| Nummer:ogd0854 | Datum:24 aug. 1393 | Überlieferung:Editie | Fundstelle:Oorkondenboek Groningen en Drenthe, nr. 854 |
Burgemeesters en raad van Groningen verklaren met de schulte Barwolt Calmers Herman Velthoen te hebben ingewezen in zes grazen land onder Dorkwerd.
Wy , borghermestere ende raet van Groninghen , bekennen ende betughen met dessen openen
breve , dat wy met Barwolt Calmers , den schulten , hebben inghewaert met stadrechte
Herman Velthoen an een eghendoem ende an een besit van ses grazen landes , de Reyner Elmersinc Hermanne vors. satte vor ene summe van ghelde ,
de hie hem nyet en betaelde by der tiid, de hem van ons ghesat was. Dit vors. land is gheleghen in de westerzide van Hoytinghehues an de
zuedzide van den Woltgrave bij Tammen erve to Dorcquart , dat an de oesterzide leghet , ende des Hilghen Gheestes erve , dat an de westerzide
leghet. Dat orkunde wy met onser stad seghele. Ghegheven int jaer ons Heren dusent drehondert dre ende neghentich up sente Bartholomeusdach , do
Wicbolt ter A , Everd Sickinc , Johan van den Berghe ende Jacob Schelleghe borghermestere waren onser stad .
breve , dat wy met Barwolt Calmers , den schulten , hebben inghewaert met stadrechte
Herman Velthoen an een eghendoem ende an een besit van ses grazen landes , de Reyner Elmersinc Hermanne vors. satte vor ene summe van ghelde ,
de hie hem nyet en betaelde by der tiid, de hem van ons ghesat was. Dit vors. land is gheleghen in de westerzide van Hoytinghehues an de
zuedzide van den Woltgrave bij Tammen erve to Dorcquart , dat an de oesterzide leghet , ende des Hilghen Gheestes erve , dat an de westerzide
leghet. Dat orkunde wy met onser stad seghele. Ghegheven int jaer ons Heren dusent drehondert dre ende neghentich up sente Bartholomeusdach , do
Wicbolt ter A , Everd Sickinc , Johan van den Berghe ende Jacob Schelleghe borghermestere waren onser stad .
