| Nummer:ogd1113 | Datum:16 mei 1402 | Überlieferung:Editie | Fundstelle:Oorkondenboek Groningen en Drenthe, nr. 1113 |
Reynold van Coevorden verklaart de stad Zutphen niet aansprakelijk voor mogelijk ongeval, dat aan de aldaar in bewaring gegeven geldsom en schuldbrief zou kunnen overkomen.
Ic, Reynolt van Covorden, bekenne mit desen brieve vor mi ende vor min erven, want
die ersam lude, burgermeyster, scepene ende rait der stat van Zutphen, om mijnre beden
wille ontfangen hebben tot minre behoeff ende minre erven dertienduysent olde scilde an paymente van golde, soe dat gelt toebesegelt is mit
mijnen segele ende leget in der scepene hant van Zutphen vors., te holden, thent ick bi mijnen vrinden ende magen, alss Vrederix van Bronchorst,
here tot Borclo, heren Henric, here van Ghemen, Dircs, here van Wissche, ende Otten van Buren, mit der meester stemmen van hem veeren nae mij
neme mit enen apenen brieve, sprekende up tweedusent older scilde, mit der stat segele van Deventer. Wert dat enich ongeval geschiede bi desen
vors. gelde ende brieve, soedat et gestalen off verlaren wurde off anders verongeluchtede, dair en sal ic noch min erven die stat van Zutphen
noch or burgere noch ondersate nummermeer ghenreleye krot noch hinder omme doin noch laten doin van nyemande. Alle ferpel ende argelist
uutegeseget. In orconde des soe heb ic min segel an desen brieff gehangen. Gegeven in den jaere ons Heren M vierhondert ende twe des Dinxdags
nae Pinxsteren.
die ersam lude, burgermeyster, scepene ende rait der stat van Zutphen, om mijnre beden
wille ontfangen hebben tot minre behoeff ende minre erven dertienduysent olde scilde an paymente van golde, soe dat gelt toebesegelt is mit
mijnen segele ende leget in der scepene hant van Zutphen vors., te holden, thent ick bi mijnen vrinden ende magen, alss Vrederix van Bronchorst,
here tot Borclo, heren Henric, here van Ghemen, Dircs, here van Wissche, ende Otten van Buren, mit der meester stemmen van hem veeren nae mij
neme mit enen apenen brieve, sprekende up tweedusent older scilde, mit der stat segele van Deventer. Wert dat enich ongeval geschiede bi desen
vors. gelde ende brieve, soedat et gestalen off verlaren wurde off anders verongeluchtede, dair en sal ic noch min erven die stat van Zutphen
noch or burgere noch ondersate nummermeer ghenreleye krot noch hinder omme doin noch laten doin van nyemande. Alle ferpel ende argelist
uutegeseget. In orconde des soe heb ic min segel an desen brieff gehangen. Gegeven in den jaere ons Heren M vierhondert ende twe des Dinxdags
nae Pinxsteren.
