| Nummer:ogd1063 | Datum:11 maart 1400 | Überlieferung:Editie | Fundstelle:Oorkondenboek Groningen en Drenthe, nr. 1063 |
Frederik van Blankenheim, bisschop van Utrecht, verklaart met enige dienstmannen en de drie steden Deventer, Kampen en Zwolle een verbond te hebben aangegaan tot handhaving van orde en rust.
Wy, Frederick van Blanckenhem, bekennen, want vele overlastes onder den luden onss landes tot nu toe regnert heeft ende die onrechte mijt
onrechte verhoept werden, alsoe dat nowe yemant ende sonderlinge die armen oer recht vervolgen mogen ende hoer onrechte wederstaen in gheenre
wijs anders dan vermids der hulpe Godes ende gelerder berver manne, hieromme ist, dat wy, dyenstmanne, als her Egbert toe Almelo, her Boldewijn
Hake, ridders, Steven van den Rutenberghe, Henric van Cuunre, Gisebert van Buchorst, Aleff van Groningen, Johan van Runen, Laurens Geusing,
Johan Rading ende Arent brueders, heren Frederic Radings kijndere, en onse knape naekomeling ende erfgenamen mijtten borgeren der stede
Deventer, Swolle ende Campen ende horen naekomelingen, omme te bescermen ons liiff ende guet hebben ons tesamen verwilkoert ende verbunden
erflick, getruwelic te sterken die rechte ende gesatte onser voirvaderen, als die geholden sijn, die geholden sullen werden ende mijt enen moede
te krencken nae onsen vermoegen die wege der onrechtveerdicheit derghenre, die ons boven recht wederstaen. Oick hebben wy toesamen geloift, dat
vier dyenstman van onser wegen ende van elker stadt vier van den oldesten dairtoe gesat ende onse heer provest van Deventer sullen weerderen nae
verloep ende vermoegen ens eerliken costes ende onraets, die wy doen tegen die ons hierin tegensijn, ende tot oeren uutseggen sal mens bliven
sonder enich wederseggen. Hierentendes hebben wy tesamen geloeft, weert sake yemant van den dyenstmanne mit een van desen drien steden off die
diensmanne onder sick off die stede onder sick twisten moetwillens omme mallickanderen te overhalen, dat sall geheel nedergeleecht werden ende
versoent overmids dese voirs. XVII persone sonder enijch wederspreken toe beyden siden. Ende weert sake dat ymant van den dyenstmanne die voirs.
samloefte ende overdrachte inbreke, die sall weten hy vervallen is in enen koer van dusent ponden gangachter munten ende sall incomen toe
Deventer op versekeringe ende vrihede dair te liggen, went ons volgedaen is van den voirs. gelde. Mer weert sake dat die stat van Deventer dese
voirs. samloefte inbreke, soe weren sy vervallen in eenre pene van twedusent ponden ende sullen senden uut orer stat sess raetmanne ende sess
scepenen totter stat van Zwolle. Wert dat die van Zwolle ende Campen dese selve overdrachte krenckede, soe wete een yegelic van desen twen
steden, dat sy vervallen sijn in eenre pene van twedusent ponden, ende sullen oversenden toe Deventer sess raetmanne ende sess scepenen uut
oerrer stat dair te liggen, hent dat onss die voirs. summe betaelt is. Oick ist mede gescloten, weert sake dat yemant van onss anders dede in
der voirs. penen dan als verdeding is, soe mogen wy dat verhalen an lyve ende guede des weldeners die pene, dair hii in vervallen is ende dair
en sal nijt in hinderen enich wederspreken off verhalen. Voert so en sullen wy nement oerlof geven hem te schaden an hoer liiff off an hoer gued
bijnnen onsen lande, meer wy sullen sie verdedingen ende bescermen nae onser macht tegen al diegenen, die des toe rechte off toe dage comen
willen. Voert soe sullen wy hem van allen saken, die sy voir ons off voir onsen amptluden toe doen hebben, onvertagen lantrecht doen. Toe enen
tuge ende vestenisse der punte ende samlofte voirs. soe hebben wy, diensmanne, ende wy, burgers der stede voirs., dit gewilkoert mijt onsen
zegelen te starken. Ic Steven voirs. onder mijns vaders zegel, en wy, twe brueders, onder zegel des heeren van Almelo, want wy ghen zegel en
hebben. Gegeven in den jaer onss Heren dusent CCCC opten Sonnendach, als men singet Oculi.
onrechte verhoept werden, alsoe dat nowe yemant ende sonderlinge die armen oer recht vervolgen mogen ende hoer onrechte wederstaen in gheenre
wijs anders dan vermids der hulpe Godes ende gelerder berver manne, hieromme ist, dat wy, dyenstmanne, als her Egbert toe Almelo, her Boldewijn
Hake, ridders, Steven van den Rutenberghe, Henric van Cuunre, Gisebert van Buchorst, Aleff van Groningen, Johan van Runen, Laurens Geusing,
Johan Rading ende Arent brueders, heren Frederic Radings kijndere, en onse knape naekomeling ende erfgenamen mijtten borgeren der stede
Deventer, Swolle ende Campen ende horen naekomelingen, omme te bescermen ons liiff ende guet hebben ons tesamen verwilkoert ende verbunden
erflick, getruwelic te sterken die rechte ende gesatte onser voirvaderen, als die geholden sijn, die geholden sullen werden ende mijt enen moede
te krencken nae onsen vermoegen die wege der onrechtveerdicheit derghenre, die ons boven recht wederstaen. Oick hebben wy toesamen geloift, dat
vier dyenstman van onser wegen ende van elker stadt vier van den oldesten dairtoe gesat ende onse heer provest van Deventer sullen weerderen nae
verloep ende vermoegen ens eerliken costes ende onraets, die wy doen tegen die ons hierin tegensijn, ende tot oeren uutseggen sal mens bliven
sonder enich wederseggen. Hierentendes hebben wy tesamen geloeft, weert sake yemant van den dyenstmanne mit een van desen drien steden off die
diensmanne onder sick off die stede onder sick twisten moetwillens omme mallickanderen te overhalen, dat sall geheel nedergeleecht werden ende
versoent overmids dese voirs. XVII persone sonder enijch wederspreken toe beyden siden. Ende weert sake dat ymant van den dyenstmanne die voirs.
samloefte ende overdrachte inbreke, die sall weten hy vervallen is in enen koer van dusent ponden gangachter munten ende sall incomen toe
Deventer op versekeringe ende vrihede dair te liggen, went ons volgedaen is van den voirs. gelde. Mer weert sake dat die stat van Deventer dese
voirs. samloefte inbreke, soe weren sy vervallen in eenre pene van twedusent ponden ende sullen senden uut orer stat sess raetmanne ende sess
scepenen totter stat van Zwolle. Wert dat die van Zwolle ende Campen dese selve overdrachte krenckede, soe wete een yegelic van desen twen
steden, dat sy vervallen sijn in eenre pene van twedusent ponden, ende sullen oversenden toe Deventer sess raetmanne ende sess scepenen uut
oerrer stat dair te liggen, hent dat onss die voirs. summe betaelt is. Oick ist mede gescloten, weert sake dat yemant van onss anders dede in
der voirs. penen dan als verdeding is, soe mogen wy dat verhalen an lyve ende guede des weldeners die pene, dair hii in vervallen is ende dair
en sal nijt in hinderen enich wederspreken off verhalen. Voert so en sullen wy nement oerlof geven hem te schaden an hoer liiff off an hoer gued
bijnnen onsen lande, meer wy sullen sie verdedingen ende bescermen nae onser macht tegen al diegenen, die des toe rechte off toe dage comen
willen. Voert soe sullen wy hem van allen saken, die sy voir ons off voir onsen amptluden toe doen hebben, onvertagen lantrecht doen. Toe enen
tuge ende vestenisse der punte ende samlofte voirs. soe hebben wy, diensmanne, ende wy, burgers der stede voirs., dit gewilkoert mijt onsen
zegelen te starken. Ic Steven voirs. onder mijns vaders zegel, en wy, twe brueders, onder zegel des heeren van Almelo, want wy ghen zegel en
hebben. Gegeven in den jaer onss Heren dusent CCCC opten Sonnendach, als men singet Oculi.
