| Nummer:ogd1214 | Datum:15 juni 1405 | Überlieferung:Editie | Fundstelle:Oorkondenboek Groningen en Drenthe, nr. 1214 |
Burgemeesters en raad van Groningen verklaren, dat Egberd van Eelde land heeft verkocht aan Gherd Wybens en het overdroeg.
Wy, borghermestere ende raed in Groninghen, bekennen ende betughen met dezen openen breve, dat
vor ons is ghekomen Egberd van Eelde ende becande, dat hie hevet vercoft Gherde Wybens derdehalf gras landes met sinen tobehoren vor ene summe
gheldes, de Egberd vors. becande, dat hem vol ende al betaelt is. Ende deze derdehalf gras landes vors. droech Egberd vors. up Gherde vors. ende
zinen erfghenamen vrij ende quiit met allen rechte ende eghendome eweliken to bruken ende to besitten. Ende Egberd vors. lovede Gherde dit vors.
land vrij to waren vor Ghertrud, ziin wiif, ende vor Aleyde, hore dochter, van alre ansprake. Dit vors. land is gheleghen in Vremer buerscap ,
daer der Jacopinen erve by leghet up de nordzide ende des Hilghen Gheestes erve up de zuedzide leghet. Dat orkunde wy met onser stad seghel.
Ghegheven in den jaer ons Heren dusent vyerhondert ende vive up sente Vitisdach, do Everd Sickinc, Sweder van Winde, Radinc Hornekinc ende
Coppiin Jarighes borghermestere waren onser stad.
vor ons is ghekomen Egberd van Eelde ende becande, dat hie hevet vercoft Gherde Wybens derdehalf gras landes met sinen tobehoren vor ene summe
gheldes, de Egberd vors. becande, dat hem vol ende al betaelt is. Ende deze derdehalf gras landes vors. droech Egberd vors. up Gherde vors. ende
zinen erfghenamen vrij ende quiit met allen rechte ende eghendome eweliken to bruken ende to besitten. Ende Egberd vors. lovede Gherde dit vors.
land vrij to waren vor Ghertrud, ziin wiif, ende vor Aleyde, hore dochter, van alre ansprake. Dit vors. land is gheleghen in Vremer buerscap ,
daer der Jacopinen erve by leghet up de nordzide ende des Hilghen Gheestes erve up de zuedzide leghet. Dat orkunde wy met onser stad seghel.
Ghegheven in den jaer ons Heren dusent vyerhondert ende vive up sente Vitisdach, do Everd Sickinc, Sweder van Winde, Radinc Hornekinc ende
Coppiin Jarighes borghermestere waren onser stad.
