| Nummer:ogd1209 | Datum:8 april 1405 | Überlieferung:Editie | Fundstelle:Oorkondenboek Groningen en Drenthe, nr. 1209 |
Herman en Symon Polleman, gebroeders, verklaren het recht om zwanen te houden in Drenthe en Selwerd, en wat hun vender aldaar in „gerichte ende heerlicheit" toekwam, verkocht en bij stoklegging te hebben overgedragen aan bisschop Frederik van Blankenheim.
bWij, Herman Polleman ende Symon Polleman, ghebrodere, maken kundich allen luden myt dezen openen brieve, dat wij verkoft hebben ende
verkopen den edelen, hoghen, eer-weerdigen heern, Frederike van Blanckenhem, bisschop tUtrecht, unzen lieven ghenedighen heeren, to behoef
des stichtes van Utrecht dat zwanenvlott in den lande van Drenthe ende in den gherichte van Zeelwert alzo als dat gheleghen is, ende daertoe den zeveden penninge ende all gherichte ende heerlicheit alzo als unze olderen voere ende wij natiids die ghehad hebben of in enigherwiis ghehad moghen hebben in zijnen lande van Drenthe of in zijnen gherichte van Zeelwert, voer eene summe van ghelde, die ons, Hermanne ende Symone vors., witlike ende wal betaeld is. Ende van dezen zwanenvlote ende zeveden penninghe gherichte ende heerlicheit als vors. is hebben wij , Herman ende Symon vors., den stock van gheleghet voer den buren van Rolde ende voer den buren van Nortlaren, ende hebben des vorteghen ende ziin des uytgheghaen alze lantrecht wijzede to behoef des edelen, eerweerdighen heern Frederix, bisschops tUtrecht, ende des stichtes vors., alzo dat wij , Herman ende Symon vors., of unze erfgename of niemand van unzer weghen daer meer up to spreken of up to wachten en hebben, ende daer voer den buren vors. ghewijset wort, dat dat zwanenvlott ende gherichte ende heerlicheit vors. unzes lieven ghenedighen heeren van Utrecht ende des stichtes vors. weeren mijt rechte ende erflike blyven zolden. Ende deze zwanenvlott, gherichte ende heerlicheit als vors. is, zulle wij, Herman ende Symon vors., waren unzen lieven ghenedighen heeren van Utrecht ende den stichte vors. voer uns, voer Otten, unzen broder, ende voer unze rechte erfgename ende voer alle dieghene, die des to rechte komen willen. Ende hebben voert ghelovet voer uns ende voer unze erfgename, dat Otto vors., unze broder, wanneer he bijnnen landes kumpt, dat he vertichnisse ende uplatinghe duen zal van dezen zwanenvlote, gherichte ende heerlichede vors. to behoef unzes lieven ghenedighen heeren van Utrecht unde des stichtes vors. in alre maten als wij voer ghedaen hebben, zunder arghelist. Hier weeren an ende over, daer dijt gheschiede, Johan van Buchorst, amptman toe Covoerde, Frederick van der Eeze, Johan van Westdarpe, Gheerd ter Maed, Johan Gruys, Johan die Rotighe ende Johan Anghels ende voert die ghemeene bure van Rolde ende van Nortlaren. In orkunde ende in een tuech der waerheit dezer vors. vorwerden zo hebben wij , Herman Polleman ende Symon, ghebrodere vors., unze zeghele an dezen brief ghehanghen voer uns ende voer unze erfgename. Ende um der meerre vestnijsse willen hebben ghebeden Johanne van Rune ende Stevene van Rune ghebrodere, Otten Pollemanne ende Johan Pollemanne, ghebrodere, unze maghe, dat zie hoer zeghele mede an dezen brief willen hanghen voer uns ende voer unze erfgename. Ende wij, Johan, Steven, Otto ende Johan vors., um bede willen Hermans ende Symons vors., want uns deze zaken mede kundich zijn ende wij daer an ende over gheweest hebben, hebben unze zeghele mede an dezen brief ghehanghen in den jare uns Heren duzend vierhundert ende vijve op den Wonsdach na Judica.
verkopen den edelen, hoghen, eer-weerdigen heern, Frederike van Blanckenhem, bisschop tUtrecht, unzen lieven ghenedighen heeren, to behoef
des stichtes van Utrecht dat zwanenvlott in den lande van Drenthe ende in den gherichte van Zeelwert alzo als dat gheleghen is, ende daertoe den zeveden penninge ende all gherichte ende heerlicheit alzo als unze olderen voere ende wij natiids die ghehad hebben of in enigherwiis ghehad moghen hebben in zijnen lande van Drenthe of in zijnen gherichte van Zeelwert, voer eene summe van ghelde, die ons, Hermanne ende Symone vors., witlike ende wal betaeld is. Ende van dezen zwanenvlote ende zeveden penninghe gherichte ende heerlicheit als vors. is hebben wij , Herman ende Symon vors., den stock van gheleghet voer den buren van Rolde ende voer den buren van Nortlaren, ende hebben des vorteghen ende ziin des uytgheghaen alze lantrecht wijzede to behoef des edelen, eerweerdighen heern Frederix, bisschops tUtrecht, ende des stichtes vors., alzo dat wij , Herman ende Symon vors., of unze erfgename of niemand van unzer weghen daer meer up to spreken of up to wachten en hebben, ende daer voer den buren vors. ghewijset wort, dat dat zwanenvlott ende gherichte ende heerlicheit vors. unzes lieven ghenedighen heeren van Utrecht ende des stichtes vors. weeren mijt rechte ende erflike blyven zolden. Ende deze zwanenvlott, gherichte ende heerlicheit als vors. is, zulle wij, Herman ende Symon vors., waren unzen lieven ghenedighen heeren van Utrecht ende den stichte vors. voer uns, voer Otten, unzen broder, ende voer unze rechte erfgename ende voer alle dieghene, die des to rechte komen willen. Ende hebben voert ghelovet voer uns ende voer unze erfgename, dat Otto vors., unze broder, wanneer he bijnnen landes kumpt, dat he vertichnisse ende uplatinghe duen zal van dezen zwanenvlote, gherichte ende heerlichede vors. to behoef unzes lieven ghenedighen heeren van Utrecht unde des stichtes vors. in alre maten als wij voer ghedaen hebben, zunder arghelist. Hier weeren an ende over, daer dijt gheschiede, Johan van Buchorst, amptman toe Covoerde, Frederick van der Eeze, Johan van Westdarpe, Gheerd ter Maed, Johan Gruys, Johan die Rotighe ende Johan Anghels ende voert die ghemeene bure van Rolde ende van Nortlaren. In orkunde ende in een tuech der waerheit dezer vors. vorwerden zo hebben wij , Herman Polleman ende Symon, ghebrodere vors., unze zeghele an dezen brief ghehanghen voer uns ende voer unze erfgename. Ende um der meerre vestnijsse willen hebben ghebeden Johanne van Rune ende Stevene van Rune ghebrodere, Otten Pollemanne ende Johan Pollemanne, ghebrodere, unze maghe, dat zie hoer zeghele mede an dezen brief willen hanghen voer uns ende voer unze erfgename. Ende wij, Johan, Steven, Otto ende Johan vors., um bede willen Hermans ende Symons vors., want uns deze zaken mede kundich zijn ende wij daer an ende over gheweest hebben, hebben unze zeghele mede an dezen brief ghehanghen in den jare uns Heren duzend vierhundert ende vijve op den Wonsdach na Judica.
x
| Bestand | Oorkondenboek Groningen en Drenthe |
|---|---|
| Nr | 1209 |
| Olim | Naar het origineel in het rijksarchief te Utrecht, afkomstig uit de landskist te Deventer (Inv. no. 203), hoog 20, breed 34,5 cm. Ook een afschrift in het Div. I van Frederik van Blankenheim, fol. 26. |
| Jahr | 1405 |
| Datumcode | EpJudica |
x
| Kommentar | Aan het stuk hangen zes zegels in groene was. 1, 2, 5 en 6 vertonen een schild, beladen met een geschakeerd St. Andrieskruis, waarvan de rechter-bovenarm ontbreekt; randschrift van 1: S. HERMAN POLLEMAN. 2: SIGILLUM . . . .5 : S. OTTO POLMAN. 6: S. JOHAN POLLEMAN. 3. een schild beladen met drie rozen, geplaatst 2, 1 en een schildhoofd; randschrift : SIG . . . . DE RUNEN. 4. een schild met vijf rechter schuinbalken en een zoom, beladen met acht penningen; randschrift: . . . EVEN VAN RUNE. |
|---|