| Nummer:ogd0982 | Datum:17 maart 1398 | Überlieferung:Editie | Fundstelle:Oorkondenboek Groningen en Drenthe, nr. 982 |
Burgemeesters en raad van Groningen verklaren, dat Arend Scuerbaers aan Rodetyde heeft verkocht en overgedragen land, gelegen in Lieuwerderwolde.
Wy, borghermestere ende raet van Groninghen, bekennen ende betughen met dezen openen breve,
dat vor ons quam Arend Scuerbaers ende becande, dat hie hevet vercoft Rodetyden dre graze landes met
horen tobehoren vor ene summe gheldes, de Arende vors. vol ende al betaelt is. Ende deze dre graze landes met horen tobehoren droech Arend vors.
up Rodetiden vors. ende zinen erfghenamen vrij ende quiit met allen rechte ende eghendome eweliken to bruken ende to besitten. Dit vors. land is
gheleghen in Lywerderwolt an der zuedzide van den Woltgrave by Egberd Wilghen erve, dat an de westerzide leghet. Dat orkunde wy met onser stad
seghele. Ghegheven int jaer ons Heren dusent drehondert achte ende neghentich up sente Ghertrudedach, do Frederich van Aerlo, Zweder van Winde,
Reynolt Hughinc ende Alef Schelleghe borghermestere waren onser stad .
dat vor ons quam Arend Scuerbaers ende becande, dat hie hevet vercoft Rodetyden dre graze landes met
horen tobehoren vor ene summe gheldes, de Arende vors. vol ende al betaelt is. Ende deze dre graze landes met horen tobehoren droech Arend vors.
up Rodetiden vors. ende zinen erfghenamen vrij ende quiit met allen rechte ende eghendome eweliken to bruken ende to besitten. Dit vors. land is
gheleghen in Lywerderwolt an der zuedzide van den Woltgrave by Egberd Wilghen erve, dat an de westerzide leghet. Dat orkunde wy met onser stad
seghele. Ghegheven int jaer ons Heren dusent drehondert achte ende neghentich up sente Ghertrudedach, do Frederich van Aerlo, Zweder van Winde,
Reynolt Hughinc ende Alef Schelleghe borghermestere waren onser stad .
