| Nummer:ogd0967 | Datum:29 juni 1397 | Überlieferung:Editie | Fundstelle:Oorkondenboek Groningen en Drenthe, nr. 967 |
De besturen van de drie steden Deventer, Kampen en Zwolle sluiten onderling een overeenkomst met het oog op het optreden van een nieuwe bisschop te Utrecht, naar aanleiding van de door haar ten behoeve van Frederik van Blankenheim bisschop aldaar aangegane verbintenis om aan Reynold van Coevorden de hem beloofde som te voldoen.
Wij, burghermestere, scepen ende raede der drier hoeftstede van Zalland, Deventer, Campen ende Zwolle, doen cond alien luden ende betughen claerlike mit desen apenen brieve,
want wij omme bede ende begheerte onses lieven heren, heren Frederix van Blanckenhem , bisscop tUtrecht, voir hem ende voir sin gestichte verwisset ende gheloeft hebben eenperlike Reynolde van Covorde ende sinen rechten erfgenamen to gheven ende wal to betalen vijftien-duysent oelde schilde op dien viertienden dach in Meye, die wesen sal in dien jaer ons Heren duysent vierhondert ende twee nu naestcomende na ynhoelt dies briefs, beseghelt mit onser drier stede seghele, den wij dien voirs. Reynolde dairop ghegheven hebben, soe hebbe wij malc den anderen gheloeft ende loven vastelijc mit desen selven brieve, wert zake dat onse lieve here, die bisscop voirs., aflivich off in een ander ghesticht transferiert woerde, dat God verbeden moet, eer der tijt dat wij van den voirs. ghelde al geqwijt weren, alsdat wij noch onsen neghien dien bisscop, die dan na em queme, bynnen onsen voirs. steden enich niet ontfanghen en zullen, noch dairin laeten comen in eniger wijs, hij en hadde ons yrst gequijt ende voeldaen van den voirs. vijftienduysent oelden schilden off van den verbreke, dat wij dairan hadden, off dieselve nacomeling, bisscop tUtrecht, en hadde ons sine brieve ghegeven in alle der formen, als ons onse lieve here, her Frederic voirs., van denselven ghelde nu ghegeven heeft, dair hij ons ynne gheloeft heft dairaf toe ontheffen quijt ende al schadeloes te holden ende te maken, alse die dan na beloepe der tijt ende ghelegenheyt der betalinghe boren te wesen, ende oec van sinen amptluden ende castelleynen lofnisse, eyde ende vestinghe mit brieven als op die sloete ende ampten doen geschien, ghelijc dat sin amptlude ende castelleyn nu hebben ghedaen, sodat wij van der lofnisse van den vijftiendusent oelden schilden al quijt werden ende sonder schaden bliven. Meer wert zake dat ons voirs. steden bynnen desen vijf jaeren voirs. niet voeldaen en woerde noch ghequijt en woerden van den vijftienduysent olden schilden voirs. ende wij dat ghelt betalen mosten, ende onse lieve here, die bisscop voirs., dan tendes dien vijf jaeren aflivich woerde of in een ander ghesticht transferiert woirde, eer wij ghequitet weren, zo en solden wij noch onser negheen anders neghienen bisscop noch nemant van sinreweghen, die na em quame, annemen noch in onser stede enich comen en zullen laeten hem in eniger wijs behelpen dairmede, hij en hadde ons yrst ghequitet ende claerlijc voeldaen van den vijftienduysent olden schilden of van den verbreke, dat wij dairan hadden. Voertmer love wij malc den anderen vastelic als voirs. is, werd dat Reynolt van Covorden em berede die vertichnisse te doen van Covorde ende van Drenthe ende dat ghelt boren wolde in allen manieren als dat ghededinght is ende onser enich in der betalinge van sinen vijfduysent olden schilden tot elkes deele van der summe voirs. versumich woirden, also dat de andere bi dien verbreke van sinre betalinghe schade lede, dat oft God wil, niet geschien en sal, dat solde dieghiene, dair die betalinge an stete, dat sin ghelt niet reyde en were te betalen, dien anderen verrichten to bescheydenliker bewisinge sonder wedersegghen. Ende loven voirt, dat wij eenperlike malc den anderen trouwelike helpen ende voirderen zullen die bede ende schattinge, die ons onse lieve here voirs. to der voirs. summe gheldes to betalen gheloeft heft to werven ende trouweliken in te wynnen tot onser drier stede behoef alghelike, ende zowes dairaf coemt ende gheboert weerd, dat sal ghelike wesen ende ghaen in betalinge der summe voirs., onser neghien dair enich voirdeel an te nemen ende to hebben. Al arghelist uytghesproken. Ende deser brieve sin drie alleens sprekende van eenre zaken. In orkonde dies briefs besegelt mit onser drier stede zeghele. Gegeven int jaer ons Heren duysent driehondert seven ende negentich op sante Peter ende Pauwelsdach.
want wij omme bede ende begheerte onses lieven heren, heren Frederix van Blanckenhem , bisscop tUtrecht, voir hem ende voir sin gestichte verwisset ende gheloeft hebben eenperlike Reynolde van Covorde ende sinen rechten erfgenamen to gheven ende wal to betalen vijftien-duysent oelde schilde op dien viertienden dach in Meye, die wesen sal in dien jaer ons Heren duysent vierhondert ende twee nu naestcomende na ynhoelt dies briefs, beseghelt mit onser drier stede seghele, den wij dien voirs. Reynolde dairop ghegheven hebben, soe hebbe wij malc den anderen gheloeft ende loven vastelijc mit desen selven brieve, wert zake dat onse lieve here, die bisscop voirs., aflivich off in een ander ghesticht transferiert woerde, dat God verbeden moet, eer der tijt dat wij van den voirs. ghelde al geqwijt weren, alsdat wij noch onsen neghien dien bisscop, die dan na em queme, bynnen onsen voirs. steden enich niet ontfanghen en zullen, noch dairin laeten comen in eniger wijs, hij en hadde ons yrst gequijt ende voeldaen van den voirs. vijftienduysent oelden schilden off van den verbreke, dat wij dairan hadden, off dieselve nacomeling, bisscop tUtrecht, en hadde ons sine brieve ghegeven in alle der formen, als ons onse lieve here, her Frederic voirs., van denselven ghelde nu ghegeven heeft, dair hij ons ynne gheloeft heft dairaf toe ontheffen quijt ende al schadeloes te holden ende te maken, alse die dan na beloepe der tijt ende ghelegenheyt der betalinghe boren te wesen, ende oec van sinen amptluden ende castelleynen lofnisse, eyde ende vestinghe mit brieven als op die sloete ende ampten doen geschien, ghelijc dat sin amptlude ende castelleyn nu hebben ghedaen, sodat wij van der lofnisse van den vijftiendusent oelden schilden al quijt werden ende sonder schaden bliven. Meer wert zake dat ons voirs. steden bynnen desen vijf jaeren voirs. niet voeldaen en woerde noch ghequijt en woerden van den vijftienduysent olden schilden voirs. ende wij dat ghelt betalen mosten, ende onse lieve here, die bisscop voirs., dan tendes dien vijf jaeren aflivich woerde of in een ander ghesticht transferiert woirde, eer wij ghequitet weren, zo en solden wij noch onser negheen anders neghienen bisscop noch nemant van sinreweghen, die na em quame, annemen noch in onser stede enich comen en zullen laeten hem in eniger wijs behelpen dairmede, hij en hadde ons yrst ghequitet ende claerlijc voeldaen van den vijftienduysent olden schilden of van den verbreke, dat wij dairan hadden. Voertmer love wij malc den anderen vastelic als voirs. is, werd dat Reynolt van Covorden em berede die vertichnisse te doen van Covorde ende van Drenthe ende dat ghelt boren wolde in allen manieren als dat ghededinght is ende onser enich in der betalinge van sinen vijfduysent olden schilden tot elkes deele van der summe voirs. versumich woirden, also dat de andere bi dien verbreke van sinre betalinghe schade lede, dat oft God wil, niet geschien en sal, dat solde dieghiene, dair die betalinge an stete, dat sin ghelt niet reyde en were te betalen, dien anderen verrichten to bescheydenliker bewisinge sonder wedersegghen. Ende loven voirt, dat wij eenperlike malc den anderen trouwelike helpen ende voirderen zullen die bede ende schattinge, die ons onse lieve here voirs. to der voirs. summe gheldes to betalen gheloeft heft to werven ende trouweliken in te wynnen tot onser drier stede behoef alghelike, ende zowes dairaf coemt ende gheboert weerd, dat sal ghelike wesen ende ghaen in betalinge der summe voirs., onser neghien dair enich voirdeel an te nemen ende to hebben. Al arghelist uytghesproken. Ende deser brieve sin drie alleens sprekende van eenre zaken. In orkonde dies briefs besegelt mit onser drier stede zeghele. Gegeven int jaer ons Heren duysent driehondert seven ende negentich op sante Peter ende Pauwelsdach.
x
| Bestand | Oorkondenboek Groningen en Drenthe |
|---|---|
| Nr | 967 |
| Olim | Naar een origineel (A) in het gemeentearchief te Zwolle, hoog 20, breed 41,5 cm. Vergeleken met een zeer geschonden origineel (B) in het gemeentearchief te Deventer (Inv. no. 422), hoog . . . breed 36,5 cm. Gedrukt bij Dumbar, Kerkel. en Wereldl. Deventer, I, blz. 639 en van Idsinga, Staatsrecht, II, blz. 20. |
| Jahr | 1397 |
| Datumcode | PetPau |