| Nummer:ogd1022 | Datum:19 febr. 1399 | Überlieferung:Editie | Fundstelle:Oorkondenboek Groningen en Drenthe, nr. 1022 |
Frederik, bisschop van Utrecht, en de overheden van de stad Groningen sluiten een verdrag.
Frederic, bij der genaden Goeds bisscop tUtrecht, an die ene zijt ende wij , burgermeistere, raet ende ghemene stad van Groninghen, an die ander zijt maken kont ende kenlic alien luden ,
dat wij om te meere gunst, vrentscap ende eendrachticheit, die wij hiertoe mit mallicanderen gehadt hebben, ende om te scuwen onruste ende wederstaen last ende verdriet, die ons of den
onsen an enigher zijde ancomen mochten, mit gueden voersinne ende mit beraden moede overdragen sijn zulker punten als hijrnae bescreven staen. Int ierste want wij , burgermeistere, raed ende ghemene stad van Groninghen, ende die gerichten van Groninghen staen ende menich hondert jare gestaen hebben van des keisers wegen ende ghifte yn hand der kirken van Utrecht, soe hebben wij gelaeft ende laven vasteliken mit desen brieve voir ons ende voir onse nacomelinghen onsen lieven genedighen here, heren Frederic van Blanckenhem, bisscop tUtrecht, ende synen nacomelinghen, bisscopen tUtrecht, ende der kirken ende gestichte van Utrecht, dat wij neghenen here en zullen hulden noch ons onderdanich gheven, dat onsen lieven here van Utrecht ende der kirken of den ghestichte van Utrecht te hinder of te schaden comen mach, ende dat wij bij onsen olden rechte ende heerscape willen bliven alsolanghe als wij dat keren moghen ende gedoen konnen mit onser macht, ten weer dat ons ende onser stad zulken last, parse ende ghewalt overquaem , dat wijs nyet gekeren en konden. Ende wij, Frederic, bisscop tUtrecht voirscreven, bekennen voir ons ende voir onse nacomelingen, dat wij om truwe gunst ende vordernisse wille, die ons die stad van Groningen bewijst ende gedaen heeft ende, of God wil, meer doen zal, gelaeft hebben ende laven vastelic mit desen brieve voir ons ende onse nacomelingen, den burgermeisteren, rade ende onser gemeenre stad van Groninghen voirscreven, weert zake dat yement dieselve stad van Groninghen overvallen wolde te dringhen an ander heerscap te ghaen mit huldinge of onderdanicheit an te nemen, alsedat wij derselver onser stad van Groninghen dan bijstandich ende hulpelic zullen sijn ende helpen hem dat truwelic wederstaen ende sij in hoeren vriheden ende rechten, die sij heertoe gehadt hebben, bescirmen ende bescudden nae onser macht sonder enigherhande yntreckinge ende argelist. In orconde des soe hebben wij , Frederic, bisscop tUtrecht voirscreven, onsen segel, ende wij, burgermeystere ende raet van Groningen, onser stad segel an desen brief doen hanghen tot enen getughe ende vestenisse alre zaken voirscreven. Ende um die meerre vestenisse alre vorwerden voirscreven hebben wij, Frederic, bisscop tUtrecht , ghebeden den eerberen besceidenen luden, deken ende capitel der kirken ten Doem tUtrecht, burgermeystere, scepen ende raden onser stad van Utrecht ende onser stede Deventer, Campen, Zwolle ende Amersfoerd, diewelken wij, burgermeystere ende rade der stad van Groninghen, mede gebeden hebben hore kirken, stad ende stede segele hier oec an te hanghen. Ende wij , deken ende capitel der kirken ten Doem tUtrecht, burgermeystere, scepen ende rade der stad van Utrecht ende der stede van Deventer, Campen, Zwolle ende Amersforde, bekennen, dat wij, om beden wille des eerwerdigen onss liefs genedighen heren, heren Frederics, bisscop tUtrecht, ende der burgermeystere ende rade der stad van Groninghen voirscreven desen brief mede besegelt hebben mit onser kirken, stad ende stede segele tot eenre vaster orconde deser voirscreven punten. Gegheven int jare ons Heren dusent driehondert neghen ende tneghentich des Woensdages na Invocavit.
dat wij om te meere gunst, vrentscap ende eendrachticheit, die wij hiertoe mit mallicanderen gehadt hebben, ende om te scuwen onruste ende wederstaen last ende verdriet, die ons of den
onsen an enigher zijde ancomen mochten, mit gueden voersinne ende mit beraden moede overdragen sijn zulker punten als hijrnae bescreven staen. Int ierste want wij , burgermeistere, raed ende ghemene stad van Groninghen, ende die gerichten van Groninghen staen ende menich hondert jare gestaen hebben van des keisers wegen ende ghifte yn hand der kirken van Utrecht, soe hebben wij gelaeft ende laven vasteliken mit desen brieve voir ons ende voir onse nacomelinghen onsen lieven genedighen here, heren Frederic van Blanckenhem, bisscop tUtrecht, ende synen nacomelinghen, bisscopen tUtrecht, ende der kirken ende gestichte van Utrecht, dat wij neghenen here en zullen hulden noch ons onderdanich gheven, dat onsen lieven here van Utrecht ende der kirken of den ghestichte van Utrecht te hinder of te schaden comen mach, ende dat wij bij onsen olden rechte ende heerscape willen bliven alsolanghe als wij dat keren moghen ende gedoen konnen mit onser macht, ten weer dat ons ende onser stad zulken last, parse ende ghewalt overquaem , dat wijs nyet gekeren en konden. Ende wij, Frederic, bisscop tUtrecht voirscreven, bekennen voir ons ende voir onse nacomelingen, dat wij om truwe gunst ende vordernisse wille, die ons die stad van Groningen bewijst ende gedaen heeft ende, of God wil, meer doen zal, gelaeft hebben ende laven vastelic mit desen brieve voir ons ende onse nacomelingen, den burgermeisteren, rade ende onser gemeenre stad van Groninghen voirscreven, weert zake dat yement dieselve stad van Groninghen overvallen wolde te dringhen an ander heerscap te ghaen mit huldinge of onderdanicheit an te nemen, alsedat wij derselver onser stad van Groninghen dan bijstandich ende hulpelic zullen sijn ende helpen hem dat truwelic wederstaen ende sij in hoeren vriheden ende rechten, die sij heertoe gehadt hebben, bescirmen ende bescudden nae onser macht sonder enigherhande yntreckinge ende argelist. In orconde des soe hebben wij , Frederic, bisscop tUtrecht voirscreven, onsen segel, ende wij, burgermeystere ende raet van Groningen, onser stad segel an desen brief doen hanghen tot enen getughe ende vestenisse alre zaken voirscreven. Ende um die meerre vestenisse alre vorwerden voirscreven hebben wij, Frederic, bisscop tUtrecht , ghebeden den eerberen besceidenen luden, deken ende capitel der kirken ten Doem tUtrecht, burgermeystere, scepen ende raden onser stad van Utrecht ende onser stede Deventer, Campen, Zwolle ende Amersfoerd, diewelken wij, burgermeystere ende rade der stad van Groninghen, mede gebeden hebben hore kirken, stad ende stede segele hier oec an te hanghen. Ende wij , deken ende capitel der kirken ten Doem tUtrecht, burgermeystere, scepen ende rade der stad van Utrecht ende der stede van Deventer, Campen, Zwolle ende Amersforde, bekennen, dat wij, om beden wille des eerwerdigen onss liefs genedighen heren, heren Frederics, bisscop tUtrecht, ende der burgermeystere ende rade der stad van Groninghen voirscreven desen brief mede besegelt hebben mit onser kirken, stad ende stede segele tot eenre vaster orconde deser voirscreven punten. Gegheven int jare ons Heren dusent driehondert neghen ende tneghentich des Woensdages na Invocavit.
x
| Bestand | Oorkondenboek Groningen en Drenthe |
|---|---|
| Nr | 1022 |
| Olim | Naar een origineel in het rijksarchief te Groningen, A (Reg. 1399, no. 2), hoog 22, breed 35 cm, vergeleken met drie originelen: een in het rijksarchief te Groningen, B (Reg. 1399, no. 3), hoog 17, breed 30 cm, twee in het rijksarchief te Utrecht, waarvan een, C, afkomstig uit de landskist te Utrecht, hoog 16,5, breed 36 cm. en één, D, uit de landskist te Deventer, hoog 17,5, breed 30,5 cm. Ook gedrukt bij Driessen, blz. 507; van Idsinga, Staatsrecht, II, blz. 28; Matthaeus, Notae ad Anonym, p. 48; van Mieris, III, blz. 688; Dumbar, Kerk. en Wereldl. Deventer, blz. 646. |
| Jahr | 1399 |
| Datumcode | EpInvoca |
x
Editie naar rvr0103001 en rvr0103002. Andere afschriften: gra180l, hsq138c, oar044, oar044a, rkd023bh, rvr0940001a en vkt3841n.
x
| Kommentar | Aan A en C hangen de zegels: 1. van bisschop Frederik van Blankenheim. 2. van de stad Groningen met contrazegel. 3. van het Domkapittel te Utrecht met contrazegel. 4. van de stad Utrecht met contrazegel. 5. van de stad Deventer met contrazegel. 6. van de stad Kampen met contrazegel. 7. van de stad Zwolle. 8. van de stad Amersfoort. Aan B en D hangen alleen de zegels van bisschop Frederik van Blankenheim en de stad Groningen met contrazegel. |
|---|