| Nummer:ogd0865 | Datum:14 febr. 1394 | Überlieferung:Editie | Fundstelle:Oorkondenboek Groningen en Drenthe, nr. 865 |
Burgemeesters en raad van Groningen verklaren, dat Alverd Hedinghe een hofstede heeft verkocht en overgedragen aan het Vrouw Sywen convent.
Wy, borghermestere ende raet van Groninghe, bekennen ende betughen met dezen openen
breve, dat vor ons quam Alverd Hedinghe ende becande, dat zie hevet vercoft den jonc
frouwen van Verzywenconvente ene hofstede met al horen tobehoren vor ene summe gheldes, de Alverde vors. vol ende al betaelt is. Ende deze
vors. hofstede met horen tobehoren droech Alverd vors. up den vors. joncfrouwen vrij ende quit met allen rechte ende eghendome eweliken to
bruken ende to besitten. Desse vors. hofstede is gheleghen in de westerzide van den Rechten Jate an de oesterzide van Verclarenconvente, daer
der stad wateringhe by gheleghen is an de zuedzide ende daer de wech to Verclarenconvente an de noerdzide leghet. Ende de vors. hofstede sal
lanc wezen een vyrendeel myn dan dre roden. Dat orkunde wy met onser stad seghele. Ghegheven int jaer ons Heren dusent drehondert vyer ende
neghentich up sente Valentinusdach, do Wicbolt Everdes zone, Everd Sickinghe, Johan van den Berghe ende Jacob Schelghe borghermestere waren
onser stad .
breve, dat vor ons quam Alverd Hedinghe ende becande, dat zie hevet vercoft den jonc
frouwen van Verzywenconvente ene hofstede met al horen tobehoren vor ene summe gheldes, de Alverde vors. vol ende al betaelt is. Ende deze
vors. hofstede met horen tobehoren droech Alverd vors. up den vors. joncfrouwen vrij ende quit met allen rechte ende eghendome eweliken to
bruken ende to besitten. Desse vors. hofstede is gheleghen in de westerzide van den Rechten Jate an de oesterzide van Verclarenconvente, daer
der stad wateringhe by gheleghen is an de zuedzide ende daer de wech to Verclarenconvente an de noerdzide leghet. Ende de vors. hofstede sal
lanc wezen een vyrendeel myn dan dre roden. Dat orkunde wy met onser stad seghele. Ghegheven int jaer ons Heren dusent drehondert vyer ende
neghentich up sente Valentinusdach, do Wicbolt Everdes zone, Everd Sickinghe, Johan van den Berghe ende Jacob Schelghe borghermestere waren
onser stad .
