| Nummer:ogd0921 | Datum:2 febr. 1396 | Überlieferung:Editie | Fundstelle:Oorkondenboek Groningen en Drenthe, nr. 921 |
Zweder van Rechteren sluit met de drie steden Deventer, Kamen en Zwolle een overeenkomst betrekkelijk zijn ambt van kastelein te Coevorden.
Allen luden, die desen brieff zullen zien off horen lesen, doe ic to verstane, Zweder van Rechteren, knape, ende bekenne vor my ende vor myne
erffgenamen, dat die eerweerdige in Gode vader ende here her Frederic van Blanckenhem, by der ghenaden Godes bisscop tUtrecht, mynen lieve
ghenedighe here, my sijn hues, borch ende stad tot Coverde mijt allen horen tobehorn guetliken opp mynen gheloven ende trouwe heefft
onderghedaen ende bevolen te verwaren, dat ic van em ontfanghen ende anghenomen hebbe in sulken schine als die brieff begrijpt, den ic hem
daerop hebbe bezeghelt gegeven. Ende want die eersame, wise bescheydene lude, schepene ende rade der drier hoeffstede van Zalland, als Deventer,
Campen ende Zwolle, hoer guetduncken ende volbord ghedaen hebben tot der bevelinge, die my ghescheet is, soedat ic by oren willen ende rade
daran bin ghecomen, soe heb ic na den vorwerden, die van den vors. huys, borch ende stad tot Coverden ghemaket siin tusschen mynen genedigen
here van Utrecht ende den drien steden vors. ende na inholt der brieve, die hy hem daerop heefft ghegeven om toe versekeren, dattet huys, borch
ende stad van den ghestichte nyet ververret noch vervreemt en werde, gheloefft ende ghesekert in gueden trouwen ende ghezworen over den hiligen
mijt opgherichten vingeren ende mijt ghestaefden eede vor my ende vor miin erffgenamen an hande der borghermeystere tot behoeff der drier stede
vorghenoemd, alsdat ic die borch, dat huys ende stad tot Covorde mijt al horen tobehoren trouweliken sal hueden, holden ende verwaren tot
behoeff miins ghenedigen heren ende siins ghestichts van Utrecht vors. als een gued casteleyn ende amptman schuldich is toe done, sonder enich
ghelt darop te lenen ende opslach te maken, ten weer by wille ende concente der drier steden vors. Ende wert dat miin ghenedige heer van Utrecht
vors. afflivich off in een ander ghesticht transferiert worde by miinre tiit, dats toe verstane, diewile dat ic casteleyn ende amptman tot
Coverde bin, dat God verbieden moet, soe en sal ic noch miin erffgenamen dat huys, borch ende stad tot Coverde vors. an nyemans hand brengen dan
bii rade ende gheheyte der stede vors. tot behoeff des ghestichts van Utrecht, thent der tiit dat die bisscop, die dan queme na mynen genedigen
here, die nu is, den vors. steden briefve ghegeven ende bezegeld hadden van allen dien punten ende an derselver forme alse die brieve, die miin
genedige heer vorg. hem ghegeven heefft, daroff hebben begrepen. Oec sint vorwerde, offt sake weer dat miin genedige heer vors. my ontsetten
ende enen anderen amptman ende casteleyn weder in miin stede setten wolde, soe en sal ic nochtant dat vors. huys, borch ende stad tot Coverden
nijt overleveren, die amptman ende casteleyn, die na my queem, en hadde den steden vors. yerst brieff gegeven ende bezegelt in alle der maten
alse die brieff heefft begrepen. Ende wanneer dat gheschiet is, soe sal ic off miin eerffgenamen, ghebreken miins, den bisscopp, nakomelinc
miins genedigen heren vorg., dat huys, die borch ende stad mijt horen tobehorn commerloes overleveren tot behoeff des ghestichts daermede vort
om te gaen alse vors. is, beholdelic my ende mynen erffgenamen alsulker brieve alse my die drie stede vors. besegeld hebben van kost ende van
tijmmeringen tot Coverden te doen, alsdat ic daer ghebruken mach na horen tenoer ende inholtnissen, onverbroken miins ede vors. Vort sint
vorwerde, dat ic altijt, diewile ic casteleyn ende amptman bin tot Coverden, helpen sal na al miinre macht dat land van Zalland beschudden vor
roeff ende vor brand ende vor alle gheweldlike sake mijt alle denghenen, die ic daertoe bidden off gebeden can, sonder enigherhande arghelist.
In orkunde des brieffs bezegheld mijt mynen zegel. Gegeven int jaer ons Heren dusent driehondert ses ende tnegentich op onser Vrouwendach
Purificacio.
erffgenamen, dat die eerweerdige in Gode vader ende here her Frederic van Blanckenhem, by der ghenaden Godes bisscop tUtrecht, mynen lieve
ghenedighe here, my sijn hues, borch ende stad tot Coverde mijt allen horen tobehorn guetliken opp mynen gheloven ende trouwe heefft
onderghedaen ende bevolen te verwaren, dat ic van em ontfanghen ende anghenomen hebbe in sulken schine als die brieff begrijpt, den ic hem
daerop hebbe bezeghelt gegeven. Ende want die eersame, wise bescheydene lude, schepene ende rade der drier hoeffstede van Zalland, als Deventer,
Campen ende Zwolle, hoer guetduncken ende volbord ghedaen hebben tot der bevelinge, die my ghescheet is, soedat ic by oren willen ende rade
daran bin ghecomen, soe heb ic na den vorwerden, die van den vors. huys, borch ende stad tot Coverden ghemaket siin tusschen mynen genedigen
here van Utrecht ende den drien steden vors. ende na inholt der brieve, die hy hem daerop heefft ghegeven om toe versekeren, dattet huys, borch
ende stad van den ghestichte nyet ververret noch vervreemt en werde, gheloefft ende ghesekert in gueden trouwen ende ghezworen over den hiligen
mijt opgherichten vingeren ende mijt ghestaefden eede vor my ende vor miin erffgenamen an hande der borghermeystere tot behoeff der drier stede
vorghenoemd, alsdat ic die borch, dat huys ende stad tot Covorde mijt al horen tobehoren trouweliken sal hueden, holden ende verwaren tot
behoeff miins ghenedigen heren ende siins ghestichts van Utrecht vors. als een gued casteleyn ende amptman schuldich is toe done, sonder enich
ghelt darop te lenen ende opslach te maken, ten weer by wille ende concente der drier steden vors. Ende wert dat miin ghenedige heer van Utrecht
vors. afflivich off in een ander ghesticht transferiert worde by miinre tiit, dats toe verstane, diewile dat ic casteleyn ende amptman tot
Coverde bin, dat God verbieden moet, soe en sal ic noch miin erffgenamen dat huys, borch ende stad tot Coverde vors. an nyemans hand brengen dan
bii rade ende gheheyte der stede vors. tot behoeff des ghestichts van Utrecht, thent der tiit dat die bisscop, die dan queme na mynen genedigen
here, die nu is, den vors. steden briefve ghegeven ende bezegeld hadden van allen dien punten ende an derselver forme alse die brieve, die miin
genedige heer vorg. hem ghegeven heefft, daroff hebben begrepen. Oec sint vorwerde, offt sake weer dat miin genedige heer vors. my ontsetten
ende enen anderen amptman ende casteleyn weder in miin stede setten wolde, soe en sal ic nochtant dat vors. huys, borch ende stad tot Coverden
nijt overleveren, die amptman ende casteleyn, die na my queem, en hadde den steden vors. yerst brieff gegeven ende bezegelt in alle der maten
alse die brieff heefft begrepen. Ende wanneer dat gheschiet is, soe sal ic off miin eerffgenamen, ghebreken miins, den bisscopp, nakomelinc
miins genedigen heren vorg., dat huys, die borch ende stad mijt horen tobehorn commerloes overleveren tot behoeff des ghestichts daermede vort
om te gaen alse vors. is, beholdelic my ende mynen erffgenamen alsulker brieve alse my die drie stede vors. besegeld hebben van kost ende van
tijmmeringen tot Coverden te doen, alsdat ic daer ghebruken mach na horen tenoer ende inholtnissen, onverbroken miins ede vors. Vort sint
vorwerde, dat ic altijt, diewile ic casteleyn ende amptman bin tot Coverden, helpen sal na al miinre macht dat land van Zalland beschudden vor
roeff ende vor brand ende vor alle gheweldlike sake mijt alle denghenen, die ic daertoe bidden off gebeden can, sonder enigherhande arghelist.
In orkunde des brieffs bezegheld mijt mynen zegel. Gegeven int jaer ons Heren dusent driehondert ses ende tnegentich op onser Vrouwendach
Purificacio.
x
| Bestand | Oorkondenboek Groningen en Drenthe |
|---|---|
| Nr | 921 |
| Olim | Naar een afschrift (A) in het Div. I Fred. de Blankenheim, fol. 66, in het rijksarchief te Utrecht. Vergeleken met een afschrift (B) in het register Inv. no. 1607, fol. 117 in het gemeentearchief te Deventer (Inv. Bijl. blz. 217). |
| Jahr | 1396 |
| Datumcode | PurMar |