| Nummer:ogd1222 | Datum:1 okt. 1405 | Überlieferung:Editie | Fundstelle:Oorkondenboek Groningen en Drenthe, nr. 1222 |
Frederik van Blankenheim, bisschop van Utrecht, verklaart aan de stad Groningen het gerecht aldaar te hebben verpacht voor de tijd van honderd jaren.
Frederick van Blankenhem, by der ghenaden Goeds bisscop tUtrecht, maken kund allen luden, dat wij mit gueden voersinne, mit riipen rade ertde guetduncken onser vrende in pacht ghegheven hebben ende gheven
mit desen brieve den borghermeisteren, raed ende onser ghemeenre stad van Groninghen onse gherichte in Groninghen mit alle sinen toebehoren binnen der stad ende buten den muren zuedwart tot der stede toe, daer men dat vredecruce plecht te setten in den vryen markede, ende als dat van oeldes gheghaen heeft ten oesten, ten westen ende ten noerden tot hondert jaren toe naestcomende na datum deses briefs, ellicks jaers om achte ende twintich guede olde guldene Vrancricsche schilde, die voer datum deses briefs ghemuntet siin, off alsoevele voer elken vrancricschen schild an anderen paymente, daer men opp elke tiid der betaelinge enen Vrancricschen schilt om mach copen, die ons onse stad van Groninghen vors. opp hore kost ende arbeit betalen sullen jaerlix binnen Covoerden an onsen amptman tot sunte Micheelsdaghe off binnen eenre maend daernae onbegrepen. Ende die bode, die die pacht sal betalen , sal veilich wesen vor ons ende al die onse uuyt ende te hues, sonder arghelist. Ende weert sake dat sie des niet en deden, soe vielen sie alle maende in eenre peenen van twen oelden schilden, drie maende lang durende nae den termine vors. Ende weert sake dat sie binnen den drien maenden vors. den vors. pacht mit den vors. peenen, die dan verboert waren, niet vol ende all en betaelden, soe vielen sie van allen rechte ende toeseggen, dat sie hadden off hebben mochten an den gherichte mit sinen toebehoren in Groninghen vors., ende datselve gherichte mit sinen toebehoren vors. quame dan weder vry ende loss an ons ende an onse ghestichte onsen vryen willen daermede te doene sonder yemans wederseggen alsoeverre als wii dat annemen wolden ende anders niet, beholdelic ons ende onsen nacomelingen nochtans onses versetens pacht ende verboerder peenen. Hieroff sint vorwarden, dat onse stad van Groninghen mach nemen tot enen schulten enen van horen borgheren, wen dat sie willen , ende die sal sinen eed doen voer onsen amptman, den wij in der tiit hebben sullen in onsen gherichte, gheheten van Zeelwerde, als opp Goe ende Woeld. Ende die amptman sal sinen eed ontfangen van onser weghen in sulker formen, dat hie mallick ordel ende recht doen ende wedervaren laten sal nae olden heerkomen des gherichts in Groninghen. Ende den schulten mach onse stad van Groninghen versetten, alsoevake als sie willen. Ende alsoedicke als dat gesciet, soe sal die nye schulte sinen eed doen vor onsen amptman opp Goe ende Woeld als vors. is, ende die sal den eed ontfangen. Ende dede die amptman daervoer weigheringe inne boven dren daghen na der ierster versoekinge, soe mach die borghermeister van Groninghen den eed tot dier tiid ontfangen, als die amptman vors. ghedaen solde hebben als vors. is. Voert sal onse stad van Groninghen tot allen twintich jaren opp sunte Michielsdach off binnen eenre maend daernae onbegrepen mit horen zekeren boden onse gherichte vors. mit sinen toebehoren in Groninghen versoeken an onsen amptman toe Covoerden mit twen marken ende een derdendeel van eenre marck lodichs silvers off die weerde daervoer an gueden guldenen paymente. Ende onse amptman toe Covorde vors. sal hem opp dat versueck sinen brieff gheven, ist dat sies begheren buten horen kost. Voert ist vorwarde, dat onse stad vors. hoer pachtrecht ende huerweere des gherichts vors. niet versetten, versellen noch vercopen noch in gheenrehande manieren an yemand anders brengen en sullen buten onsen consent ende wille. Ende deden sie dat off dat sie enich van desen vors. punten verbreken, soe vielen sie claerlike van allen rechte ende toseggene, dat sie hadden an den gherichte vors. alsoverre als wij dat annemen wolden ende anders niet, beholdelic hem dat sie enen schulten nemen moghen van horen borgheren, also als vors. is. Voert als die hondert jare vors umghecomen siin, soe is dese pacht ende huerwere quiit ende doet. Mer ist dat onse stad van Groninghen vors. dat vors. gherichte mit sinen tobehoren in Groninghen voert in pacht hebben willen, soe sullen sie binnen eenre maend na sunte Michielsdach horen boden senden an ons off an onse nacomelinge, in der tiit bisscop tUtrecht, ende versoeken dat gherichte in Groninghen mit sinen tobehore als vors. is mit sestiin marken ende een derdedeel van twen marken lodichs silvers. Ende dan sullen wij off onse nacomelinge den borghermeisteren, raed ende onser ghemeenre stad van Groninghen dat gherichte in Groninghen mit sinen tobehoren weder verlyen ende bekennen hondert jaer in derselver manieren als vors. is alsoverre als ons dan van allen voerledenen pachten ende verboerden peenen voldaen weer, ende also voert ewelike van hondert jaren tot hondert jaren, ende nie brieve daeroff gheven ende nemen, sprekende van woerden to woerden als dese brieff spreket, ende dier brieve niet te weigheren, alle arghelist uuytghesproken. In orkonde des briefs beseghelt mit onsen seghele. Ende want wii, Frederick bisscop tUtrecht vors., vor ons ende onse nacomelinge dese zake ghedaen hebben vor nutticheit ende orbaer onss ghestichts, so hebbe wy ghebeden die eerbaren prelaten ende capittelen onser viif collegien, als van den Doem, Oldemunster, sunte Peters, sunte Johans ende sunte Marien tUtrecht, horen consent ende willen hierto te gheven ende dit mede te beseghelen. Ende hebben voert ghebeden onser stad ende hoeftsteden onses ghestichtes, als an dese siid onser stad van Utrecht ende onser stede van Amersforde, ende an die ander siid, als in Zalland, onse drie hoeftstede aldaer, als Deventer, Campen ende Zwolle, desen brieff mit ons ende onsen collegien vors. te beseghelen mit hoerre stad ende stede zeghele. Ende wy, prelaten ende capittelen van den Doem, Oldemunster, sunte Peter, sunte Johans ende sunte Marienkercken tUtrecht, aensiende vliticheit onss liefs ghenedighen heren vors., die hie tot alre tiid doet in oerbaer ende verbeteringe siins ghestichts, bekennen dat wij onse consent ende willen hierto ghegheven hebben, ende daeromme hebbe wy onser kercken seghele, ende wy, stad ende stede vors., onser stad ende stede seghele om bede willen onss liefs ghenedighen heren van Utrecht vorscreven mede an desen brieff doen hangen. Ghegheven tUtrecht int jaer onss Heren dusent vierhondert ende vive des yersten daghes in Octobri.
mit desen brieve den borghermeisteren, raed ende onser ghemeenre stad van Groninghen onse gherichte in Groninghen mit alle sinen toebehoren binnen der stad ende buten den muren zuedwart tot der stede toe, daer men dat vredecruce plecht te setten in den vryen markede, ende als dat van oeldes gheghaen heeft ten oesten, ten westen ende ten noerden tot hondert jaren toe naestcomende na datum deses briefs, ellicks jaers om achte ende twintich guede olde guldene Vrancricsche schilde, die voer datum deses briefs ghemuntet siin, off alsoevele voer elken vrancricschen schild an anderen paymente, daer men opp elke tiid der betaelinge enen Vrancricschen schilt om mach copen, die ons onse stad van Groninghen vors. opp hore kost ende arbeit betalen sullen jaerlix binnen Covoerden an onsen amptman tot sunte Micheelsdaghe off binnen eenre maend daernae onbegrepen. Ende die bode, die die pacht sal betalen , sal veilich wesen vor ons ende al die onse uuyt ende te hues, sonder arghelist. Ende weert sake dat sie des niet en deden, soe vielen sie alle maende in eenre peenen van twen oelden schilden, drie maende lang durende nae den termine vors. Ende weert sake dat sie binnen den drien maenden vors. den vors. pacht mit den vors. peenen, die dan verboert waren, niet vol ende all en betaelden, soe vielen sie van allen rechte ende toeseggen, dat sie hadden off hebben mochten an den gherichte mit sinen toebehoren in Groninghen vors., ende datselve gherichte mit sinen toebehoren vors. quame dan weder vry ende loss an ons ende an onse ghestichte onsen vryen willen daermede te doene sonder yemans wederseggen alsoeverre als wii dat annemen wolden ende anders niet, beholdelic ons ende onsen nacomelingen nochtans onses versetens pacht ende verboerder peenen. Hieroff sint vorwarden, dat onse stad van Groninghen mach nemen tot enen schulten enen van horen borgheren, wen dat sie willen , ende die sal sinen eed doen voer onsen amptman, den wij in der tiit hebben sullen in onsen gherichte, gheheten van Zeelwerde, als opp Goe ende Woeld. Ende die amptman sal sinen eed ontfangen van onser weghen in sulker formen, dat hie mallick ordel ende recht doen ende wedervaren laten sal nae olden heerkomen des gherichts in Groninghen. Ende den schulten mach onse stad van Groninghen versetten, alsoevake als sie willen. Ende alsoedicke als dat gesciet, soe sal die nye schulte sinen eed doen vor onsen amptman opp Goe ende Woeld als vors. is, ende die sal den eed ontfangen. Ende dede die amptman daervoer weigheringe inne boven dren daghen na der ierster versoekinge, soe mach die borghermeister van Groninghen den eed tot dier tiid ontfangen, als die amptman vors. ghedaen solde hebben als vors. is. Voert sal onse stad van Groninghen tot allen twintich jaren opp sunte Michielsdach off binnen eenre maend daernae onbegrepen mit horen zekeren boden onse gherichte vors. mit sinen toebehoren in Groninghen versoeken an onsen amptman toe Covoerden mit twen marken ende een derdendeel van eenre marck lodichs silvers off die weerde daervoer an gueden guldenen paymente. Ende onse amptman toe Covorde vors. sal hem opp dat versueck sinen brieff gheven, ist dat sies begheren buten horen kost. Voert ist vorwarde, dat onse stad vors. hoer pachtrecht ende huerweere des gherichts vors. niet versetten, versellen noch vercopen noch in gheenrehande manieren an yemand anders brengen en sullen buten onsen consent ende wille. Ende deden sie dat off dat sie enich van desen vors. punten verbreken, soe vielen sie claerlike van allen rechte ende toseggene, dat sie hadden an den gherichte vors. alsoverre als wij dat annemen wolden ende anders niet, beholdelic hem dat sie enen schulten nemen moghen van horen borgheren, also als vors. is. Voert als die hondert jare vors umghecomen siin, soe is dese pacht ende huerwere quiit ende doet. Mer ist dat onse stad van Groninghen vors. dat vors. gherichte mit sinen tobehoren in Groninghen voert in pacht hebben willen, soe sullen sie binnen eenre maend na sunte Michielsdach horen boden senden an ons off an onse nacomelinge, in der tiit bisscop tUtrecht, ende versoeken dat gherichte in Groninghen mit sinen tobehore als vors. is mit sestiin marken ende een derdedeel van twen marken lodichs silvers. Ende dan sullen wij off onse nacomelinge den borghermeisteren, raed ende onser ghemeenre stad van Groninghen dat gherichte in Groninghen mit sinen tobehoren weder verlyen ende bekennen hondert jaer in derselver manieren als vors. is alsoverre als ons dan van allen voerledenen pachten ende verboerden peenen voldaen weer, ende also voert ewelike van hondert jaren tot hondert jaren, ende nie brieve daeroff gheven ende nemen, sprekende van woerden to woerden als dese brieff spreket, ende dier brieve niet te weigheren, alle arghelist uuytghesproken. In orkonde des briefs beseghelt mit onsen seghele. Ende want wii, Frederick bisscop tUtrecht vors., vor ons ende onse nacomelinge dese zake ghedaen hebben vor nutticheit ende orbaer onss ghestichts, so hebbe wy ghebeden die eerbaren prelaten ende capittelen onser viif collegien, als van den Doem, Oldemunster, sunte Peters, sunte Johans ende sunte Marien tUtrecht, horen consent ende willen hierto te gheven ende dit mede te beseghelen. Ende hebben voert ghebeden onser stad ende hoeftsteden onses ghestichtes, als an dese siid onser stad van Utrecht ende onser stede van Amersforde, ende an die ander siid, als in Zalland, onse drie hoeftstede aldaer, als Deventer, Campen ende Zwolle, desen brieff mit ons ende onsen collegien vors. te beseghelen mit hoerre stad ende stede zeghele. Ende wy, prelaten ende capittelen van den Doem, Oldemunster, sunte Peter, sunte Johans ende sunte Marienkercken tUtrecht, aensiende vliticheit onss liefs ghenedighen heren vors., die hie tot alre tiid doet in oerbaer ende verbeteringe siins ghestichts, bekennen dat wij onse consent ende willen hierto ghegheven hebben, ende daeromme hebbe wy onser kercken seghele, ende wy, stad ende stede vors., onser stad ende stede seghele om bede willen onss liefs ghenedighen heren van Utrecht vorscreven mede an desen brieff doen hangen. Ghegheven tUtrecht int jaer onss Heren dusent vierhondert ende vive des yersten daghes in Octobri.
x
| Bestand | Oorkondenboek Groningen en Drenthe |
|---|---|
| Nr | 1222 |
| Olim | Naar het origineel in het rijksarchief te Groningen (Reg. 1405, no. 1), hoog 37,2, breed 57,2 cm. Ook in afschrift in het Div. I van Frederik van Blankenheim, fol. 216, in het rijksarchief Utrecht; in het gemeentearchief te Kampen (Reg. I, no. 368) Div. fol. 108 en in dat van Deventer, Inv. no. 1607, fol. 102 (Bijl. p. 215). Gedrukt bij Matth. ad Anon. p. 55, Dumbar Kerkel. en Wereldl. Deventer, II, blz. 11 en van Idsinga, Staatsrecht, II, blz. 52. |
| Jahr | 1405 |
| Datumcode | 0110 |
x
| Kommentar | Aan het stuk hangen aan perkamenten stroken elf goed bewaarde zegels. 1. het gewone zegel in rode was van de Bisschop van Utrecht. 2. in groene was van het domkapittel te Utrecht. 3. in groene was van het kapittel van Oldemunster. 4. in groene was van het kapittel van St. Pieter. 5. in rode was van het kapittel van St. Jan. 6. in groene was van het kapittel van St. Maria. 7. in rode was van de stad Utrecht. 8. in groene was van de stad Amersfoort. 9. in groene was van de stad Deventer. 10. in bruine was van de stad Kampen. 11. in groene was van de stad Zwolle. |
|---|