse voerscreven gherichten ende heerlicheden mit horen toebehoren verpacht hebben den borghermeysteren, raet ende der ghemeynre stad van Groninghen, daerom bid wi, onbieden ende ghebieden allen denghenen, die in onsen gherichten ende heerlicheden voerscreven gheseten siin, dat si den borghermeysteren, raet ende der ghemeynre stad van Groninghen voertmeer ghehoerich ende onderdaen siin van onsen weghen ende in onsen naem ende nyemant anders, ende dat sie hem aldaer so in quiten int ghemeyn ende een yeghelijck bysonder, dats ons gheen noot en si mit rechte teghens hem te varen; behoudelic dies in allen punten voerscreven, dat Godevaerd ende Jan van den Oldenhove, ende Zwanelt, hoer moeder, behouden sellen alsulke huer aen dat derdendeel van den gherichten ende heerlicheden voerscreven als si van ons bebrieft hebben. Ende opdat ghi te claerliker onderwijst moghet siin, dat dese voerscreven gherichten versumet siin, daerom heb wi der stad van Groninghen een copie ghegheven van den pachtbrief voerscreven onder officiaelsseghel van Utrecht ende onder een notarijsteyken. In kennise der waerheit heb wi onsen seghel hierop ghedruct. Ghegheven int jaer ons Heren dusent driehondert drie ende tnegentich op sinte Pouwelsdach Conversio. Ty. Uptende scripsit. Istarum litterarum sunt tres unius manus et tenoris.
weerliche gherichten ende heerlicheden tot Groninghen, hoghe ende leghe, bijnnen ende buten Groninghen gheleghen, mit Wolde ,
mit Ghoe, mit hofsteden, mit tijmmer, mit ackeren, bouwich ende onbouwich, campe, weyde, vischerye, weghe, waterganc, mit munte ende mit tolle, clein ende groot, ende mit allen sinen toebehoren, also groot ende also clein als wy se Johan, heer van Coevoerden, ende Reynoud sinen soen, Herman van Coevoerden ende Henric sinen soen, ende Godevaerd van den Oldenhove tot hoere viver live in enen versumenden pacht ghegheven hadden, ghelijc als die open brief inhout, die wy daerof hebben beseghelt mit seghelen Jans, heren van Coevoerden, Hermans van Coevoerden ende Godevaerts van den Hove, claerlike versumet siin ende aen ons vrylijc wedercomen siin na inhout der brieve voerscreven, overmids dat ons die van Coevoerden voerscreven onsen pacht niet betaelt en hebben, tot sulker tijt als si sculdich waren te doen. Ende want wi op die versumenisse voerscreven, die wy aenghe-nomen hebben, onse voerscreven gherichten ende heerlicheden mit horen toebehoren verpacht hebben den borghermeysteren, raet ende der ghemeynre stad van Groninghen, daerom bid wi, onbieden ende ghebieden allen denghenen, die in onsen gherichten ende heerlicheden voerscreven gheseten siin, dat si den borghermeysteren, raet ende der ghemeynre stad van Groninghen voertmeer ghehoerich ende onderdaen siin van onsen weghen ende in onsen naem ende nyemant anders, ende dat sie hem aldaer so in quiten int ghemeyn ende een yeghelijck bysonder, dats ons gheen noot en si mit rechte teghens hem te varen; behoudelic dies in allen punten voerscreven, dat Godevaerd ende Jan van den Oldenhove, ende Zwanelt, hoer moeder, behouden sellen alsulke huer aen dat derdendeel van den gherichten ende heerlicheden voerscreven als si van ons bebrieft hebben. Ende opdat ghi te claerliker onderwijst moghet siin, dat dese voerscreven gherichten versumet siin, daerom heb wi der stad van Groninghen een copie ghegheven van den pachtbrief voerscreven onder officiaelsseghel van Utrecht ende onder een notarijsteyken. In kennise der waerheit heb wi onsen seghel hierop ghedruct. Ghegheven int jaer ons Heren dusent driehondert drie ende tnegentich op sinte Pouwelsdach Conversio. Ty. Uptende scripsit. Istarum litterarum sunt tres unius manus et tenoris.
x
| Bestand | Oorkondenboek Groningen en Drenthe |
|---|---|
| Nr | 850 |
| Olim | Naar het origineel op papier met een watermerk (een cirkel waarboven een lang staand kruis, binnen den cirkel de drie bergen) in het rijksarchief te Groningen (Reg. 1393, no. 6), hoog 22, breed 30 cm. Gedrukt bij Driessen, blz. 464. |
| Jahr | 1393 |
| Datumcode | ConPau |