| Nummer:ogd1177 | Datum:23 maart 1404 | Überlieferung:Editie | Fundstelle:Oorkondenboek Groningen en Drenthe, nr. 1177 |
Burgemeesters en raad van Groningen verklaren, dat Lefferd de timmerman twee erven in erfpacht heeft ontvangen van het Heilige Geestgasthuis in Groningen.
Wy, borghermestere ende raet van Groninghen, bekennen ende betughen met dezen openen breve, dat Lefferd de timmerman
hevet ghehuerd vor hem ende vor zine erfghenamen twe hoffsteden, de an malcanderen gheleghen ziin, met al horen
tobehoren, de her Koenraet van den Hilghen Gheeste ghegheven hevet onser Vrouwen broderscap to den Hilghen Gheeste, daer wandaghes Johan Baykens
hues up ghetimmerd stond, tot ewigher hure teghen Johannes Jantevoet, Johanne Sunderland ende Helmich in Herstraten, hovedinghe van onser
Vrouwen broderscap vors., ende dat by consente der ghemener broderscap, des jaers vor tyen scilde paymentes als in Groninghe ganc ende gave is,
to betalen elkes jaers als een stadrecht is, ende vor vyer guede hoenre to betalen jaerlix na sonte Oedgers misse, so waneer de hovedinghe van
der vors. broderscap des begherende ziin. Deze vors. hofsteden ziin gheleghen in der westerzide van Herderincstrate by Otto Pollemans erve, dat
an de zuedzide leghet, ende Henric Ruspaens erve, dat an de nordzide leghet. Dat orkunde wy met onser stad seghele. Ghegheven in den jaer ons
Heren dusent vyerhondert ende vyer up Palmezoendach, do Jarich Coppiins, Reynolt Hughinc, Jacob Schelghe ende Everd Wicbolts borghermestere
waren onser stad .
hevet ghehuerd vor hem ende vor zine erfghenamen twe hoffsteden, de an malcanderen gheleghen ziin, met al horen
tobehoren, de her Koenraet van den Hilghen Gheeste ghegheven hevet onser Vrouwen broderscap to den Hilghen Gheeste, daer wandaghes Johan Baykens
hues up ghetimmerd stond, tot ewigher hure teghen Johannes Jantevoet, Johanne Sunderland ende Helmich in Herstraten, hovedinghe van onser
Vrouwen broderscap vors., ende dat by consente der ghemener broderscap, des jaers vor tyen scilde paymentes als in Groninghe ganc ende gave is,
to betalen elkes jaers als een stadrecht is, ende vor vyer guede hoenre to betalen jaerlix na sonte Oedgers misse, so waneer de hovedinghe van
der vors. broderscap des begherende ziin. Deze vors. hofsteden ziin gheleghen in der westerzide van Herderincstrate by Otto Pollemans erve, dat
an de zuedzide leghet, ende Henric Ruspaens erve, dat an de nordzide leghet. Dat orkunde wy met onser stad seghele. Ghegheven in den jaer ons
Heren dusent vyerhondert ende vyer up Palmezoendach, do Jarich Coppiins, Reynolt Hughinc, Jacob Schelghe ende Everd Wicbolts borghermestere
waren onser stad .
