| Nummer:ogd1014 | Datum:9 okt. 1398 | Überlieferung:Editie | Fundstelle:Oorkondenboek Groningen en Drenthe, nr. 1014 |
Hertog Albrecht van Beieren verleent aan Widzel Ockenzoon en enige andere hoofdelingen voor henzelf en hun onderhorigen vrijdom van waag- en wisselgelden te Hoorn, tegen eene dergelijke begunstiging hunnerzijds ten aanzien van zijn onderdanen.
Aelbrecht etc. doen cond allen luden, want Widzel heren Ockenzoen, Volmaer Allenzoen, Ayleko Ferhildema, Reyner Eysinga , Omeko Snelgherszoen,
Haye Wibben, Tammo Gockinga ende Menno Howerda ons upghedraghen hebben den rechten eyghendom van sulken herlicheden, goeden, landen ende erven
als sy hebben ende noch vercrighen ende becraftigen sullen tusschen der Lauwerze ende der Jade, die ons niet toe en horen, soe hebben wy
hunluden ende horen ondersaten ende luden, in horen landen ende herlicheden voirscreven gheseten, alsulke gracie ghedaen voer ons ende onsen
nacomelingen, also dat sy tot ewighen daghen vry wesen sullen mit horen goeden van enighen waechghelden of wisselghelde te gheven binnen onser
stede van Hoern, in sulken manieren dat desgheliken onse lude ende ondersate van Vrieslant ende oic van Oestvrieslant ende oic van enighen
anderen van onsen landen mit horen goeden vry wesen sullen van waechgelde ende wisselghelde binnen onser mannen herlicheden ende landen
voirscreven tot ewighen daghen. In orcunde etc. Gegeven in den Haghe upten negenden dach in Octobri anno XCVIII.
Haye Wibben, Tammo Gockinga ende Menno Howerda ons upghedraghen hebben den rechten eyghendom van sulken herlicheden, goeden, landen ende erven
als sy hebben ende noch vercrighen ende becraftigen sullen tusschen der Lauwerze ende der Jade, die ons niet toe en horen, soe hebben wy
hunluden ende horen ondersaten ende luden, in horen landen ende herlicheden voirscreven gheseten, alsulke gracie ghedaen voer ons ende onsen
nacomelingen, also dat sy tot ewighen daghen vry wesen sullen mit horen goeden van enighen waechghelden of wisselghelde te gheven binnen onser
stede van Hoern, in sulken manieren dat desgheliken onse lude ende ondersate van Vrieslant ende oic van Oestvrieslant ende oic van enighen
anderen van onsen landen mit horen goeden vry wesen sullen van waechgelde ende wisselghelde binnen onser mannen herlicheden ende landen
voirscreven tot ewighen daghen. In orcunde etc. Gegeven in den Haghe upten negenden dach in Octobri anno XCVIII.
