| Nummer:ogd1075 | Datum:25 juli 1400 | Überlieferung:Editie | Fundstelle:Oorkondenboek Groningen en Drenthe, nr. 1075 |
Burgemeesters en raad van Groningen verklaren, dat Alverd Heynens een stuk land heeft verkocht aan Zyward Stellinghes en het overdroeg.
Wy, borghermestere ende raet van Groninghen, bekennen ende betughen met dessen openen breve ,
dat vor ons ghekomen is Alverd Heynens ende becande, dat se hevet vercoft Zywarde Stellinghes enen kamp van dreen grazen landes met alle zinen
tobehoren vor ene summe gheldes, de Alverd vors. becande, dat hor vol ende al betaelt is. Ende dezen vors. kamp droech Alverd vors. up Ziwarde
vors. ende zinen erfghenamen vry ende qwiit met allen rechte ende eghendome eweliken to bruken ende to besitten. Desse vors. kamp is gheleghen
in der norderzide van Hoytinghehues by Watten kinder erve, dat an de zuedzide leghet, ende Yde Willeghens erve, dat an de nordzide leghet. Dat
orkunde wy met onser stad seghel. Ghegheven in den jaer ons Heren dusend ende vyerhonderd up sente Jacobsdach, do Wicbolt ter Ae, Jarich
Coppiinszoon, Reynolt Hughinc ende Jacob Schelghe borghermestere waren onser stad .
dat vor ons ghekomen is Alverd Heynens ende becande, dat se hevet vercoft Zywarde Stellinghes enen kamp van dreen grazen landes met alle zinen
tobehoren vor ene summe gheldes, de Alverd vors. becande, dat hor vol ende al betaelt is. Ende dezen vors. kamp droech Alverd vors. up Ziwarde
vors. ende zinen erfghenamen vry ende qwiit met allen rechte ende eghendome eweliken to bruken ende to besitten. Desse vors. kamp is gheleghen
in der norderzide van Hoytinghehues by Watten kinder erve, dat an de zuedzide leghet, ende Yde Willeghens erve, dat an de nordzide leghet. Dat
orkunde wy met onser stad seghel. Ghegheven in den jaer ons Heren dusend ende vyerhonderd up sente Jacobsdach, do Wicbolt ter Ae, Jarich
Coppiinszoon, Reynolt Hughinc ende Jacob Schelghe borghermestere waren onser stad .
