| Nummer:ogd1109 | Datum:25 april 1402 | Überlieferung:Editie | Fundstelle:Oorkondenboek Groningen en Drenthe, nr. 1109 |
De overheid en burgers van Deventer verklaren een zekere som aan Reinold van Coevorden schuldig te zijn en die na verloop van een jaar te zullen betalen.
Wi, burgermeystere, scepen ende raet ende ghemene burgere der stat van Deventer, doen cont ende bekennen mit desen brieve vor ons ende vor onse
erven ende nacomelingen, dat wi schuldich sin van witliker scult ende van gheleenden gelde den eersamen vromen manne Reynalde van Koverden ende
zinen erven IIM gueder older guldener scilde, Vrancrixsche of keysers, volwichtich of payment an golde, dat denselven olden scilden ghelike guet
ende weert is, wal te betalene ende commerlos te leverne Reynalde vors. ende zinen erven binnen der stat van Zutphen op den XIIII dach van
Meyedaghe over een jaer naestcomende. Ende deden wy des nyet, so menighen dach alse dan dit ghelt vors. onbetaelt bleve, daer sal op ghaen te
schaden elx dages vier ollde scilde payments soe vors. is. Ende voer den scaden mitten hoefstoel mach ons Reynalt vors. ende siin erven altoes,
wanneer hem des ghenoeghet, penden doen onbeclaget an enich guet, dat wy hebben of kryghen moghen binnen slaten of buten slaten, ende die pande
voert te vercopene op den achtenden dach na der pendinge als pande, die voer gherichte vol ende al vervolghet ende verwonnen sin, hoefstoel mit
den schaden vors. daerna te boeren. Mede soe zint vorwerden, soewie dat des brieves een hoelder is bi willen Reynalts van Koverden ende siinre
erven ende die ons dan tot voeren achte daghe maent ende te weten doet, dat hy des briefs een holder is, denzelven ghelave wi te betalen ende te
voldoene binnen der stat van Zutphen vors. van allen hoefstole ende schaden vors. sonder enich wederseggen bi onser zekerheit ende trouwe,
indien dat hoelder deses briefs ons desen selven brief dan weder overlevert, sonder al ferpel ende argelist. In orconde des so hebben wy onser
stat secreet segel an desen breef ghehangen. Gegeven int jaer ons Heren MIIIIC ende twe op sente Marcusdach des hilgen ewangelisten.
erven ende nacomelingen, dat wi schuldich sin van witliker scult ende van gheleenden gelde den eersamen vromen manne Reynalde van Koverden ende
zinen erven IIM gueder older guldener scilde, Vrancrixsche of keysers, volwichtich of payment an golde, dat denselven olden scilden ghelike guet
ende weert is, wal te betalene ende commerlos te leverne Reynalde vors. ende zinen erven binnen der stat van Zutphen op den XIIII dach van
Meyedaghe over een jaer naestcomende. Ende deden wy des nyet, so menighen dach alse dan dit ghelt vors. onbetaelt bleve, daer sal op ghaen te
schaden elx dages vier ollde scilde payments soe vors. is. Ende voer den scaden mitten hoefstoel mach ons Reynalt vors. ende siin erven altoes,
wanneer hem des ghenoeghet, penden doen onbeclaget an enich guet, dat wy hebben of kryghen moghen binnen slaten of buten slaten, ende die pande
voert te vercopene op den achtenden dach na der pendinge als pande, die voer gherichte vol ende al vervolghet ende verwonnen sin, hoefstoel mit
den schaden vors. daerna te boeren. Mede soe zint vorwerden, soewie dat des brieves een hoelder is bi willen Reynalts van Koverden ende siinre
erven ende die ons dan tot voeren achte daghe maent ende te weten doet, dat hy des briefs een holder is, denzelven ghelave wi te betalen ende te
voldoene binnen der stat van Zutphen vors. van allen hoefstole ende schaden vors. sonder enich wederseggen bi onser zekerheit ende trouwe,
indien dat hoelder deses briefs ons desen selven brief dan weder overlevert, sonder al ferpel ende argelist. In orconde des so hebben wy onser
stat secreet segel an desen breef ghehangen. Gegeven int jaer ons Heren MIIIIC ende twe op sente Marcusdach des hilgen ewangelisten.
