| Nummer:ogd1223 | Datum:1 okt. 1405 | Überlieferung:Editie | Fundstelle:Oorkondenboek Groningen en Drenthe, nr. 1223 |
Burgemeesters en raad van Groningen verklaren van de bisschop van Utrecht in pacht te hebben genomen het gerecht in Groningen, voor de tijd van honderd jaren.
Wij, borghermestere ende raed ende ghemene stad in Groninghen, maken kond ende kenlich allen lueden mit dezen openen brieve, dat wy van onser
stad weghen
ende tot hore behoef in pacht ende to pachtrecht ontfanghen ende anghenomen hebben van den eerwerdighen in Gode vader ende here, her Frederic,
by der ghenaden
Godes biscop tUtrecht, ende van sinen gestichte dat gherichte in Groninghen mit alle zinen tobehoren bynnen der stad ende buten den muren
suedwart to der stede to, daer men dat vredecruce pleghet to setten in den vryen market, ende als dat van oldes gegaen hevet ten oesten, ten
westen ende ten norden, tot hondert jaren to naestkomende na date des breves elkes jaers um achte ende twintich guede olde volwechtighe guldene
Francrixsche scilde, de vor data des briefs ghemuntet zijn, of alsovele vor elken Francrixschen scilt in anderen paymente, daer men up elker
tiit der betalinghe enen Francrixschen schilt umme mach kopen, de wy ende onze nakomelinghe up onsen kost ende arbeyt betalen zullen onzen
lieven here van Utrecht vorghescreven ende zinen nakomelinghen, biscopen tUtrecht, binnen Covorden an zinen amptman aldaer jaerlix up sente
Mycheelsdach of bynnen ener maend daerna onbegrepen. Ende de bode, de de pacht betalen sal, de sal velich wezen vor onsen here van Utrecht ende
vor al de zine uet ende to hues, sunder arghelist. Ende weert sake dat wy de pacht nyet en betaelden als vors. is, so vellen wy alle maend in
ene pene van tween olden scilden, dre maend lanc durende na den termine vors. Ende weerd sake dat wy bynnen dyen dreen maenden vors. den vors.
pacht mit den vors. penen , de dan verbord waren, nyet vol ende al en betaelden, so vellen wy van allen rechte ende tosegghen, dat wy hadden of
hebben mochten an den gherichten mit sinen tobehoren in Groninghen vors., ende datselve gherichte mit sinen tobehoren vors. quame dan weder vrij
ende loes an onzen lieven here den biscop van Utrecht ende an zinen ghestichte horen vryen wille daermede to done sunder iemens wedersegghen,
alsoveer als hie dat annemen wilde ende anders nyet, beholdelic hem ende zinen nakomelinghen nochtans hoers versetens pachts. Hiiraf zint
vorwarden, dat wy nemen moghen ende kezen tot enen schulten enen van onsen borgheren, den wie willen, ende de zal zinen eed doen vor ons liefs
heren amptman, den hie in der tiit hebben sal in den gherichte up Gho ende Wolt. Ende de amptman sal zinen eed ontfanghen van ons liefs heren
des biscops weghen in alsulker forme, dat hie elcker malc ordel ende recht doen ende wedervaren laten sal na olden herkomen des gherichtes in
Groninghen. Ende den schulten moghe wy verzetten also vake als wy willen. Ende also dicke als dat ghescheet, zal de nye schulte zinen eed doen
vor ons heren amptman up Gho ende Wolt als vors. is, ende de zal den eed ontfanghen. Ende dede de amptman daer vorweygheringe inne boven dreen
daghen na der eerster versokinghe, so mach de borghermester van Groninghen den eed to der tiit ontfanghen als de amptman vors. to der tiit solde
ghedaen hebben als vors is. Voerd zullen wy tot allen twintich jaren up sente Mycheelsdach of bynnen ener maend daerna onbegrepen mit onsen
sekeren bode dat gherichte vors. mit sinen tobehoren in Groninghen versoken an den amptman to Covorde mit tween marken ende een derdendeel van
ener mark loedich silvers of de weerde daervore an gueden gulden paymente. Ende de amptman to Covorde vors. sal ons up dat versoek sinen openen
breef geven, ist dat wy des begherende ziin, buten onsen kost. Voerd sint vorwarden, dat wy onse pacht ende huerwere des gherechtes vors. nyet
verzetten, versellen noch vercopen, noch in negheenrehande manyer an iement anders brenghen en zullen buten consente ende wille ons liefs heren
in der tiit biscops. tUtrecht. Ende dede wy dat of dat wy ienich van dessen vors. ponten verbreken, so vellen wy claerliken van allen rechte
ende tosegghen, dat wy hadden an den gherichte vors. alsoveer als onze lieve here de biscop dat annemen wilde ende anders nyet, beholdelic ons
dat wy enen schulten nemen moghen van onsen borgheren, als vors. is. Voerd als de hondert jaren ummeghekomen sint, so is deze pacht ende
huerwere doed, mer ist dat wy of onse nakomelinghe dat vorss. gherichte mit sinen tobehoren in Groninghen voerd in pachten hebben willen, so
zullen wy bynnen ener maend na sente Mycheelsdach onsen bode zanden an onsen lieven here in der tiit biscop tUtrecht ende versoken dat gherichte
in Groninghe mit zinen tobehoren als vors. is mit sestyen mark ende een derdendeel van tween marken loedighes silvers. Ende dan zal onse lieve
here de biscop van Utrecht, de dan in der tiit, ons ende onser stad van Groninghen dat gherichte in Groninghen mit zinen tobehoren weder verlyen
ende bekennen hondert jaer in derselver maneer als vors. is, alsoveer als hem dan van allen vorgheleden pachten ende verborden penen volghedaen
ware, ende also voerd eweliken van hondert jaren tot hondert jaren, ende nye breve daerup to gheven ende to nemen sprekende van woerde to
woerde, als deze breve spreken, ende de breve nicht to weygheren. Al arghelist uetghesproken. In orkunde des so hebben wy, borghermestere ende
raed ende ghemene.stad van Groninghen, onss stad seghel an dessen breef ghehanghen. Gegeven in den jaer ons Heren dusent vyerhondert ende vive
up den eersten dach van October.
stad weghen
ende tot hore behoef in pacht ende to pachtrecht ontfanghen ende anghenomen hebben van den eerwerdighen in Gode vader ende here, her Frederic,
by der ghenaden
Godes biscop tUtrecht, ende van sinen gestichte dat gherichte in Groninghen mit alle zinen tobehoren bynnen der stad ende buten den muren
suedwart to der stede to, daer men dat vredecruce pleghet to setten in den vryen market, ende als dat van oldes gegaen hevet ten oesten, ten
westen ende ten norden, tot hondert jaren to naestkomende na date des breves elkes jaers um achte ende twintich guede olde volwechtighe guldene
Francrixsche scilde, de vor data des briefs ghemuntet zijn, of alsovele vor elken Francrixschen scilt in anderen paymente, daer men up elker
tiit der betalinghe enen Francrixschen schilt umme mach kopen, de wy ende onze nakomelinghe up onsen kost ende arbeyt betalen zullen onzen
lieven here van Utrecht vorghescreven ende zinen nakomelinghen, biscopen tUtrecht, binnen Covorden an zinen amptman aldaer jaerlix up sente
Mycheelsdach of bynnen ener maend daerna onbegrepen. Ende de bode, de de pacht betalen sal, de sal velich wezen vor onsen here van Utrecht ende
vor al de zine uet ende to hues, sunder arghelist. Ende weert sake dat wy de pacht nyet en betaelden als vors. is, so vellen wy alle maend in
ene pene van tween olden scilden, dre maend lanc durende na den termine vors. Ende weerd sake dat wy bynnen dyen dreen maenden vors. den vors.
pacht mit den vors. penen , de dan verbord waren, nyet vol ende al en betaelden, so vellen wy van allen rechte ende tosegghen, dat wy hadden of
hebben mochten an den gherichten mit sinen tobehoren in Groninghen vors., ende datselve gherichte mit sinen tobehoren vors. quame dan weder vrij
ende loes an onzen lieven here den biscop van Utrecht ende an zinen ghestichte horen vryen wille daermede to done sunder iemens wedersegghen,
alsoveer als hie dat annemen wilde ende anders nyet, beholdelic hem ende zinen nakomelinghen nochtans hoers versetens pachts. Hiiraf zint
vorwarden, dat wy nemen moghen ende kezen tot enen schulten enen van onsen borgheren, den wie willen, ende de zal zinen eed doen vor ons liefs
heren amptman, den hie in der tiit hebben sal in den gherichte up Gho ende Wolt. Ende de amptman sal zinen eed ontfanghen van ons liefs heren
des biscops weghen in alsulker forme, dat hie elcker malc ordel ende recht doen ende wedervaren laten sal na olden herkomen des gherichtes in
Groninghen. Ende den schulten moghe wy verzetten also vake als wy willen. Ende also dicke als dat ghescheet, zal de nye schulte zinen eed doen
vor ons heren amptman up Gho ende Wolt als vors. is, ende de zal den eed ontfanghen. Ende dede de amptman daer vorweygheringe inne boven dreen
daghen na der eerster versokinghe, so mach de borghermester van Groninghen den eed to der tiit ontfanghen als de amptman vors. to der tiit solde
ghedaen hebben als vors is. Voerd zullen wy tot allen twintich jaren up sente Mycheelsdach of bynnen ener maend daerna onbegrepen mit onsen
sekeren bode dat gherichte vors. mit sinen tobehoren in Groninghen versoken an den amptman to Covorde mit tween marken ende een derdendeel van
ener mark loedich silvers of de weerde daervore an gueden gulden paymente. Ende de amptman to Covorde vors. sal ons up dat versoek sinen openen
breef geven, ist dat wy des begherende ziin, buten onsen kost. Voerd sint vorwarden, dat wy onse pacht ende huerwere des gherechtes vors. nyet
verzetten, versellen noch vercopen, noch in negheenrehande manyer an iement anders brenghen en zullen buten consente ende wille ons liefs heren
in der tiit biscops. tUtrecht. Ende dede wy dat of dat wy ienich van dessen vors. ponten verbreken, so vellen wy claerliken van allen rechte
ende tosegghen, dat wy hadden an den gherichte vors. alsoveer als onze lieve here de biscop dat annemen wilde ende anders nyet, beholdelic ons
dat wy enen schulten nemen moghen van onsen borgheren, als vors. is. Voerd als de hondert jaren ummeghekomen sint, so is deze pacht ende
huerwere doed, mer ist dat wy of onse nakomelinghe dat vorss. gherichte mit sinen tobehoren in Groninghen voerd in pachten hebben willen, so
zullen wy bynnen ener maend na sente Mycheelsdach onsen bode zanden an onsen lieven here in der tiit biscop tUtrecht ende versoken dat gherichte
in Groninghe mit zinen tobehoren als vors. is mit sestyen mark ende een derdendeel van tween marken loedighes silvers. Ende dan zal onse lieve
here de biscop van Utrecht, de dan in der tiit, ons ende onser stad van Groninghen dat gherichte in Groninghen mit zinen tobehoren weder verlyen
ende bekennen hondert jaer in derselver maneer als vors. is, alsoveer als hem dan van allen vorgheleden pachten ende verborden penen volghedaen
ware, ende also voerd eweliken van hondert jaren tot hondert jaren, ende nye breve daerup to gheven ende to nemen sprekende van woerde to
woerde, als deze breve spreken, ende de breve nicht to weygheren. Al arghelist uetghesproken. In orkunde des so hebben wy, borghermestere ende
raed ende ghemene.stad van Groninghen, onss stad seghel an dessen breef ghehanghen. Gegeven in den jaer ons Heren dusent vyerhondert ende vive
up den eersten dach van October.
x
| Bestand | Oorkondenboek Groningen en Drenthe |
|---|---|
| Nr | 1223 |
| Olim | Naar het origineel in het rijksarchief te Utrecht, afkomstig uit de landskist te Deventer (Inv. no. 204), hoog 39, breed 5o cm. |
| Jahr | 1405 |
| Datumcode | 0110 |