| Nummer:ogd1084 | Datum:18 okt. 1400 | Überlieferung:Editie | Fundstelle:Oorkondenboek Groningen en Drenthe, nr. 1084 |
Burgemeesters en raad van Groningen verklaren, dat Henric Buckinc een huis en erf in altijddurende pacht heeft genomen van Koppeke Blotens.
Wy, borghermestere ende raet van Groninghen, bekennen ende betughen met dezen openen breve, dat Henric
Buckinc, de wever, hevet ghehuert vor hem ende vor zine erfnamen een hues ende de hofstede , daer dat vors. hues uppe staet met al zinen
tobehoren achter ende vore, tot ewigher hure teghen Koppeken Blotens des jaers vor vyer scilde, tyen schillinghe vor den scilt gherekent
paymentes als in Groninghe ganc ende gave is, to betalen elkes jaers als een stadrecht is. Deze hofstede met den vors. hues ziin gheleghen in de
westerziit van den Rechte Jate by Coppeken erve vors., dat an de zuedzide leghet, ende Ave Kortinghes erfnamen erve, dat an de nordzide leghet.
Dat orkunde wy met onser stad seghel. Ghegheven in den jaer ons Heren dusent ende vyerhondert up sente Lucasdach, do Wicbolt Everdes, Jarich
Coppiins, Reynolt Hughinc ende Jacob Schelghe borghermestere waren onser stad .
Buckinc, de wever, hevet ghehuert vor hem ende vor zine erfnamen een hues ende de hofstede , daer dat vors. hues uppe staet met al zinen
tobehoren achter ende vore, tot ewigher hure teghen Koppeken Blotens des jaers vor vyer scilde, tyen schillinghe vor den scilt gherekent
paymentes als in Groninghe ganc ende gave is, to betalen elkes jaers als een stadrecht is. Deze hofstede met den vors. hues ziin gheleghen in de
westerziit van den Rechte Jate by Coppeken erve vors., dat an de zuedzide leghet, ende Ave Kortinghes erfnamen erve, dat an de nordzide leghet.
Dat orkunde wy met onser stad seghel. Ghegheven in den jaer ons Heren dusent ende vyerhondert up sente Lucasdach, do Wicbolt Everdes, Jarich
Coppiins, Reynolt Hughinc ende Jacob Schelghe borghermestere waren onser stad .
