| Nummer:ogd0903 | Datum:19 aug. 1395 | Überlieferung:Editie | Fundstelle:Oorkondenboek Groningen en Drenthe, nr. 903 |
Voorwaarden van het verdrag betrekkelijk de overgave van Coevorden.
Eerst dat een yeghelic besoent sal wesen op sin leen, dair hem mijn here mede belenen sall, ende op sin guet, uytghesecht dan dien van Selwerden
anghaet, ende elc sal landtrecht gebruken alz hi dede voir der veden. Item dat een yegelic, dee bijnnen Coverden is, besoent sall wesen, off hi
will, ende wie niet besoent en wil wesen, die sal mijn here uytveligen voer die sine tot Schuttorpe off tot Borcloe, wilkoer zy willen, ende die
en zullen niet doen teghen mynen here bijnnen der voirwerden van der ontsettinge, ende alsolange zullen zi oick voir mynen heere ende voir die
sine velich wesen, mer zi zullen die tijt buten mijns heren lande ende paelen bliven, thenzy dat zi geleyt werden van mijns heren wegen. Item zo
wie niet besoent en wil wesen, die sal Hondeberch mynen here bescreven gheven. Item dat die burger van Coverde besoent soelen wesen op haer guet
ende op haer olde recht. Item ist dat mijn here dien Drenthen , die vyant sin der van Gronijnge, niet gehelpen en kan, dat hem bi oem recht
wedervaren moghe den van Gronijnge, so sal mijn here hem ghonnen ende hoeren vrienden, all dat hi hem van eren wegen ende bescheyts wegen doen
mach. Item sall Hondeberch mynen heren Coverde overleveren opten yrsten Donresdach na onser Vrouwendach Assumpcio naestkomende by schinender
sonnen, alsoveer alst hierenbijnnen niet ontsett en werdt van mijns heren vyanden, dats te verstaen, of mijn here mit macht uyt dien veede niet
gheslagen of verdreven en weerdt, hy en blive mit sijnre banneir ende mit sinen live tusschen Coverde, Esschebrugghe, dien Closter ende
Hulsforde, mer hi off syne vriende mogen hiiren-bijnnen te dage off anders tot oern vrienden ryden, dair zi willen, sonder argelist. Item weert
dat bijnnen dese voirs. tijt yemant queme Coverde tontsetten, dat dan mynen here gheen schade gheschien en sall uyt der stat noch van den huse
to Coverde noch van den luden, die daer bijnnen sijn. Item Hondeberch sal mynen here laeten beholden tot Coverde al dat eertvast ende negelvast
is, dat toe den sloete hoert. Item alle ghevangenen soelen quyt wesen an beyden tsyden mit eenre older oervede. Item soelen Evert van der Eze
ende Evert van Heest an die eene zyde ende Hondeberch ende Henric van Zeelwerden an de ander zyde ende al hoer hulper ende hulperhulper gesoent
wesen. Item zal mijn here Hondenberg verwijssen ende betalen voer dat hi an Covorde ligghen heeft ende voer sinen schade VI M Gelresche gulden
alz men nu slaet, te betalen M op sente Mycheels misse, M gulden op sente Martins mijsse ende die ander IIII M op sente Jacobsdach naestkomende
of bijnnen XIIII dagen na elken termyne onbegrepen. Item hiirboven sall mijn heere Hondeberg betalen zulc gelt alz noch tafteren is van Rolff
schattingen van den Cloester, ende hiermede zullen alle gevanghen ende onbetalt gelt quyt wesen. Item en sal men bijnnen II jaren niet richten
voer zulc schult in Hundebergs guede in Zalland noch in Drenthe.
anghaet, ende elc sal landtrecht gebruken alz hi dede voir der veden. Item dat een yegelic, dee bijnnen Coverden is, besoent sall wesen, off hi
will, ende wie niet besoent en wil wesen, die sal mijn here uytveligen voer die sine tot Schuttorpe off tot Borcloe, wilkoer zy willen, ende die
en zullen niet doen teghen mynen here bijnnen der voirwerden van der ontsettinge, ende alsolange zullen zi oick voir mynen heere ende voir die
sine velich wesen, mer zi zullen die tijt buten mijns heren lande ende paelen bliven, thenzy dat zi geleyt werden van mijns heren wegen. Item zo
wie niet besoent en wil wesen, die sal Hondeberch mynen here bescreven gheven. Item dat die burger van Coverde besoent soelen wesen op haer guet
ende op haer olde recht. Item ist dat mijn here dien Drenthen , die vyant sin der van Gronijnge, niet gehelpen en kan, dat hem bi oem recht
wedervaren moghe den van Gronijnge, so sal mijn here hem ghonnen ende hoeren vrienden, all dat hi hem van eren wegen ende bescheyts wegen doen
mach. Item sall Hondeberch mynen heren Coverde overleveren opten yrsten Donresdach na onser Vrouwendach Assumpcio naestkomende by schinender
sonnen, alsoveer alst hierenbijnnen niet ontsett en werdt van mijns heren vyanden, dats te verstaen, of mijn here mit macht uyt dien veede niet
gheslagen of verdreven en weerdt, hy en blive mit sijnre banneir ende mit sinen live tusschen Coverde, Esschebrugghe, dien Closter ende
Hulsforde, mer hi off syne vriende mogen hiiren-bijnnen te dage off anders tot oern vrienden ryden, dair zi willen, sonder argelist. Item weert
dat bijnnen dese voirs. tijt yemant queme Coverde tontsetten, dat dan mynen here gheen schade gheschien en sall uyt der stat noch van den huse
to Coverde noch van den luden, die daer bijnnen sijn. Item Hondeberch sal mynen here laeten beholden tot Coverde al dat eertvast ende negelvast
is, dat toe den sloete hoert. Item alle ghevangenen soelen quyt wesen an beyden tsyden mit eenre older oervede. Item soelen Evert van der Eze
ende Evert van Heest an die eene zyde ende Hondeberch ende Henric van Zeelwerden an de ander zyde ende al hoer hulper ende hulperhulper gesoent
wesen. Item zal mijn here Hondenberg verwijssen ende betalen voer dat hi an Covorde ligghen heeft ende voer sinen schade VI M Gelresche gulden
alz men nu slaet, te betalen M op sente Mycheels misse, M gulden op sente Martins mijsse ende die ander IIII M op sente Jacobsdach naestkomende
of bijnnen XIIII dagen na elken termyne onbegrepen. Item hiirboven sall mijn heere Hondeberg betalen zulc gelt alz noch tafteren is van Rolff
schattingen van den Cloester, ende hiermede zullen alle gevanghen ende onbetalt gelt quyt wesen. Item en sal men bijnnen II jaren niet richten
voer zulc schult in Hundebergs guede in Zalland noch in Drenthe.
