| Nummer:ogd1136 | Datum:22 jan. 1403 | Überlieferung:Editie | Fundstelle:Oorkondenboek Groningen en Drenthe, nr. 1136 |
Burgemeesters en raad van Groningen oorkonden, dat Gherd van Aken van Bertolt Wycherinc onder zekere voorwaarden een erf met toebehoren in altijddurende pacht heeft genomen.
Wy, borghermestere ende raet van Groninghen, bekennen ende betughen met dezen openen breve, dat Gherd van
Aken hevet ghehuerd vor hem ende sine erfnamen ene hofstede met al horen tobehoren achter ende vore, daer ziin
hues nu ter tiit up ghetimmerd staet, tot ewigher hure teghen Bertolt Wycherinc des jaers vor vyer francsche scilde of payment, dat dat daer
gued vor is in der tiit der betalinghe in Groninghen, to betalen elkes jaers als een stadrecht is. Hiir is togheseghet, dat Gherd vors. ende
zine erfghenamen sullen hebben enen ganc ende ene brukinghe to den zode, de gheleghen is in der nordzide by der vors. hofstede, ende deghene, de
wonen an dat westerende van desser vors. hofstede, de moghen hebben enen ganc int westerende over de vyer hornen van den erve, dat daer
gheleghen is to den vors. zode, alsoveer als se mede to den zoede ghelden willen den zoed to beteren ende staen to holden, als des to done is.
Dese vors. hofstede is gheleghen in de westerzide van der Oesterstraeten by Egberd des Smedes hues, dat an de zuedzide leghet, ende Sasseke
Wybrandes hues, dat an de nordzide leghet. Dat orkunde wy met onser stad seghel. Ghegheven in den jaer ons Heren dusent vyerhondert ende dre up
sente Vincentius dach, do Wicbolt Everdes, Jarich Coppiins, Reynolt Hughinc ende Jacob Schelleghe borghermestere waren onser stad .
Aken hevet ghehuerd vor hem ende sine erfnamen ene hofstede met al horen tobehoren achter ende vore, daer ziin
hues nu ter tiit up ghetimmerd staet, tot ewigher hure teghen Bertolt Wycherinc des jaers vor vyer francsche scilde of payment, dat dat daer
gued vor is in der tiit der betalinghe in Groninghen, to betalen elkes jaers als een stadrecht is. Hiir is togheseghet, dat Gherd vors. ende
zine erfghenamen sullen hebben enen ganc ende ene brukinghe to den zode, de gheleghen is in der nordzide by der vors. hofstede, ende deghene, de
wonen an dat westerende van desser vors. hofstede, de moghen hebben enen ganc int westerende over de vyer hornen van den erve, dat daer
gheleghen is to den vors. zode, alsoveer als se mede to den zoede ghelden willen den zoed to beteren ende staen to holden, als des to done is.
Dese vors. hofstede is gheleghen in de westerzide van der Oesterstraeten by Egberd des Smedes hues, dat an de zuedzide leghet, ende Sasseke
Wybrandes hues, dat an de nordzide leghet. Dat orkunde wy met onser stad seghel. Ghegheven in den jaer ons Heren dusent vyerhondert ende dre up
sente Vincentius dach, do Wicbolt Everdes, Jarich Coppiins, Reynolt Hughinc ende Jacob Schelleghe borghermestere waren onser stad .
