| Nummer:ogd0876 | Datum:18 april 1395 | Überlieferung:Editie | Fundstelle:Oorkondenboek Groningen en Drenthe, nr. 876 |
Frederik, bisschop van Utrecht, sluit een verbond met verschillende Friese landschappen.
Frederic, bi der genaden Goeds bisschop tUtrecht, doin kont ende kenlic allen luden, dat wy gemaect ende confirmiert hebben bi raede ende
willen unss gemeynen stichts van Utrecht enen vasten vrede sonder argelist witlic ende wail te holden mitten landen Stellincgwerff,
Schoterwerff, Opsaterland , Dodingwerffstal, Oesterze , Oesterge , Westerge ende den gemeynen Vriesen van diesen landen vurs. te duren dusent
jair ende dach in manieren herna beschreven. Int eirste, off eyniche saken vielen tusschen uns off unssen nacomelingen of unsen underzaten ende
diesen vurs. landen van Vrieslande, die te verrechtverdigen na inhoelt der older vredebrieve, die unss vurvaer, bisschopen tUtrecht, genomen
ende gegeven hebben tusschen den sticht van Utrecht ende den landen van Vrieslande vurs. ende diesen vurs. vrede stede ende vaste te blyven.
Item dat lant van Drenthe te bliven in alle hoeren oelden lantrechte , als van olden tiden sede ende gewoenlic heeft geweest. Item anders ghene
slote te leggen in den lande van Drenthe dan dat huys tot Coevoerden. Item tot Covoerden ghene steynwerke te leggen noch sterkere te maken, dan
dat nu is. Item wy en soelen dat nyet liden, dat eynich landhere of eynige lude trecken doer Covoerden of doer dat lant van Drenthe op die
voirs. lande van Vrieslande, dair hem of der stat van Groningen of den lande van Drenthe scade ofcomen moichte. Item so sal die stad van
Groningen in hoeren olden rechte ende vryheit blyven, als sy van oldes hebben gehadt. Item die besegelde brieve tusschen Drentheland,
Stellingwerff ende gemeynen Vrieslande stede ende vaste te bliven in allen punten. Item ghenen amptman te setten op dat huys tot Covoerden buten
raide des lants van Vriesland ende van Drenthe voirs. Voirt sint vurwarden, weirt zake dat die hertouge van Holland off eynich here van buten,
die buten den sticht van Utrecht gesetten were, vyant wulde werden Vrieslands, daer en soelen wy off unse nacomelincgen oft unse underzaten
ghene hulpe toe doin mit rade noch mit dade noch in geenrehande wijs sonder argelist, ende genen here van buten doer dat sticht van Utrecht
laten trecken, daer Vriesland hijnder off scade van comen mochte. Voirtmeer soe sal dat ommeland in alle diesen voirs. vrede ende vurwairden
vasteliken bliven als sy hiertoe geweest hebben ende die olde vriedebrieve holden. Item wy noch unse nacomelincgen en soelen diese vurs. punten
in gheenrehande wijs krencken, ende alle argelist hierynne uytgenomen. Voirtmeer ist vurwairde, dat unse nacomelincgen, bisschopen tUtrecht,
diesen voirs. vrede ende punten confirmeren ende segelen soelen sonder argelist stede ende vaste te holden. In oirkunde ende vestenisse alle
dieser dincgen voirs., so hebben wy, Frederic, bisschop tUtrecht voirs., diesen brieff bezegelt mit onsen segel ende hebben gebeden die eerbaer
prelaten ende capitelen unsser kercken ten Doem, van Oudenmunster, van sente Peter, van sente Johan ende van sente Marien tUtrecht ende unsse
stad van Utrecht ende anders die steden uns stichts, als Ammersforde, Deventer, Campen ende Swolle, dat sy diesen tegenwoirdigen brieff ende
vurwairden in tughenisse der wairheit mit uns bezegelen willen. Ende wy, prelaten ende capitelen ten Doem, van Oudenmunster, van sente Peter,
van sente Johan ende van sent Marien, hebben mit onser capitele zegele, ende wy, stad van Utrecht ende steden van Amersfoirde, van Deventer, van
Campen ende van Zwolle vurs., hebben mit unsser stad ende steden segelen om beden wille uns liefs heren van Utrecht voirs. diesen brieff ende
vurwaerde, die daerynne beschreven stain, mede besegelt. Gegheven int jair uns Heren dusent driehondert vijf ende tnegentich des achtienden
dages in Aprili.
willen unss gemeynen stichts van Utrecht enen vasten vrede sonder argelist witlic ende wail te holden mitten landen Stellincgwerff,
Schoterwerff, Opsaterland , Dodingwerffstal, Oesterze , Oesterge , Westerge ende den gemeynen Vriesen van diesen landen vurs. te duren dusent
jair ende dach in manieren herna beschreven. Int eirste, off eyniche saken vielen tusschen uns off unssen nacomelingen of unsen underzaten ende
diesen vurs. landen van Vrieslande, die te verrechtverdigen na inhoelt der older vredebrieve, die unss vurvaer, bisschopen tUtrecht, genomen
ende gegeven hebben tusschen den sticht van Utrecht ende den landen van Vrieslande vurs. ende diesen vurs. vrede stede ende vaste te blyven.
Item dat lant van Drenthe te bliven in alle hoeren oelden lantrechte , als van olden tiden sede ende gewoenlic heeft geweest. Item anders ghene
slote te leggen in den lande van Drenthe dan dat huys tot Coevoerden. Item tot Covoerden ghene steynwerke te leggen noch sterkere te maken, dan
dat nu is. Item wy en soelen dat nyet liden, dat eynich landhere of eynige lude trecken doer Covoerden of doer dat lant van Drenthe op die
voirs. lande van Vrieslande, dair hem of der stat van Groningen of den lande van Drenthe scade ofcomen moichte. Item so sal die stad van
Groningen in hoeren olden rechte ende vryheit blyven, als sy van oldes hebben gehadt. Item die besegelde brieve tusschen Drentheland,
Stellingwerff ende gemeynen Vrieslande stede ende vaste te bliven in allen punten. Item ghenen amptman te setten op dat huys tot Covoerden buten
raide des lants van Vriesland ende van Drenthe voirs. Voirt sint vurwarden, weirt zake dat die hertouge van Holland off eynich here van buten,
die buten den sticht van Utrecht gesetten were, vyant wulde werden Vrieslands, daer en soelen wy off unse nacomelincgen oft unse underzaten
ghene hulpe toe doin mit rade noch mit dade noch in geenrehande wijs sonder argelist, ende genen here van buten doer dat sticht van Utrecht
laten trecken, daer Vriesland hijnder off scade van comen mochte. Voirtmeer soe sal dat ommeland in alle diesen voirs. vrede ende vurwairden
vasteliken bliven als sy hiertoe geweest hebben ende die olde vriedebrieve holden. Item wy noch unse nacomelincgen en soelen diese vurs. punten
in gheenrehande wijs krencken, ende alle argelist hierynne uytgenomen. Voirtmeer ist vurwairde, dat unse nacomelincgen, bisschopen tUtrecht,
diesen voirs. vrede ende punten confirmeren ende segelen soelen sonder argelist stede ende vaste te holden. In oirkunde ende vestenisse alle
dieser dincgen voirs., so hebben wy, Frederic, bisschop tUtrecht voirs., diesen brieff bezegelt mit onsen segel ende hebben gebeden die eerbaer
prelaten ende capitelen unsser kercken ten Doem, van Oudenmunster, van sente Peter, van sente Johan ende van sente Marien tUtrecht ende unsse
stad van Utrecht ende anders die steden uns stichts, als Ammersforde, Deventer, Campen ende Swolle, dat sy diesen tegenwoirdigen brieff ende
vurwairden in tughenisse der wairheit mit uns bezegelen willen. Ende wy, prelaten ende capitelen ten Doem, van Oudenmunster, van sente Peter,
van sente Johan ende van sent Marien, hebben mit onser capitele zegele, ende wy, stad van Utrecht ende steden van Amersfoirde, van Deventer, van
Campen ende van Zwolle vurs., hebben mit unsser stad ende steden segelen om beden wille uns liefs heren van Utrecht voirs. diesen brieff ende
vurwaerde, die daerynne beschreven stain, mede besegelt. Gegheven int jair uns Heren dusent driehondert vijf ende tnegentich des achtienden
dages in Aprili.
x
| Bestand | Oorkondenboek Groningen en Drenthe |
|---|---|
| Nr | 876 |
| Olim | Naar een afschrift : 1. in het Diversorium I Fred. de Blankenheim, fol. 5vo in het rijksarchief te Utrecht (A); andere afschriften zijn; 2. in het Diversorium, fol. 84 (B); 3. in het Collectorium, fol. 79vo (15de eeuw) beide in het gemeentearchief te Kampen (Reg. I, no. 309) (C); 4. in het Register Inv. no. 1607, fol. 119vo, verg. Inv. Bijl., blz. 218 (D) in het gemeentearchief te Deventer. Ook gedrukt bij Matth. ad Anon., pag. 110 vlg.; v. Mieris, Charterb., III, blz. 625; v. Schwartzenberg, I, biz. 254 en v. Idsinga, Staatsrecht, II, blz. 7. |
| Jahr | 1395 |
| Datumcode | 1804 |