| Nummer:ogd0961 | Datum:31 mei 1397 | Überlieferung:Editie | Fundstelle:Oorkondenboek Groningen en Drenthe, nr. 961 |
Frederik, bisschop van Utrecht, belooft aan Reynalt van Coevorden vrijgeleide voor honderd mannen en paarden, wanneer hij besluit om afstand doen van zijn rechten op Coevorden en Drente.
Frederic, by der ghenaden Godes bisscop tUtrecht, maken kond allen luden ende bekennen, dat wy ghelovet hebben ende loeven
vastlic mit desen brieve voer ons ende vor onse nacomelinge, bisscope tUtrecht, weert zake dat Reynalt van Coeverde te
rade worde vertichnisse te doen van Coeverde ende van Drenthe mit horen toebehoren also als die zwoene inholdt, die die hogheboren vurste onse lieve here ende neve, die hertoghe van Gelren ende van Guylic ende greve van Zutphen, gheuytt ende beseghelt heeft tusschen ons ende onsen ghestichte an die eene zijt ende Reynalde van Coeverde ende sinen vrienden an die ander zijt, alsdat wy of onse nacomelinge, bisscop tUtrecht, denselven Reynalde, wanneer hij die vertichnisse doen wil tot Coeverde ende tot Hulsfoerde af ende an veilighen soelen mit sinen vrienden tot hondert mannen ende perden toe of daerenbinnen voer ons, onse ghesticht, amptlude ende onderzaten ende voer alle dieghene, die omme onsen wille doen ende laten willen, sonder arghelist. In orconde des briefs beseghelt mit onsen seghele. Gegeven int jaer ons Heren dusent driehondert zoeven ende neghentich des lesten daghes in Meye.
vastlic mit desen brieve voer ons ende vor onse nacomelinge, bisscope tUtrecht, weert zake dat Reynalt van Coeverde te
rade worde vertichnisse te doen van Coeverde ende van Drenthe mit horen toebehoren also als die zwoene inholdt, die die hogheboren vurste onse lieve here ende neve, die hertoghe van Gelren ende van Guylic ende greve van Zutphen, gheuytt ende beseghelt heeft tusschen ons ende onsen ghestichte an die eene zijt ende Reynalde van Coeverde ende sinen vrienden an die ander zijt, alsdat wy of onse nacomelinge, bisscop tUtrecht, denselven Reynalde, wanneer hij die vertichnisse doen wil tot Coeverde ende tot Hulsfoerde af ende an veilighen soelen mit sinen vrienden tot hondert mannen ende perden toe of daerenbinnen voer ons, onse ghesticht, amptlude ende onderzaten ende voer alle dieghene, die omme onsen wille doen ende laten willen, sonder arghelist. In orconde des briefs beseghelt mit onsen seghele. Gegeven int jaer ons Heren dusent driehondert zoeven ende neghentich des lesten daghes in Meye.
x
| Bestand | Oorkondenboek Groningen en Drenthe |
|---|---|
| Nr | 961 |
| Olim | Naar het origineel in het Staatsarchiv te Münster (Archiv Borkulo, no. 62), hoog 12,2, breed 27,8 cm. Ook in een afschrift uit de 15de eeuw in het Diversorium fol. 195vo in het gemeentearchief te Kampen (Reg. I, no. 323). |
| Jahr | 1397 |
| Datumcode | 3105 |