| Nummer:ogd1074 | Datum:17 juli 1400 | Überlieferung:Editie | Fundstelle:Oorkondenboek Groningen en Drenthe, nr. 1074 |
Burgemeesters en raad van Groningen schrijven aan de raad van Lübeck, dat zij op de Hanzedag te Hamburg niet zullen verschijnen, en berichten, dat de Oostfriese hoofdelingen de te Emden gesloten zoen niet houden.
An eersamaghen wyzen ende bescheyden lueden, borghermesteren ende raed der stad van Lubic, onsen lieven ende wal gheminden vrenden, detur.
Sunderlinghe lieve ende wal gheminde vrende. Wy hebben juen breeff guedliken entfangen up sente Margaretendach, sprekende onder anderen woerden,
wo daer een dach gheramet is to holden to Hamborch des Midweken vor sente Jacobsdaghe naestkomende, daer de stede een deel vergaderd sullen
wezen, daerto vorbodet ziin de hovetlinghe net Vreesland ende bysunderlinghe gheeschet zint Kene ende Elveard , Folcmar Allen broderszone, to
verantworden, wes de stede up hem to segghen hebbet, ende ghy van uns begheerd, eft ons beqweme ware, dat wy van den onsen up den vorscrevenen
dach wilden senden. Waervan wy ju vrentliken weder scriven, dat ons de tiit to kord is up den dach to komen ende dat wy van anghestes weghen
onser vyande noch to water noch to lande daer nyet komen moghen. Voerd, lieve vrende, als van der zoene tuschen den tween partyen, als Kenen
ende Folcmar an de ene ziit ende hore vrende ende Eden Wymmekens ende Hesseken tot Emeden ende hore vrende an de ander zide, daervan so donket
ons, dat de zone also volkomeleken nyet gheholden word als tot Emeden ghedeghedint waert, als ju wal kundich is. Daervan moghy met den steden,
de by ju komen sullen, van spreken ende daerinne raden, dat ghy menen, dat vor ju ende vor den menen koepman is. God zie met ju. Ghescreven
onder onser stad secreet, des anders daghes na sente Margareten in den jaer van CCCC. Ende ghebeed tot ons, wes wy alles guedes vermoghen.
Borghermestere ende raet in Groninghen.
Sunderlinghe lieve ende wal gheminde vrende. Wy hebben juen breeff guedliken entfangen up sente Margaretendach, sprekende onder anderen woerden,
wo daer een dach gheramet is to holden to Hamborch des Midweken vor sente Jacobsdaghe naestkomende, daer de stede een deel vergaderd sullen
wezen, daerto vorbodet ziin de hovetlinghe net Vreesland ende bysunderlinghe gheeschet zint Kene ende Elveard , Folcmar Allen broderszone, to
verantworden, wes de stede up hem to segghen hebbet, ende ghy van uns begheerd, eft ons beqweme ware, dat wy van den onsen up den vorscrevenen
dach wilden senden. Waervan wy ju vrentliken weder scriven, dat ons de tiit to kord is up den dach to komen ende dat wy van anghestes weghen
onser vyande noch to water noch to lande daer nyet komen moghen. Voerd, lieve vrende, als van der zoene tuschen den tween partyen, als Kenen
ende Folcmar an de ene ziit ende hore vrende ende Eden Wymmekens ende Hesseken tot Emeden ende hore vrende an de ander zide, daervan so donket
ons, dat de zone also volkomeleken nyet gheholden word als tot Emeden ghedeghedint waert, als ju wal kundich is. Daervan moghy met den steden,
de by ju komen sullen, van spreken ende daerinne raden, dat ghy menen, dat vor ju ende vor den menen koepman is. God zie met ju. Ghescreven
onder onser stad secreet, des anders daghes na sente Margareten in den jaer van CCCC. Ende ghebeed tot ons, wes wy alles guedes vermoghen.
Borghermestere ende raet in Groninghen.
