| Nummer:ogd1080 | Datum:8 sept. 1400 | Überlieferung:Editie | Fundstelle:Oorkondenboek Groningen en Drenthe, nr. 1080 |
Otto, bisschop van Münster, verklaart een verdrag te hebben gesloten met de gebroeders Hayge en Bole Addingh over het huis te Wedde en het land Westerwolde.
Wij, Otto, van Godes genaden bisscop to Munster, bekennet in dessn openen breve vor alien luden, dat wij uns vor
uns, unse nakomelinge und gestichte na rade und myt vulbord unses capittels to Munster und unser vrende
vrentlike voreijniget und vordregen hebbt myt Haygen Addingh und Bolen Addingh, broderen, Eggen sonen Addinghes, in al dusdanen vorworden, dat wij und unse nakomelinghe, bisscope to Munster, desse vorg. Haygen und Bolen Addingh, brodere, und ere rechten erven in dem gerichte uppen Westerwolde und in aller alsodaner rechticheit alse wij und unse gestichte hebbt uppen Westerwolde, uthgeseget unse honregulde, de wij und unse gestichte dar hebbt, und vortmer in allen eren olden rechte alse ere olderen und se dat aldus lange gehat hebbt solen und willet restlike und vredelike besitten laten und en solen ofte en willet se daran nicht enghen ofte hynderen in nynerleyge wijs, noch nymand van unser wegene. Vortmer sole wij und wilt se truwelike vorbidden und vordegedingen, dat wij erer mechtich synd rechtes bij ons to plegene tegen alle degene, dat en des noet is und se des behovet, und des van uns gesynnet gelijk wij andere unse land und lude to vorbiddene und to vordegedingene pleget. Und were dat se darenboven jemand overvallen unde vorunrechten wolde, so sole wij en beholpelich wesen, gelijk wij anderen unsen lande und luden pleget to done. Und were dat wij ofte de unse en volghe doen solden ofte deden, so solen se uns vor unse leverancien geven und doen. dat redelik is na seggene unser vrende uppe beiden sijden. Und se und dat land und de lude uppen Westerwolde solen uns und unsen nakomelingen und gestichte truwe und holt wesen und solen uns und unsen amptluden in Emeslande volgen alse uns und en van unser wegene des noet und to done is und se van unser wegene darto eysschet werdet, to voet und to perde sunder touwe, gelijk unse meyne land van Emeslande volget. Und were dat wy ofte unse vrende van unser wegene en volge deden, und schaden darover nemen an vangnen ofte an perden, darto solden se unse hovetheren wesen. Were ock dat se uns ofte unsen amptluden volge deden und schaden darover nemen an vangnen ofte an perden, so solde wij desgelijkes ere hovesheren darto wesen. Und were dat se und unse vrende myt eynander name nemen, de solde wij to gelijke deylen. Were ock dat se myt eynander vangnen venghen, de solde men schatten uppen hus to Wedde uppen Westerwolde na rade unser vrende und de anders nergen voren. Und wes darvan queme to schattinge, dat solde wij ock togelijke deylen, ed en were, dat men myt der vangnen welck eyne sone krijgen und beherden mochte na unsem rade, so solde wij unse genade darto keren. Und hijrumb hebbt desse vorg. Hayge und Bole und ere vormunder van erer wegene uns gelend und gedaen vijfhundert marck pennynghe alse in unser stad to Munster genege und geve synd. Und wanner wij off unse nakomelingen und gestichte en ofte ere erven desse vorg. vijfhundert marck wedergeven und betalen willet, dat sole wij en eyn halffjaer tovoren kundich doen. Und wanner wij se en dan betalet hebbt, so sole wij und unse nakomelinghe und gestichte und se und ere erven dan weder sitten und wesen malk in alle sijnen rechte uppen Westerwolde alse wij weren vor gifte desses breves. Und alsolanghe alse en desse betalinge nicht gescheyn en is alse vorg. is, so sole wij und unse nakomelinge en und eren erven alle desse vorg. punte stede vast und unverbroken holden sunder jenigerhande argelist. Und hebbt des to tuge unse ingesegel vor uns und vor unse nakomelinge und gestichte myt ingesegele unses capittels to Munster an dessen breff doen hancgen, Und wij, domdeken und capittel der kerken to Munster, bekennet, dat alle desse vorg. stucke myt unser vulbord, wisschap und willen synd gescheyn, und des to tuge hebb wij unses capittels segel mede an dessn selven breff gehancgen. Gegeven in den jare unses Heren dusent veyrhundert des Gudensdages up unser Vrouwendagh, den men scrift Nativitas Marie.
uns, unse nakomelinge und gestichte na rade und myt vulbord unses capittels to Munster und unser vrende
vrentlike voreijniget und vordregen hebbt myt Haygen Addingh und Bolen Addingh, broderen, Eggen sonen Addinghes, in al dusdanen vorworden, dat wij und unse nakomelinghe, bisscope to Munster, desse vorg. Haygen und Bolen Addingh, brodere, und ere rechten erven in dem gerichte uppen Westerwolde und in aller alsodaner rechticheit alse wij und unse gestichte hebbt uppen Westerwolde, uthgeseget unse honregulde, de wij und unse gestichte dar hebbt, und vortmer in allen eren olden rechte alse ere olderen und se dat aldus lange gehat hebbt solen und willet restlike und vredelike besitten laten und en solen ofte en willet se daran nicht enghen ofte hynderen in nynerleyge wijs, noch nymand van unser wegene. Vortmer sole wij und wilt se truwelike vorbidden und vordegedingen, dat wij erer mechtich synd rechtes bij ons to plegene tegen alle degene, dat en des noet is und se des behovet, und des van uns gesynnet gelijk wij andere unse land und lude to vorbiddene und to vordegedingene pleget. Und were dat se darenboven jemand overvallen unde vorunrechten wolde, so sole wij en beholpelich wesen, gelijk wij anderen unsen lande und luden pleget to done. Und were dat wij ofte de unse en volghe doen solden ofte deden, so solen se uns vor unse leverancien geven und doen. dat redelik is na seggene unser vrende uppe beiden sijden. Und se und dat land und de lude uppen Westerwolde solen uns und unsen nakomelingen und gestichte truwe und holt wesen und solen uns und unsen amptluden in Emeslande volgen alse uns und en van unser wegene des noet und to done is und se van unser wegene darto eysschet werdet, to voet und to perde sunder touwe, gelijk unse meyne land van Emeslande volget. Und were dat wy ofte unse vrende van unser wegene en volge deden, und schaden darover nemen an vangnen ofte an perden, darto solden se unse hovetheren wesen. Were ock dat se uns ofte unsen amptluden volge deden und schaden darover nemen an vangnen ofte an perden, so solde wij desgelijkes ere hovesheren darto wesen. Und were dat se und unse vrende myt eynander name nemen, de solde wij to gelijke deylen. Were ock dat se myt eynander vangnen venghen, de solde men schatten uppen hus to Wedde uppen Westerwolde na rade unser vrende und de anders nergen voren. Und wes darvan queme to schattinge, dat solde wij ock togelijke deylen, ed en were, dat men myt der vangnen welck eyne sone krijgen und beherden mochte na unsem rade, so solde wij unse genade darto keren. Und hijrumb hebbt desse vorg. Hayge und Bole und ere vormunder van erer wegene uns gelend und gedaen vijfhundert marck pennynghe alse in unser stad to Munster genege und geve synd. Und wanner wij off unse nakomelingen und gestichte en ofte ere erven desse vorg. vijfhundert marck wedergeven und betalen willet, dat sole wij en eyn halffjaer tovoren kundich doen. Und wanner wij se en dan betalet hebbt, so sole wij und unse nakomelinghe und gestichte und se und ere erven dan weder sitten und wesen malk in alle sijnen rechte uppen Westerwolde alse wij weren vor gifte desses breves. Und alsolanghe alse en desse betalinge nicht gescheyn en is alse vorg. is, so sole wij und unse nakomelinge en und eren erven alle desse vorg. punte stede vast und unverbroken holden sunder jenigerhande argelist. Und hebbt des to tuge unse ingesegel vor uns und vor unse nakomelinge und gestichte myt ingesegele unses capittels to Munster an dessen breff doen hancgen, Und wij, domdeken und capittel der kerken to Munster, bekennet, dat alle desse vorg. stucke myt unser vulbord, wisschap und willen synd gescheyn, und des to tuge hebb wij unses capittels segel mede an dessn selven breff gehancgen. Gegeven in den jare unses Heren dusent veyrhundert des Gudensdages up unser Vrouwendagh, den men scrift Nativitas Marie.
x
| Bestand | Oorkondenboek Groningen en Drenthe |
|---|---|
| Nr | 1080 |
| Olim | Naar het origineel in het rijksarchief te Groningen (Reg. 1400, no. 1), hoog 31, breed 27,5 cm. Ook gedrukt bij Driessen, blz. 827. |
| Jahr | 1400 |
| Datumcode | NatMar |
x
| Kommentar | Aan het stuk hangen twee zegels, beide in zeer geschonden staat. 1. in rode was vertoont de bisschop in ornaat ten halven lijve, een kromstaf in de linkerhand, onder aan de voet twee wapenschilden, rechts met het wapen van het bisdom Münster (een schild met een dwarsbalk), links met een hertenschedel (?); randschrift verdwenen. 2. in groene was, zegel van het domkapittel. |
|---|