| Nummer:ogd0960 | Datum:31 mei 1397 | Überlieferung:Editie | Fundstelle:Oorkondenboek Groningen en Drenthe, nr. 960 |
Reynolt van Coevorden verklaart, zo hij tot afstand van zijn rechten op Coevorden en Drente besluit, overdracht daarvan te zullen doen te Coevorden en te Hulsvoorde.
Ic, Reynolt van Covorde, make kond ende kenlijc alien luden ende bekenne voir mij ende voir mijne rechte erfgenamen, werd zake dat ic mij zo
versonne ende des te rade woirde, dat ic vertichnisse doen wolde van den huys ende heerschap van Covorde van den lande van Drenthe mit horen
tobehoern ende van alre anspraeke ende tosegghen dairaff na ynholt der zwonen, die mijn ghenedighe here, dee hertoge van Gelre ende van Gulich
ende greve van Zutphen, ghesecht ende besegelt heft ghegeven, alsdat ic dan, als die tijt coempt, dats te verstaen bynnen dien lesten halven
jare van den vijf jaren, die ic mijn beraet dairaff hebben sal, die voirs. vertichnisse doen sal tot Covorde ende tot Hulsvoorden voir dien
erwerdigen in Gode vader ende here, heren Frederic van Blankenhem, bisscop tUtrecht, mijnen lieven here, off voir sine nacomelinge, die dan
bisscop tUtrecht is, ende voir diegheene, die zij off hore enich dairbi nemen, ende sal dan brieve dairop gheven in gueden formen ende de
overleveren also beseghelt alz die voirs. zwoene dairaff ynholt ende begrepen heft, sonder enich argelist. In orkonde dies briefs besegelt mit
mijnen segel Reynolts voirs. Ende hebbe ghebeden dien edelen Gysbert van Bronchoirst, here tot Borclo, mijnen lieven oem, omme merre vestenisse
wille mede over mij to besegelen. Ende ic Gysbert van Bronchoirst, here tot Borckel voirs., hebbe mijnen segel an desen brief ghehangen omme
beden wille Reynolts, mijns neven voirs. Gegeven etc. in den jaer etc. XCVII des lesten dages in Meye.
versonne ende des te rade woirde, dat ic vertichnisse doen wolde van den huys ende heerschap van Covorde van den lande van Drenthe mit horen
tobehoern ende van alre anspraeke ende tosegghen dairaff na ynholt der zwonen, die mijn ghenedighe here, dee hertoge van Gelre ende van Gulich
ende greve van Zutphen, ghesecht ende besegelt heft ghegeven, alsdat ic dan, als die tijt coempt, dats te verstaen bynnen dien lesten halven
jare van den vijf jaren, die ic mijn beraet dairaff hebben sal, die voirs. vertichnisse doen sal tot Covorde ende tot Hulsvoorden voir dien
erwerdigen in Gode vader ende here, heren Frederic van Blankenhem, bisscop tUtrecht, mijnen lieven here, off voir sine nacomelinge, die dan
bisscop tUtrecht is, ende voir diegheene, die zij off hore enich dairbi nemen, ende sal dan brieve dairop gheven in gueden formen ende de
overleveren also beseghelt alz die voirs. zwoene dairaff ynholt ende begrepen heft, sonder enich argelist. In orkonde dies briefs besegelt mit
mijnen segel Reynolts voirs. Ende hebbe ghebeden dien edelen Gysbert van Bronchoirst, here tot Borclo, mijnen lieven oem, omme merre vestenisse
wille mede over mij to besegelen. Ende ic Gysbert van Bronchoirst, here tot Borckel voirs., hebbe mijnen segel an desen brief ghehangen omme
beden wille Reynolts, mijns neven voirs. Gegeven etc. in den jaer etc. XCVII des lesten dages in Meye.
