Reynerus Eysinggha te Zandeweer, redger te Uithuizen, wijst de goederen van Rembeko Popekama wegens het niet voldoen van een geldboete toe aan Hoyko, zoon van Edzo.

Universis Christi fidelibus praesentis chartulae seriem visuris et audituris nos, Reynerus Eysinggha in Sondweer, consul consulatus Uthusum,
facimus manifestum, quod orta materia dissensionis seu litigii inter Rembekonem Popekama in Aldathorpth, actorem, et Hoykonem, filium Edzonis in
Serijp felicis memoriae, reum, super quibusdam debitis, scilicet octoginta marcis et quadraginta duobus scutis monetae usualis et obligatione,
qua se Hoyko memoratus obligabat sub amissione bonorum mobilium et immobilium, sibi et suis pueris pertinentium in dicta Aldathorp existentium
et situatorum, praefato Rembekoni infra tres annos satisfaciendo. Unde dictis partibus in nostro judicio comparentibus, debitis terminis
mediantibus et intervallis, lite inter easdem legitime contestata, termino eis competenti per nos assignato ad fundandam et probandam eorum
intentionem et literas et testes, si quos vel quas haberent ad producendum in medium, pars rea spreto nostro judicio non comparuit parte actrice
comparente, quae quandam cedulam, sigillis dominorum Wycheri et Reyneri, in Usquerth et Uthusum curatorum, et nostri necnon terrae Hunsgoniae
civium Asterompth sigillatam, ostendit et in medium produxit, declarantem lucide ipsum Hoykonem ad prefatum debitum, scilicet octoginta marcas
et quadraginta duo scuta, teneri omni dolo et fraude exclusis et novem testes discretos et idoneos, qui in conscientiis fideliter juraverunt,
quod Hoyko praenarratus sub amissione bonorum mobilium et immobilium, sibi et suis pueris spectantium in Aldathorp, infra tres annos Rembekoni
praedicto de praemissis debitis se obligasset, ita quod tribus annis, ut praefertur, elapsis satisfacione neglecta sua bona mobilia et immobilia
deberent cedere et assignari loco debitorum praedictorum ipsi Rembekoni cum effectu. Nos igitur, circumstantiis diligenter indagatis et meritis
praefatae causae fideliter inspectis et investigatis, praemissis rationibus et aliis adminiculis nos ad hoc moventibus, saepedicto Rembekoni et
suis veris heredibus perpetuo possidenda tertiam partem domus, in qua idem Rembeko moratur et residet, et molendinum equorum cum suis
adhaerentiis et tertiam partem horrei et domistadium, continens in se unum centenarium et decem virgas praediorum, per Ebelonem in Werphum
geometrum mensuratum, in quo domus Popekama in Aldathorp et horreum noscuntur sita; de illo domistadio duas partes et duas partes de paschua,
prope domum praedictum ex parte orientali sita, et duo centenaria praediorum uppa Cruma Werum , juxta finem paschuae praefatae jacentia,
praedictis Hoykoni et suis pueris pertinentia, communicato consilio discretorum dominorum Reyneri, Hinrici et Ithaci, in Uthusum, Medum et
Sondweer curatorum, et Eysonis Bywinga et domini Alberti, curati in Usquerth, propter praemissa debita et rationes supradictas adjudicavimus et
per praesentes adjudicamus nostra sententia diffinitiva. Lata est haec sententia praesentibus Thyalkone in Aldathorp, Popekone et Ebelone
praedicto et meis duobus wedmannis, scilicet Tadekone Hiddama in Uthusum et Hayone Rembekama in Medum, ac aliis discretis ad hoc rogatis. Datum
anno Domini MCCCXC sexto crastina Philippi et Jacobi apostolorum nostro sub sigillo. Et nos, assessores memorati, quia praemissis omnibus et
singulis interfuimus, ut praemittitur, idcirco sigilla nostra dignum duximus apponenda una cum sigillo terrae Hunsgoniae civium Asterompth in
testimonium praemissorum. Datum anno et die quibus supra .

x

x

Bestand	Oorkondenboek Groningen en Drenthe
Nr	928
Olim	Naar een afschrift uit het begin der-17 eeuw (ms. in 4o, no. 31, fol. 124vo) in het rijksarchief te Groningen. Ook gedrukt bij Thiessen, blz. 485, en gedeeltelijk bij v. Halsema in de Werken P. E. I. P., II, blz. 251, 315 en 382.
Jahr	1396
Datumcode	cPhiJac

x

x

x

Material	papier

x

Editionen	P.J. Blok e.a., Oorkondenboek van Groningen en Drente, II (Groningen 1899), nr. 928.