| Nummer:ogd1103 | Datum:4 april 1402 | Überlieferung:Editie | Fundstelle:Oorkondenboek Groningen en Drenthe, nr. 1103 |
Zweder van Hekeren, ambtman van Coevorden en Drenthe, verklaart, dat Reynold van Coevorden afstand heeft gedaan van al zijn rechten op Coevorden en Drenthe, ten behoeve van de bisschop van Utrecht.
Ic, Zweder van Hekeren, geheiten van Rechteren, amptman tot Covorden ende in Drinthe, make kont allen luden, dat voir my ende voir gerichtslude
hiernae beschreven gekomen is tot Covorden int gerichte ende in enen gehegeden heymmail Reynalt van Covorden ende bekende, dat hy mit beradenen
moide ende voirsien upgedragen hadde ende droech dair up mit sinen vrien moitwillen in tegenwoirdicheit ende tot behueff des eirwerdigen in
Goide vaider ende heren, heren Frederics van Blanckenheim, bisscop tUtrecht mynen lieven genedigen heren, sijnre nacomelingen, bisscopen der
kircken ende des gestichts van Utrecht, tot erffliker besittinge ende tot ewigen dagen dat huys ende die heerscap van Covorden mit allen hoeren
toebehoren ende verteech dair clairlic up ende up alle anspraken ende toeseggen, dat he off sijn olderen an Covorden gehatt hebben ende die he
off sine nacomelinge dairan hebben moigen. Ende desgelijcs quam Reynalt van Covorden tot Hulsfoirde ende droech dair up voir den etten ende voir
dat gemeyne landt van Drinthe in tegenwoirdicheit ende tot behueff mijns genedigen heren ende sijns gestichts van Utrecht, als vurscreven is,
dat alinge landt van Drinthe mit allen sinen toebehoren ende verteech dairaff clairliken ende van alre ansprake ende toeseggen, die hy
off syne alderen dairan gehadt hadden ende die hij ende sine nacomelingen dairan hebben moigen, alse tsamen voir een zeker summe gelts,
als voir vijfftien duysent gude alde guldene francrixsche off keysers schilde van golde ende van gewichte gerecht, die hem
an geliken payement dairvoir an gereeden getelden gelde voll ende all betaelt ende gelevert weere, die leste penning mitten
iersten, beholdelic denselven Reynalt sinen erven ende nacomelingen alsulker erffnisse ende guden, die sijn alderen
gecoft hebben, die niet en hoeren tot der heerscap van Covorden ende die mit sijnre moeder medegave gecoft sijn als hiernae
bescreven stain nae inhalt der zoenen, die die hogeboren furste mijn lieve genedigen here, die hertoige van Gelre ende van Gulich ende
greve van Zutphen, den Got genedich sy, tusschen mynen genedigen heren van Utrecht vurscreven an die een syde , als hy des mechtich
van beyden tsyden gemaect was, uytgesproken ende geseecht heeft. Hier waren aver ende an als gerichtslude Dirc van Voerst, geheiten
van Beerze, Aelbrecht van Gherner, geheiten van Eme, Evert van Heest, Ysebrant van der A, Johan die Koning, Henric
van Leyden, Lubbert Johanssoen, Wicher Schuersack, Gherijt die Witte, Bernd van Yrte, Aelbrecht Snavel, Reyner Poyt ende anders
guede lude genoich. Ende ic, Reynalt van Covorden, knaep, make kundich allen luden, dat ic mit voirdachten moide ende mit mijnen vrien
wille ende oick mede mit raide ende guetduncken mijnre hern ende mage ende vriende hier naebeschreven hebbe upgedragen int
gerichte als vurscreven is den eirwerdigen mynen genedigen hern, hern Frederic van Blanckenheim, bisscop tUtrecht voirscreven , tot behoeff
sijns, sijnre nacomelingen, bisscopen , ende sijns gestichts van Utrecht tot erffliker besittinge ende tot ewigen dagen dat huys ende die
heerscap van Covorden ende dat lant van Drinthe ende alle ansprake ende toseggen , die ic off myne erffgename hebben off
hebben moigen an dat huys ende heerscap vurscreven ende an den lande van Drinthe mit allen hoeren toebehoeren
ende dairup clairlic vertegen mit hande ende mit monde voir my ende voir myne erffgenamen als ordel ende
recht wijssde, dat ic schuldich was te doin, soedat ic noch myne erffgename dairan gheen ansprake ende toeseggen en hebbe beholden. Wellic
updracht ende vertichnisse ic ierst gedain hebbe int gericht van Covorden, als vurscreven is, ende nae tot Hulsfoirt voir mynen
genedigen heren van Utrecht ende den amptman vurscreven ende voir den etten ende den gemeynen lande van Drinthe voir een zeker summe
gelts, als voir vijfftienduysent gude olde guldene keysers off francrixce schilde van golde ende van gewichte gerechte, die my die
eirwerdige mijn genedige heere die bisscop van Utrecht vurscreven dairvoir an gereden gelde in guden geliken payement ende an gelde voll
ende all betaelt ende heeft doin leveren , tellen ende betalen ende die ic untfangen hebbe vry ende commerloes tot mynen vrien willen,
beholdelic my ende mynen erven alsulke erffnisse ende gude als vurg. stain nae inhalt der zoenen vurscreven, alle argelist hierynne
uutgescheiden. Ende updat dese vurscreven vertichnisse tot ewigen daghen unverbrecklic blyve, soe hebbe ic tot eenre meerre zekerheide den
hogeboren furst, mynen leven genedigen heren, den hertoige van Gulich ende van Gelre ende greve van Zutphen, den heer
van Brunchorst, den here van Batenborch, heren Gijssbert van Brunchorst, Gijssbert van Batenborch, here tot Aenholt, den
heren van Ghemen, Otte van Buren ende Johan van Buren, gebruedere, Dirc here van Wissche, Henric heer van Wissche, Egbert van Gramsberge, Dirc
vanden Grijmberge ende Henric van Zeelwerden gebeden, dat sy in getuichnisse deser vertichnissen vurscreven desen brieff mit my ende over my
besegelen wolden. Ende wy , Reynalt, bi der genaden Gaits hertoige van Gulich ende van Gelre ende greve van Zutphen, Willem heer van Brunchorst,
Dirc van Brunchorst, heer van Batenborch, Gijssbert van Brunchorst, riddere Gijssbert van Batenborch, here tot Aenholt, Henric, heer van
Ghemen , Otte, olste soen tot Bueren , ende Johan van Bueren, gebruedere, Dirc , heere van Wissche, Henric, heere van Wissche, Egbert van
Gramsberge, Dirc van Grijmberge ende Henric van Zeelwerden, want dese vurscreven vertichnisse mit unsen raide ende wille geschiet ende gedain
is, soe hebben wy in een getuichnisse ende in eenre ewiger vestenisse alre dingen vurscreven um beden wille Reynolts van Covorden vurs. desen
brief over hem ende mit hem, mitten amptman vurscreven ende mede mitten etten, wijssheiden, gemeynten der ghemeynre kerspelen van Drinthen mit
unsen segelen besegelt. Ende wy, etten, wijssheit ende gemeyenten der ghemeynre kirspelen van Drinthe, want wy tot dese vurs. vertichnisse van
unss genedigen heren wegen van Utrecht geroepen waren ende dairby an ende over gestain ende die gesien ende gehoirt hebben ende dairaff unse
oirkunde nae gewoentheit des lants van Drinthe untfangen hebben, soe hebben wy in een getuichnisse alre vurscreven saken unse gemeyne segele an
desen brieff mede gehangen. Gegeven int jair unss Heren duysent IIIIC ende twee des Dinxdages nae Belaken Paesschen, dat was des vierden dages
in Aprille .
hiernae beschreven gekomen is tot Covorden int gerichte ende in enen gehegeden heymmail Reynalt van Covorden ende bekende, dat hy mit beradenen
moide ende voirsien upgedragen hadde ende droech dair up mit sinen vrien moitwillen in tegenwoirdicheit ende tot behueff des eirwerdigen in
Goide vaider ende heren, heren Frederics van Blanckenheim, bisscop tUtrecht mynen lieven genedigen heren, sijnre nacomelingen, bisscopen der
kircken ende des gestichts van Utrecht, tot erffliker besittinge ende tot ewigen dagen dat huys ende die heerscap van Covorden mit allen hoeren
toebehoren ende verteech dair clairlic up ende up alle anspraken ende toeseggen, dat he off sijn olderen an Covorden gehatt hebben ende die he
off sine nacomelinge dairan hebben moigen. Ende desgelijcs quam Reynalt van Covorden tot Hulsfoirde ende droech dair up voir den etten ende voir
dat gemeyne landt van Drinthe in tegenwoirdicheit ende tot behueff mijns genedigen heren ende sijns gestichts van Utrecht, als vurscreven is,
dat alinge landt van Drinthe mit allen sinen toebehoren ende verteech dairaff clairliken ende van alre ansprake ende toeseggen, die hy
off syne alderen dairan gehadt hadden ende die hij ende sine nacomelingen dairan hebben moigen, alse tsamen voir een zeker summe gelts,
als voir vijfftien duysent gude alde guldene francrixsche off keysers schilde van golde ende van gewichte gerecht, die hem
an geliken payement dairvoir an gereeden getelden gelde voll ende all betaelt ende gelevert weere, die leste penning mitten
iersten, beholdelic denselven Reynalt sinen erven ende nacomelingen alsulker erffnisse ende guden, die sijn alderen
gecoft hebben, die niet en hoeren tot der heerscap van Covorden ende die mit sijnre moeder medegave gecoft sijn als hiernae
bescreven stain nae inhalt der zoenen, die die hogeboren furste mijn lieve genedigen here, die hertoige van Gelre ende van Gulich ende
greve van Zutphen, den Got genedich sy, tusschen mynen genedigen heren van Utrecht vurscreven an die een syde , als hy des mechtich
van beyden tsyden gemaect was, uytgesproken ende geseecht heeft. Hier waren aver ende an als gerichtslude Dirc van Voerst, geheiten
van Beerze, Aelbrecht van Gherner, geheiten van Eme, Evert van Heest, Ysebrant van der A, Johan die Koning, Henric
van Leyden, Lubbert Johanssoen, Wicher Schuersack, Gherijt die Witte, Bernd van Yrte, Aelbrecht Snavel, Reyner Poyt ende anders
guede lude genoich. Ende ic, Reynalt van Covorden, knaep, make kundich allen luden, dat ic mit voirdachten moide ende mit mijnen vrien
wille ende oick mede mit raide ende guetduncken mijnre hern ende mage ende vriende hier naebeschreven hebbe upgedragen int
gerichte als vurscreven is den eirwerdigen mynen genedigen hern, hern Frederic van Blanckenheim, bisscop tUtrecht voirscreven , tot behoeff
sijns, sijnre nacomelingen, bisscopen , ende sijns gestichts van Utrecht tot erffliker besittinge ende tot ewigen dagen dat huys ende die
heerscap van Covorden ende dat lant van Drinthe ende alle ansprake ende toseggen , die ic off myne erffgename hebben off
hebben moigen an dat huys ende heerscap vurscreven ende an den lande van Drinthe mit allen hoeren toebehoeren
ende dairup clairlic vertegen mit hande ende mit monde voir my ende voir myne erffgenamen als ordel ende
recht wijssde, dat ic schuldich was te doin, soedat ic noch myne erffgename dairan gheen ansprake ende toeseggen en hebbe beholden. Wellic
updracht ende vertichnisse ic ierst gedain hebbe int gericht van Covorden, als vurscreven is, ende nae tot Hulsfoirt voir mynen
genedigen heren van Utrecht ende den amptman vurscreven ende voir den etten ende den gemeynen lande van Drinthe voir een zeker summe
gelts, als voir vijfftienduysent gude olde guldene keysers off francrixce schilde van golde ende van gewichte gerechte, die my die
eirwerdige mijn genedige heere die bisscop van Utrecht vurscreven dairvoir an gereden gelde in guden geliken payement ende an gelde voll
ende all betaelt ende heeft doin leveren , tellen ende betalen ende die ic untfangen hebbe vry ende commerloes tot mynen vrien willen,
beholdelic my ende mynen erven alsulke erffnisse ende gude als vurg. stain nae inhalt der zoenen vurscreven, alle argelist hierynne
uutgescheiden. Ende updat dese vurscreven vertichnisse tot ewigen daghen unverbrecklic blyve, soe hebbe ic tot eenre meerre zekerheide den
hogeboren furst, mynen leven genedigen heren, den hertoige van Gulich ende van Gelre ende greve van Zutphen, den heer
van Brunchorst, den here van Batenborch, heren Gijssbert van Brunchorst, Gijssbert van Batenborch, here tot Aenholt, den
heren van Ghemen, Otte van Buren ende Johan van Buren, gebruedere, Dirc here van Wissche, Henric heer van Wissche, Egbert van Gramsberge, Dirc
vanden Grijmberge ende Henric van Zeelwerden gebeden, dat sy in getuichnisse deser vertichnissen vurscreven desen brieff mit my ende over my
besegelen wolden. Ende wy , Reynalt, bi der genaden Gaits hertoige van Gulich ende van Gelre ende greve van Zutphen, Willem heer van Brunchorst,
Dirc van Brunchorst, heer van Batenborch, Gijssbert van Brunchorst, riddere Gijssbert van Batenborch, here tot Aenholt, Henric, heer van
Ghemen , Otte, olste soen tot Bueren , ende Johan van Bueren, gebruedere, Dirc , heere van Wissche, Henric, heere van Wissche, Egbert van
Gramsberge, Dirc van Grijmberge ende Henric van Zeelwerden, want dese vurscreven vertichnisse mit unsen raide ende wille geschiet ende gedain
is, soe hebben wy in een getuichnisse ende in eenre ewiger vestenisse alre dingen vurscreven um beden wille Reynolts van Covorden vurs. desen
brief over hem ende mit hem, mitten amptman vurscreven ende mede mitten etten, wijssheiden, gemeynten der ghemeynre kerspelen van Drinthen mit
unsen segelen besegelt. Ende wy, etten, wijssheit ende gemeyenten der ghemeynre kirspelen van Drinthe, want wy tot dese vurs. vertichnisse van
unss genedigen heren wegen van Utrecht geroepen waren ende dairby an ende over gestain ende die gesien ende gehoirt hebben ende dairaff unse
oirkunde nae gewoentheit des lants van Drinthe untfangen hebben, soe hebben wy in een getuichnisse alre vurscreven saken unse gemeyne segele an
desen brieff mede gehangen. Gegeven int jair unss Heren duysent IIIIC ende twee des Dinxdages nae Belaken Paesschen, dat was des vierden dages
in Aprille .
x
| Bestand | Oorkondenboek Groningen en Drenthe |
|---|---|
| Nr | 1103 |
| Olim | Naar het Diversorium I van Frederik van Blankenheim, fol. 37. Vergeleken met het sterk beschadigd en grotendeels onleesbaar origineel (A) in het rijksarchief te Utrecht (Deventer landskist no. 66), hoog 39, breed 75 cm, en met een notarieel transsumpt (B) in het gemeentearchief te Zwolle, opgemaakt de 30 Mei 1402. Ook gedrukt bij Dumbar, Kerk. en Wereldl. Deventer, I, blz. 640, Dumbar, Analecta, II, blz. 370 en v. Idsinga, Staatsrecht, II, blz. 43. |
| Jahr | 1402 |
| Datumcode | 0404 |
x
| Kommentar | De zegels van Zweder van Hekeren, genaamd van Rechteren en van Reynold van Coevorden, zijn verloren. De overige zegels, dat van de Hertog in rode was, de andere in bruine of groene was, zijn uitstekend bewaard. Het ronde zegel van Hendrik van Selwerd vertoont een driehoekig schild, gedeeld, rechts beladen met een faas, links met een arend, rond het schild drie punten; randschrift: S. HENRICI DE KOVORDE; het zegel van Drente (zie Plaat I, no. 4). |
|---|