| Nummer:ogd0852 | Datum:23 april 1393 | Überlieferung:Editie | Fundstelle:Oorkondenboek Groningen en Drenthe, nr. 852 |
Burgemeesters en raad van Groningen verklaren, dat Otto Pollemans en zijn broeder Hendrik aan Jarich Coppiinsz. twee hofsteden hebben verkocht en overgedragen.
Wy, borghermestere ende raet van Groninghen, bekennen ende betughen met dezen openen breve, dat vor ons quamen
Otto Pollemans ende Henric, ziin broder, ende becanden, dat zie hebben vercoft Jarighe Coppiins zone twe hofsteden
met al horen tobehoren vor ene summe van ghelde, de Otten ende Henrike vors. vol ende al betaelt is. Ende deze twe hofsteden met al horen
tobehoren vors. droghen Otto ende Henric vors. up Jarighe vors. ende sinen erfghenamen vrij ende qwiit met allen rechte ende eghendome eweliken
to bruken ende to besitten. Deze vors. twe hofsteden ziin gheleghen in de westerzide van Herderincstrate an malcanderen, daer Nezen hues up der
ener stede ghetimmerd staet ende Herman Gortes hues up der ander, ende daer Grete Zweders erve, dat Lubbeke Scopes ghehuerd hevet, an de
norderride leghet, ende Otten erve vors. an de zuedzide leghet ende strecket sich westwart in de langhe an Johan Sueringhes erfghenamen erve
ende an Otten erve vors. Dat orkunde wy met onser stad seghele. Ghegheven int jaer ons Heren dusent drehondert dre ende neghentich up sente
Georgiusdach, do Wicbolt Everdes zoen, Evert Sickinge, Johan van den Berghe ende Jacob Schelghe borghermestere waren onser stad .
Otto Pollemans ende Henric, ziin broder, ende becanden, dat zie hebben vercoft Jarighe Coppiins zone twe hofsteden
met al horen tobehoren vor ene summe van ghelde, de Otten ende Henrike vors. vol ende al betaelt is. Ende deze twe hofsteden met al horen
tobehoren vors. droghen Otto ende Henric vors. up Jarighe vors. ende sinen erfghenamen vrij ende qwiit met allen rechte ende eghendome eweliken
to bruken ende to besitten. Deze vors. twe hofsteden ziin gheleghen in de westerzide van Herderincstrate an malcanderen, daer Nezen hues up der
ener stede ghetimmerd staet ende Herman Gortes hues up der ander, ende daer Grete Zweders erve, dat Lubbeke Scopes ghehuerd hevet, an de
norderride leghet, ende Otten erve vors. an de zuedzide leghet ende strecket sich westwart in de langhe an Johan Sueringhes erfghenamen erve
ende an Otten erve vors. Dat orkunde wy met onser stad seghele. Ghegheven int jaer ons Heren dusent drehondert dre ende neghentich up sente
Georgiusdach, do Wicbolt Everdes zoen, Evert Sickinge, Johan van den Berghe ende Jacob Schelghe borghermestere waren onser stad .
