| Nummer:ogd1142 | Datum:14 febr. 1403 | Überlieferung:Editie | Fundstelle:Oorkondenboek Groningen en Drenthe, nr. 1142 |
Burgemeesters en raad van Groningen oorkonden dat Reynolt Hughinc verklaarde ten behoeve van de priester Albert Tydemans een erf en hofstede, gelegen aan het St. Walburgskerkhof, te hebben gekocht en hem die heeft overgedragen.
Wy, borghermestere ende raet van Groninghen, bekennen ende betughen met dezen openen breve, dat vor ons is ghekomen
Reynolt Hughinc ende becande, dat hie totter eer Gods ende behoef heren Albertes Tydemans, zoens des holtsnyders ,
enes preysters der kerken van sente Merten in Groninghen, ghecoft hevet ene hofstede, daer nu ter tiit na datum des breves Arend de Goltsmyt uppe wonet, ende als Reynolde vors. de hofstede anghekomen is, mit horen tobehoren in allen ghevoghe ende in allen manyeren, als de breef spreket, daer desse breef dorghetoghen is. Ende des so hevet Reynolt vors. vor hem ende vor zine erfghenamen de vors. hofstede in derselver manyer voord overghegheven ende upghedraghen heren Alberte vors. mit allen rechte ende eghendome eweliken ende erfliken to bruken ende to besitten. Desse vors. hofstede is gheleghen by sente Wolburghekerchof tuschen der voghede erve van sente Wolburghe ende der stadmuren, daer in de oesterzide der stad wech ende wateringhe en tuschen legghen alrenaest, streckende sich zuedwart an sente Wolburghekerchof vors. Dat orkunde wy met onser stad seghele. Ghegheven in den jaer ons Heren dusent vyerhondert ende dre up sente Valentinusdach, do Wicbolt Everdes, Jarich Coppiins, Reynolt Hughinc ende Jacob Schelleghe borghermestere waren onser stad.
Reynolt Hughinc ende becande, dat hie totter eer Gods ende behoef heren Albertes Tydemans, zoens des holtsnyders ,
enes preysters der kerken van sente Merten in Groninghen, ghecoft hevet ene hofstede, daer nu ter tiit na datum des breves Arend de Goltsmyt uppe wonet, ende als Reynolde vors. de hofstede anghekomen is, mit horen tobehoren in allen ghevoghe ende in allen manyeren, als de breef spreket, daer desse breef dorghetoghen is. Ende des so hevet Reynolt vors. vor hem ende vor zine erfghenamen de vors. hofstede in derselver manyer voord overghegheven ende upghedraghen heren Alberte vors. mit allen rechte ende eghendome eweliken ende erfliken to bruken ende to besitten. Desse vors. hofstede is gheleghen by sente Wolburghekerchof tuschen der voghede erve van sente Wolburghe ende der stadmuren, daer in de oesterzide der stad wech ende wateringhe en tuschen legghen alrenaest, streckende sich zuedwart an sente Wolburghekerchof vors. Dat orkunde wy met onser stad seghele. Ghegheven in den jaer ons Heren dusent vyerhondert ende dre up sente Valentinusdach, do Wicbolt Everdes, Jarich Coppiins, Reynolt Hughinc ende Jacob Schelleghe borghermestere waren onser stad.
