| Nummer:ogd0958 | Datum:31 mei 1397 | Überlieferung:Editie | Fundstelle:Oorkondenboek Groningen en Drenthe, nr. 958 |
De bestuurders van de drie steden Deventer, Kampen en Zwolle verzoeken burgemeesters schepenen en raad van Zutphen de brief over het aan Reynold van Coevorden te betalen geld te willen bewaren.
Wij, burgermestere, scepen ende raet der stede van Deventer, Campen ende Zwolle doen cond eendrachtelic mit desen apenen brieve, want die
hogeboern dorluchtige vurste hertoge van Gelre etc. eene zwone gheutet heft tusschen dien erwerdigen in Gode vader ende here heren Frederic van
Blanckenhem, bisscop tUtrecht, onsen lieven here, an ene zide, ende Reynalt van Covorde ende sinen vrienden an die ander zide, in welker zwone
dat brieve overghegeven zijnt, sprekende op XVM olde schilden, besegelt mit onser drier stede segel, ende die tot wairderhand gheleget zint in
hand der ersamer lude, burgermester, scepen ende raet der stad van Zutphen, in ghevoghe alz inholdende is die apene brief, die deselve
burgermester, scepen ende raet van Zutphen voirs. mit hore stadsecreet besegelt hebben ende dairaf overghelevert dien erwerdigen here, dien
bisscop vors., zo bekennen wij, dat wij gebeden hebben ende bidden dien ersamen luden burgermestere, scepen ende raet der stad van Zutphen an to
nemen ende inholden to waerderhand daermede te doen ende voert te varen na utwisinghe ende inholde dies vors. apenen briefs mit oere stadsecreet
besegelt zunder argelist. In orkunde etc.
hogeboern dorluchtige vurste hertoge van Gelre etc. eene zwone gheutet heft tusschen dien erwerdigen in Gode vader ende here heren Frederic van
Blanckenhem, bisscop tUtrecht, onsen lieven here, an ene zide, ende Reynalt van Covorde ende sinen vrienden an die ander zide, in welker zwone
dat brieve overghegeven zijnt, sprekende op XVM olde schilden, besegelt mit onser drier stede segel, ende die tot wairderhand gheleget zint in
hand der ersamer lude, burgermester, scepen ende raet der stad van Zutphen, in ghevoghe alz inholdende is die apene brief, die deselve
burgermester, scepen ende raet van Zutphen voirs. mit hore stadsecreet besegelt hebben ende dairaf overghelevert dien erwerdigen here, dien
bisscop vors., zo bekennen wij, dat wij gebeden hebben ende bidden dien ersamen luden burgermestere, scepen ende raet der stad van Zutphen an to
nemen ende inholden to waerderhand daermede te doen ende voert te varen na utwisinghe ende inholde dies vors. apenen briefs mit oere stadsecreet
besegelt zunder argelist. In orkunde etc.
